<<Retour

Chronicon Engolismense,

Ab anno DCCCXIV ad DCCCCXCI.

 

Ecscriptum ex Codice Conciliorum Bibliothecae Tilianae.

 

 

DCCCXIV.                Quinto kalendas Februarii, Karolus Augustus moritur, & Hludovicus filius ejus Imperium assumpsit. Indictio VIII. Epacta XVIII.I. Septembris.

DCCCXVI.                Annus Decemnovalis cycli hic incipit.

DCCCXXV.              Hilbodus Abba efficitur.

DCCCXXXIV.          Mense Junio Herus insula a generali Monachorum habitatione destituitur. Oddo Comes cum Lamberto congreditur, & occiditur.

DCCCXXXV.           Hero Insula Rainaldus XIII kal. Sept. cum Normannis congreditur.

DCCCXXXVI.          S. Filibertus VII Idus Junias Hero insula effoditur & transfertur.

DCCCXXXVIII.       Pipinus Rex hominem exuit.

DCCCXXXIX.         Arnulfi Abbatis advenit hora.

DCCCXL.                 Tertio Nonas Maii quartaferia, hora octava Eclipsis Solis efficitur, & XII kalendas Julias Hludovici Imperatoris hora terminatur.

DCCCXLI.                Septimo kalendas Julias Hlotarius Imperator cum Carolo & Hludovico suis fratribus in bello congreditur, & terga versus, Francorum strages efficitur.

DCCCXLIII.             Judith Imperatricis anima egreditur. Rainaldus I X kal. Julias occiditur. Nannetis, civitas a Wesfaldingis capitur. Karolus prima vice partibus Britanniae profiscitur.

DCCCXLIV.             Bernardus & Hervaeus occiduntur.

DCCCXLV.               Sigoinus Comes a Normannis capitur & occiditur, & Santonas civitas concrematur, & thesauri ejus exportantur optimi. Karolus secunda vice Britanniam proficiscens cum Nomenoio congreditur.

DCCCXLVI.             Herus Insula mense Julio a Normannis succenditur.

DCCCXLVII.            Normanni quarto kal. Aprilis Dias Monasterium incendunt.

DCCCXLVIII.           Burdigala civitas a Normannis capitur & ignibus crematur.

DCCCL.                    Karolus tertia vice Britanniam magno cum exercitu perrexit, & Nomenoius Redones, & Nannetis capiens, partem murorum portasque carum de struxit.

DCCCLI.                   Nomenoius jubente Deo ab Angelo iniquitatis Nonis Martiis permissus interiit. Karolus quarta vice Britanniam repetens, cum Erispoio filio Nemetto certamen iniit XI. kal. Septembris, partemque exercitus cum Viviano Duce amisit.

DCCCLII.                  Lambertus a Gausberto kal. Maii occiditur. Ranulfus & Raino pridie Nonas Novembris ad Briliaco villa cum Normannis dimicant. Mense Martii Gausbertus occiditur.

DCCCLIII.                Lucinnus mense Maii a Normannis succenditur, & mense Junii sancti Lorentii Monasterium, & Namnetis civitas, Turonis quoque similiter exuruntur.

DCCCLX.                 Obiit Elias Scotus Episcopus X. kal. Octobris, qui detulit corpus S. Benigni martyris Engolismae civitati.

DCCCLXIII.             IV Nonas Octobris Turpio Comes miles fortissimus defenso que optimus, vir magnificus, amator Clericorum, Ecclesiarum aedificator, pauperumque recreator, cum Normannis congreditur, & occiso Mauro, ab illo occiditur; & toto illa regio a Normannis capitur & succenditur.

DCCCLXIV.             X. kal. Januarii Domni Gerbaldi Episcopi anima sublimata ad aethera; raptus ideo, ne mutaretur malitia.

DCCCLXIV.             Emero cum Landrico congreditur XVIII kal. Julias & occiso Landrico, Emeno saucius ad Castrum regreditur suum, & post dies octo debitus naturae persolvit X. kal. Julii.

DCCCLXVII.            Migravit ad Christum Anatolus Laicus bonae memoriae.

DCCCLXVIII.           Tanta inedia omnium pene fuit Provinciatum, & exiguit panis, ut pro inopia victus homines infinitae multitudinis fuere a comaribus interempti, atque bestiarum more dentibus laniati. Et in ipso anno pridie jal. Junii Aequilisina civitas adgreditur reaedificari.

DCCCLXX.              Lotharius Imperator rebus humanis exemptus. Hludovicus suus patruus sumpsit Imperium. Errat

DCCCLXXIV.          XIX Cyclus novennalis est hic, VII. Indictio, nulla Epacta, Concur. IV. Clavis XVII. Terminus Nonis Aprilis Paschae dies III. Idus Aprilis Luna XX.

DCCCXXCVI.          Vulcrinus Comes obiit.

DCCCXCII.              Tertio Nonas Septembris Oliba Episcopus obiit.

DCCCXCV.              Anatolus Episcopus obiit XII. kal. Maii.

DCCCCXVI.             Ilduinus Comes obiit VI. kal. Aprilis.

DCCCCXVIII.          Quarto Idus Aprilis Lambertus Vicecomes, & Arnaldus frater ejus gladio sunt trucidati.

DCCCCXXII.           Tertio Idus Junii Islo sacer. obiit.

DCCCCXXIX.          Septimo Idus Januarii obiit Eroigius Archidiaconus.

DCCCCXXX.           Quarto Nonas Aprilis Ademarus Comes obiit.

DCCCCXL.               Decimo kal. Aprilis obiit Gumbaldus Episcopus, qui sedit annos XLIII. dies XXI.

DCCCCLI.                Indictione IX quarto Idus Febrarii Domnus Fulcaldus Episcopus migravit a saeculo, qui sedit annis XII. mensibus XI diebus decem.

DCCCCLVIII.           Unbertus Clericus frater Hugonis Ep. consummationem peregit.

DCCCCLXII.            Octavo Idus Aug. Willelmus Comes valde amantissimus obiit.

DCCCCLXIV.           XV kal. Febr. Eblo Episcopus gloriosam vitam finivit; sed gloriosiorem in Christo percepit. Hic sedit annos XII. menses IX. dies XVI.

DCCCCLXX.            Septimo kal. Octobris, Bernardus Sacerdos obiit.

DCCCCLXXIII.        Tertio kal. Aprilis obiit Aledus, & XIX kal. Februarii Ranulfus Epsic. obiit, qui sedit anni novem, mensibus novem, diebus tresdecim.

DCCCCLXXIV.        Tertio kal. Apr. Hugo Pontificali ordine Sacerdot. est functus.

DCCCCLXXV.         Sexto kal. Augusti Ramnulfus Comes gladio est interfectus.

DCCCCXXC.           Indictione VIII. V Id. Apr. Elias Archid. migravit ad Dominum.

DCCCCXXCI.          XIII. kal. Martii Monasterium S. Petri Apost. mater Ecclesia Engolism. urbis, cum tribus Eccles. & magna parte ipsius civitatis incendio exuritur.

DCCCCXXCVII.      Indictio XV. Epacta XVIII. Concur. V.

DCCCCXC.              Octavo kal. Decembris obiit Domnus Hugo Episcopus.

DCCCCXCI.             Tertio kalendas Octobris Grimoardus Pontificali ordine Sacerdotio est functus.

<<Retour