Recueil des historiens des Gaules et de la France

(Rerum Gallicarum et Francicarum scriptores)

 

Contenant la suite des monumens des trois règnes de Philippe I,

de Louis VI dit le Gros, et de Louis VII surnommé le Jeune

depuis l’an MLX jusqu’en MCLXXX.

 

par des religieux bénédictins de la congrégation de Saint-Maur.

 

Tome XIII 

 

 

Ex Chronico Alberici Trium-Fontum monachi.

Apud Leibnitium T. II. Accessionum Historicarum, 1678 in-4°.

 

 

Anno MCXIX.

 

.....

Sudarium Domini, de quo supra tetigimus in historia Antiochena, modo est in Abbatia de Caduinii Petragoricensis diœcesis. Dominus Ademarus Podiensis moriens in Antiochia vasculum plumbeum cum Sudario commisit cuidam Vicecapellano suo, deferendum Ecclesiae B. Mariae de Podio cum litteris suis, in quibus litteris praecipiebatur ut idem Vicecapellanus esset Canonicus Podiensis: qui cum litteras praesentasset et de Sudario praelibasset, spreverunt eum Canonici de Podio qui erant magni et nobiles domini, tanquam ista confînxisset; et ita Vicecapellanus iste qui erat de Petragoricensi diœcesi natus, ad parochiam suam cum Su­dario illo revertitur, et vasculum plumbeum in quadam trabe in Ecclesia sua non longe ab altari latenter et decenter collocavit. Contigit paulo post Ecclesiam illam comburi, et vasculum plumbeum cum Sudario, miraculo divino, incolume evasit. Deinde procedente tempore, Presbyter idem in Abbatia Caduinii, quae erat vicina, se reddidit, et sanctuarium illud ibidem dedit....

......