Note préliminaire (Cl.R.) : Le scribe de ce manuscrit est le même que :

• celui du document contenu dans le dossier coté E751,
• celui du 7^ème document de ce dossier (E750)
• celui du 2^ème document du dossier E. 752.

Hélas, son nom n'est nulle part mentionné!

Transcription (Cl. R. / juin 2009):

Ego, G. de Lamarthonia filius quondam G. de Milhac notum facio universis presentem cartulam inspecturis quod ego non coactus non deceptus set spontanea voluntate ductus, vendidi bona fide, XX. denar. renduales quos habebam iure hereditario [proportionaliter ex divisione primorum bonorum] (1) in manso de la Lhaudia, sito in parrochia de Milhac, domino G. de Manhac militi et heredibus sive successoribus suis iuste et pacifice perpetuo possidendos. Nomine cujus venditionis confiteor me recepisse XX. sol. a predicto milite in pecunia numerata. Ego vero de supradict. denar. me devestivi & antedictum militem pro me & meis investivi & plenam ei & successoribus suis promisi facere garentiam adversus quamlibet molestatem. Ad quam faciendam me & [m---a] (2) obligavi, renuncians omni juri, actioni exceptioni, non pecunie numerate, promittens memorato militi fide prestita corporali contra dictam venditionem per me vel per alium, nunquam ire. Et quia sigillum proprium non habebam, sigillum venerabilis abbatis de Petrosa presenti cartule feci apponi ad maiorem rei evidentiam munimin. Datum III kal januarii, anno Domini M° CC° L° VI°.