Enquête faite pour le vicomte de Limoges [1] contre le seigneur d'Hautefort [2], accusé d’entraver sa justice dans les paroisses deBadefols (-d’Ans, Dordogne) et de Nailhac (Dordogne) (1420) [3]
Transcriptions et notes par M. Gilles de Blignières (janvier 2019)
Cahier papier de 5 folios, le dernier mutilé, mouillures partielles, certaines lignes illisibles. Numérisé sur le site guyenne.fr. Il s’agit manifestement de la copie parfois incomplète et sans doute plus tardive dans le siècle d’une minute aujourd’hui perdue.
La justice de Badefols était partagée au XIVe siècle entre le vicomte et le seigneur d’Hautefort, lesquels tenaient à Badefols des assises communes : Assises de la juridiction de Badefols tenues le jeudi apres laetare Jerusalem 1361 (v. st. soit 11 mars 1362) « pro excellentissimo principe domino duce Britania vicecomiteque Lemovicense et nobili et potenti viro domino de Altoforo, condominis dicti loci de Badafollo » (A.D. Maine-et-Loire, 30 J 6, n°6, fonds de Damas, original sur parchemin). L’enquête présenté ici n’était diligentée qu’au seul profit du vicomte, et les témoins sollicités lui étaient probablement tous inféodés ou favorable.
[folio 1 verso] C'est l'information faite par les juge et procureur de Monseigneur le vicomte de Limoges en sa chastellenie d'Ans, sur ce que le seigneur de Aulteffort c'efforce de empescher mondit seigneur en la justice et seigneurie directe du lieu de Badeffoul et du lieu de Nailhac et de chacun d'eulx. Et fut faite lad. information le viie jour de jung et l'an mil iiiic xx (voir note supra).
Et premierement Bertrand de Bonneguise [4], escuier de l'aage de xxxv ans ou environ, tesmoing produit, juré et diligentement examiné, ayant memoire de xxv ans selon qu'il dit et deppouse par son serment, que tout le temps de sadite memoire il ha veu user de tous exploits de justice, c'est assavoir les sergens de mondit seigneur le vicomte, en adjournent et gaignent, arrestent et prenent gens delinquens quant ils avoient delinqué, plainement et paisiblement et sans nul debat, et sans veoir ne savoir nul autre faisant ne exercent aucuns exploits de justice. Et a veu que les manans et habitans dudit lieu ont obey aux assises de mondit seigneur, et quant y ha eu aucuns qui n'ont duhement comparu a leurs jours et assignations, lui qui parle a veu les ettre en deffaux, et la somme imposee et taxee par lesd. deffaux veu paier a iceulx deffaillens. En tant que touche la justice de Nailhac, dit qu'il a veu tousjours tenir les assises dudit lieu aux juges du seigneur d'Aultefort en tant que touche ledit lieu tant seulement et territoire d'jcellui jusques certains termes, lesquels ignore, et c'est jusques au dedans des croix ou s'il y a autre borne, et au [...] de la paroisse dudit lieu. Dit qu'il a veu exercer et fere tenir [les assises] de justice par les sergens de mondit seigneur continuellement [...] tous le temps de sadite memoire, et a veu venir et obeyr les habitans dudit lieu de Badefoul, en demandent et deffedent et autrement, et les autres habitens et subjets de la chastellenie venir aux assises d'Ans et devers les juges de mondit deigneur en ladite chastellenie ordonnés, et sans nul contredit.
Gerault de Soilhac, laboureur parroisse de Bersac [5], de aage de iiiixx dix ans, ayent memoire de iiiixx ans, tesmoing juré, receu et diligemment examiné sur les choses dessusdites, dit et deppouse sous son serment que tout le temps de sadite memoire il ha veu et sceu que les sergens de mondit seigneur le vicomte ont fait tous exploits de justice au lieu de Badefoul, comme adjournement gaigent faisant saisines, inhibitions, deffenses, prennent et arrestant ses gens quant le cas le requeroit [... ...] sans nul debat. Dit en oultre que ha veu une fois, bien [...] ans ou environ que
[folio
1 verso] maistre Guillaume Basat, lors procureur de la vicomté de
Limoges par feu monseigneur lors pere de messeigneurs, fit tenir l'assise pour
mondit seigneur audit lieu de Badeffoul, devent la pourte du chastel de mondit
seigneur, et lui qui parle si presenta et se expedia ou ses parties admises, et
veu que plusieurs y furent mis en deffaux et amendes, et entre les autres fut
constitué en amende ung nommé Pierre de Fregefont, dit autrement Pontat,
qu'il avoit achapté un peel de foyne (?) au lieu de Badeffoul dont il n'avoit
paié le peage, interrogé par qui estoit juge tenent lad. assise, dit par son
serment que n'est pas recours et plus n'en scet. Dit en oultre que tous
le temps de sadite memoire, il ha veu venir et obeyr aux assises d'Ans les
habitans du lieu de Badeffoul, en demendent et deffendent, comme vrays hommes
subjects de mondit seigneur, et plus n'en scet.
Estienne Nadeau, laboureur du lieu de Beauregard [6], de l'age de cinquante ans, ayent memoire de xl ans, tesmoing receu juré et diligemment examiné, dit et deppouse par son serment que tous le temps de sad. memoire, il a veu fere tous exploits de justice au lieu de Badeffoul par les sergents et autres officiers de mondit seigneur le vicomte, et dit qu'il a veu que les manans et habitans dudit lieu de Badefoul ont tousjours fait convenir et adjourner l'ung l'autre en demandent et deffendent et obeyr a l'assise et court de Ans sans nul contredit. Dit que bien ha xl ans qu'il lui recourde qu'il oyt dire que l'assise d'Ans avoit tenu au lieu de Badeffoul, et que maistre Guillaume Araymont, licencié en loys, pere de Bertrand de Bonneguise, l'a tenu, et lui qui parle l'oyt dire a Alays, mere de [...], a Pierre de Fregefont, et a plusieurs autres qu'il ne [...] de lad. assise. Au regart de Nailhac, dit que lui qui parle est fermier de la chastellenie d'Ans, est allé au lieu de Nailhac signé et marché les mesures de blés et de vin du signe et marche de mondit seigneur, et après qu'il avoit signé et marché, que le seigneur d'Aultefort signet et marchet de son signe, et plus n'en scet.
[folio 2 recto] Jacme Douhat, sergent de mondit seigneur en sa chastellenie d'Ans, de aage de iiiixx ans, ayant memoire de soixante et dix ans selon qu'il dit et plus, tesmoing receu, juré et diligemment examiné, dit et deppouse par son serment que tout le temps de sad. memoire il a veu exercer toute [justice] et fere tous exploits de justice par les gens et officiers de mondit seigneur au lieu de Baddefoul, cas advenant adjourner, saisir, arrester, prendre gens que le cas le requeroit, prendre gaiges pour debtes, les composer et expouser venables, les vendre et livrer au plus offrent, et paisiblement comme es autres lieux de la chastellenie d'Ans, et faisant nul débat. Il dit oultre que lui qui parle, comme sergent de mondit seigneur, y a adjourné plusieurs a la requeste de parties, et y a gaigé et et exequté plusieurs et par plusieurs foys. Dit plus qu'il vit une foys, bien ha xl ans ou environ, qu'il vit et fut present quand maistre Guillaume Basat fit tenir une assise pour mondit seigneur devant l'ostel de Bertrand de Faye, situé au lieu de Badeffoul, et dit qu'il a veu venir et [...] les manens et habitans dudit lieu de Badeffoul aux assises d'Ans tenues pour mondit seigneur es lieux ont lors heu et tenue paisiblement comme les autres habitans et subgiés de mondit seigneur et de sad. chastellenie d'Ans, a cause de son chasteau d'Ans. Et plus n'en scet.
Guillaume Sautet dit [... ...] laboureur de Beauregard, de aage de soixante ans ou environ, ayant memoire de cinquante ans, tesmoing receu juré et diligemment examiné, dit et deppouse par son serment que tout le temps de sad. memoire lui qui parle a veu fere tous exploits de justice par les sergens et autres officiers de mondit seigneur au lieu de Badeffoul et [...] les habitans dudit lieu de Badefoul aux assises d'Ans, comme les autres subgiés et hommes de la chastellenie d'Ans, paisiblement et sans nul contredit, comme la tesmoigné [... ...] plus a plain deppousé. Et dit que une foys, bien ha [..] ans ou environ, que lui qui parle
[folio 2 verso] et estoit en sa compagnie, maistre Pierre Bonet, juge d'Ans pour mondit seigneur pour tenir l'assise audit lieu, et feu le seigneur d'Aultefort estoit présent, lequel se oppousa [...] fut procedé de tenir ladite assise, et prins jour entre ledit Bedas et led. seigneur d'Aultefort, auquel icelui d'Aultefort deut monstrer de ses droiz. Dit que ce non obstant ledit Bedas et juge, se mirent en [...] devant la pourte de l'oustel de Bertrand de Bonneguise, et illec firent cryer et [...] ls affermes de mondit seigneur, et les livrerent au plus offrent. Et lui qui parle mist et offrit en la prevosté d'Ans xv livres bonne monnoie estant escu de prix de iii d. à xxii sol et lui fut aloué. Et apres lui fut ousté et bailhé a Olivier de Mosneys et a Hublot de Pragelier [7]. Au regart et en ce qui touche la justice de Nailhac, dit qu'il a oy dire a plusieurs que la justice dudit lieu est et appartient à mondit seigneur. Dit que lui qui parle, comme plusieurs officiers de mondit seigneur en la chastellenie d'Ans, a esté audit lieu de Nailhac et prins mesures qui estoient a mesurer blés et les ha signés et marchés de la marche a mondit seigneur, et les marchoit apres de la marche dudit seigneur d'Aultefort. Et plus ne scet.
Bernard [... ...] parochien de Bersac, de aage de xl ans ou environ, ayant memoire de xxx ans, tesmoing receu, juré et diligemment examiné, dit et deppouse par son serment que tout ledit temps de sad. memoire il ha veu venir et obeir les habitans dudit lieu de Badefoul aux assises d'Ans tenues par les juges de mondit seigneur, tant en demandent que deffendent, comme les autres habitans et subgiés de lad. chastellenie, sans nul contredit. Et plus n'en scet.
[folio 3 recto] Noble homme Olivier de Mousneys [8], escuier du lieu d'Auteffort, de aage de cinquante ans ou environ, ayent memoire de quarante ans ou environ, tesmoing receu, juré et diligemment examiné, dit et deppouse par son serment qu'il a veutout ledit temps de sad. memoire que les sergens de mondit seigneur ont adjourné, gaigé les habitans du lieu de Badefoul, de partie a partie et autrement. Et a veu continuellement venir et obeir aux assises d'Ans tenues par les juges de mondit seigneur ourdonnés en lad. chastellenie, quelque part que ayent esté tenu dedans lad. chastellenie, tant en demandent que deffandent, de partie a partie, et pour respondre au procureur de mondit seigneur, les condempner l'une partie envers l'autre pour [.... ... ...] la moitié et constituer en amendes et deffaux quant les cas le requeroient, paisiblement et sans nul contredit, comme les autres hommes et subgiés de lad. chastellenie. Dit que une foys, bien ha xv ans ou plus, que lui qui parle veu que feu le Bedas venir au lieu de Badefoul ou il avoit fait assigner l'assise d'Ans, et estoit en sa compaignie maistre Pierre Bonet, juge pour mondit seigneur en la chastellenie d'Ans, et fut suprocedé de tenir l'assise a la requeste du seigneur d'Aultefort, pere du seigneur qui a present est, par aussi que ledit seigneur d'Aultefort print jour dedans lequel il deut [...] et monstrer du droict qu'il se disoit avoir. Et dit ce non obstant ledit Bedas et jugese misrent en siege en la place d'entre l'oustel de Bertrand de Bonneguise, et firent voyr et [...] les affermes de mondit seigneur de sad. chastellenie d'Ans au plus offrent, lesquelles furent par eulx [...]. Et lui qui parle fut prevost en celui an de lad. chastellenie. Et plus ne scet.
Regnault de [...], laboureur de Beauregard, de aage de xl ans, ayent memoire de xxx ans, dit qu'il ha veu le temps de sad. memoire venir et obeir les habitens du lieu de Badefoul aux assises d'Ans, comme le tesmoing de precedent a deppousé. Dit qu'il a oy dire a la Soroyne que elle avoit oy dire a ung nommé Regnaut, sergent du seigneur d'Aultefort, que la justice de Nailhac estoit de monseigneur le vicomte de Limoges, et que le seigneur d'Aultefort, pere du seigneur qui est a present [... ...] que icellui Regnaut avoit dit ]na proces le [... ... ...]
[folio 3 verso] Pierre Boyssiere, laboureur du lieu de Chassenc [9], de aage de iiiixx ans , ayent memoire de lxx ans, tesmoing receu, juré et diligement examiné, dit et deppouse par son serment que tous le temps de sad. memoire, il a veu venir et obeir les habitans du lieu de Badeffoul aux assises d'Ans, comme les autres hommes et subgiés de lad. chastellenie, paisiblement et sans nul contredit. Dit plus que oy dire plusieurs foys en temps que messire Guy de Quarentoys , chevalier, esté lieutenant de monseigneur le vicomte qui lors estoit vicomte de Limoges, et lequel fasoit sa demourance a Badeffoul, en l'oustel de mondit seigneur, fasoit et fict plusieurs foys tenir l'assise d'Ans poir mondit seigneur audit lieu de Badeffoul. Interrogé s'il scet les noms de juges, dit que non. Au regart et en tant que touche la justice de Nailhac, dit par son serment qu'il croyt fermement que lad. justice est de mondit seigneur, et pour ce le dit croyre comme il ha veu tousjours user les officiers de mondit seigneur audit lieu, en faisant tous exploits de justice comme adjournement, gaigent, executent, tenent assises tout le temps de sad. memoire, jusques ad ce que feu messire Maurice de Pars, jadis chevalier et lieutenant de la vicomté de Limoges donna au seigneur de Aulteffort la justice dudit lieu de Nailhac. Et dit que après, ledit messire Maurice alla devers madame de Bretaigne [10] vicomtesse de Limoges qui estoit boyteuse pour fere confirmer ladite donaison a madame, laquelle repondit audit Maurice qu'elle n'en feroit rien, ne que pour lui elle ne desheriteroit pas ses enffans, selon que lui qui parle oyt dir a Pierre Faure de [... ...] Le Camus, qui estoit cappitaine de Chassenc et estoit allé apres ce devers madite dame, laquelle lui avoit dit la reponse que avoit fait audit messire Maurice en la maniere que dit est. Dit en oultre que apres ce que ledit Camus fut venu devers madame, il tint l'assise d'Ans audit lieu de Nailhac, et lui qui parle l'a veu [... ...] et voit que ledt seigneur d'Aultefort l'en menassoit. Dit en oultre que après, il a veu tenir les assises esdits lieux de Badefoul et de Nailhac, a Henry Le Bar [11], aussi lieutenant de lad. vicomtesse, mays des noms de juges, dit qu'il ne les scet. pas.
[folio 4 recto] Pierre Goyaut, laboureur du lieu de Badefoul, de aage de iiiixx et dix ans, ayant memoire de lxx ans [suit une ligne et demi en blanc]
Pierre Faure, du lieu de Badefoul, de aage de lxx dix ans, ayant memoire de soixante ans, tesmoing juré, receu et diligement examiné sur ce que ledit monseigneur le vicomte de Limoges avoit cinquante sols de annuel et perpetuel cens ou rante sur l'oustel de Bertrand de Bonneguise. Dit et deppouse par son serment qu'il a oy dire a plusieurs que mondit seigneur ha de pencion chacun an sur ledit hostel assis au lieu de Badefoul cinquante sols monnoie courent, et en oultre certaine pencion de vins, laquelle il ignoret pour le présent. Item dit en oultre que en temps que Mondisson de La Chassagne avoit le gouvernement du lieu de Chass[..], lui qui parle vit et oyt que ung valet dudit Mondisson appellé Pierre de La Verne, ung an ququel de present il n'est pas recours, bien ha xxv ans environ, venit au lieu de Badefoul, et alla a l'oustel dudit Bertrand, et saisit et mist en la main de mondit seigneur le vin qui estoit en selhier dudit hostel pour la sureté desd. cinquante sols de rente ou pencion. Et dit que puis apres la mere dudit Bertrand fit aucune composition ou accord en tant que la main lui fut levee. Et plus n'en scet au regard de lad. pencion. Dit oultre qu'il vit ung appellé Guillaume de B[eau]royre [12], lequel estoit cappitaine du chasteau de Badefoul pour monseigneur le vicomte, lequel avoit grant debat avecques Rippe du Sou[lier] [13] de ce que ledit cappitaine disoit que certaine partie du fons de l'os[tel] dudit Bertrand a cause dudit chasteau estoit de na[...] mays de la maniere, ne comment ledit debat cessa, dit qu'il ne le scet pas, et plus n'en dit.
Messire Jehan Faure [... ...]de Badefoul, de aage de lxx ans ou environ, ayent memoire de soixante ans, dit et deppouse par son serment que bien ha xl ans ou environ, que lui qui parle vit par deux foys tenir l'assise en lieu de Badefoul par un [...] qui estoit de Saint-Léonard et estoit procureur ung nommé maistre Guillaume de [Ba ?]sat de Saint-Y[rieix ?], et la premiere foys tenue en la [...] publique devant l'oustel de Bertrand de Bonneguise appellé du Soulier et la seconde foys devant l'oustel du seigneur de la [... ... ... ...] et sans nul debat. Et a oy dire que les habitans de Badefoul sont tenus de aller requerir [... ... ] audit lieu de Badefoul [... dernière ligne illisible ...]
[folio
4 verso] [... ... ...] nul contredit [... ... ... ... ... ...] de mondit
seigneurle vicomte. Et dit que lui qui parle a veu les fourches dressees de
La Chappelle, dans un puy appellé de Mas Pratas, aupres du lieu de Nailhac
appellees de Nailhac au puy appellé de Mas Pratas, auprès dudit lieu de Nailhac
pour mondit seigneur , et a oy dire que les dismes des bles menus de Nailhac
estoient de [... ...] pour tenir en estat lesdites fourches, [... ...]
cinquante sols et une soumade de vin sur l'oustel ou demeure a present Bertrand
de Bonneguise, lequel fut de messire Arnaud de Faye, licencié en
loys. Dit et deppouse que en temps que Mondisson de La Chassagne
avoit le gouvernement de Chassenc pour monseigneur le vicomte, lui qui parle vit
que ledit Mondissou prenoit a la mere dudit Bertrand lesd. cinquante sols et
lad. soumade de vin sur led. houstel et appartenances d'icellui. Dit en oultre
que lui qui parle aveu et leu par plusieurs foys ung regestre ancien en
la maison de Bertrand de Faye et aussi en la maison dudit Mondisson de
La Chassaigne, auquel regestre estoit contenue ladite somme de cinquante sols
et ladite soumade de vin estoit dehue a mondit seigneur par ledit houstel qui
fut dudit messire Arnaut de La Faye. Et dit en oultre qu'il a veu
demander ladite rente a ladite mere dudit Bertrand de Bonneguise, en en
ha veu saisir [...] par Pierre La Vernhe qui estoit procureur dudit Mondisson,
et que lad. mere dudit Bertrand alla a feu Le Bedas, lors lieutenant de
lad. vicomté, pour fere levee ladite [saisie], laquelle lui fut levee par
certain appointement , lequel il ignore. Dit plus qu'il a veu aussi le leu
audit registre que mondit seigneur avoit sur l'autre hostel dudit Bertrand
[...] hostel de Pierre du Soulier assis a Badeffoul troys [... ... ... ]
chacun an de rente. Et dit qu'il a oy dire a plusieurs que] certains hommes du
lieu de Badeffoul, commisrent une trahison et tant que furent jugés a pendre
les testes, c'est assavoir troys les noms desquels ne lui souvient pas, et furent
jugés pour ce que avoient pourtés vivres recelement au [... ...] et a
messire Girard de Fourceys, angloys, [...] le siege du chasteau de
Badefols et de mondit seigneur, dont apres firentappel et appellerent en la
court de mondit seigneur, par laquelle furent jugés pour [...] et l'ung des
troys fit l'exeqution, des deux autres [... ...], et fut fait l'an mil
iiic xxxvi comme lui qui parle a veu et leu en coppie en ung missel
de sa esglise. Et plus n'en scet.
[folio 5 recto, manque la moitié droite du folio, découpée]
Noble homme Hugon Ramp[...
ans, ayent memoire de x[...
examiné, dit et deppouse [...
parle a oy dire publiqu[...
de Limoges et estoit [...
a oy dire de feu |...
et puis vingt et cinq[...
fort, pere de la mere du [...
monseigneur le vicomte de Lim[...
seigneur d'Aultefort esta[...
justice de Nailhac de [...
seignourie et propre do[...
d'Ans, et que les offici[....
devons de laissr passer [...
d'empescher et empeschoit ne layssoit[...
Nailhac qu'il n'y avoit nul droit.
[fin du texte]
[1] Olivier de Blois-Bretagne, vicomte de 1404 à 1433.
[2] Plus probablement Hélie de Gontaut, époux de Mathe de Born, dame d’Hautefort, mort en 1420 où peu après, que son fils Jean d’Hautefort, marié en 1420 et mort en 1469 ou peu après.
[3] Le millésime de 1440 (corrigeant celui de 1480) porté au dos du cahier, et qui en effet peut se lire dans le texte, est chronologiquement impossible, compte tenu des personnages cités. L’année 1420 est bien préférable, et pourrait aussi se lire en considérant deux x très étalés en fioritures, sinon un dérapage de plume, voire enfin une erreur de scribe.
1) Bertrand (Aramond) de Bonneguise est mineur, sous la tutelle de sa mère, en 1390 et 1400, il ne peut donc pas être né en 1405 pour avoir 35 ans en 1440, loin de là :
- A.D. Dordogne, 10 J 54, fonds de Peyraux, liasse Bonneguise, en ligne : Le lundi avant la Ste-Marguerite (14 juillet) 1390, requête devant l’Official de Périgueux, faite par noble Marguerite de Bruzac, damoiselle, veuve de feu vénérable et discret homme messire Guillaume Aramond « de Bonneguise », licencié en lois, disant que son mari venait de passer de vie à trépas, et demandant à être confirmée comme tutrice de leurs enfants mineurs Bertrand, Picarde, Bonne, Guillaumette et Isabelle de Bonneguise, héritiers universels communs et indivis de son mari, mort intestat.
- A.D. Pyrénées-Atlantiques, E 635, Hommages au duc d'Orléans (1400), cliché n° 6 sur guyenne.fr : « Datum secundum die septembris. Marguarita de Bruzaco, uxor quondam Guillelmi Ayramundi, licenciatus in legibus, tutor et nomine tutorio Bertrandi de Solerio [Le Soulier, seigneurie des Bonneguise], fecit juramentum fidelitatis ad potentissimo domino nostro duce Aureliense, comite Petragoricense, a causa dicti sui comitatus, in manibus nobilis egregiis Reginaldi de Sans, commissarii dati per dictum ducem, in toto comitatu suo Petrag. sitibus, rerum, censualum et aliarum pocessionem que quondam fuerunt Arnaldi de Faya, militi, que habet et tenet in castellania Montinhaci. P. de Querci present ».
2) Olivier de Moneys est nommé le 29 octobre 1395 comme damoiseau d’Hautefort (BnF, fonds Périgord 122, Bonneguise, f° 13), sans être dit mineur, donc en principe majeur de 25 ans, et aurait eu 70 ans et non 50 en 1440.
3) Guillaume de Beauroyre est par ailleurs dit mineur en 1350 (BnF, fr. 31894, dom Villevieille, Beauroyre), et n’a plus laissé de trace après 1370. Le témoin Pierre Faure qui l’évoque a « mémoire de 60 ans », c’est déjà probablement exagéré.
[4] Bertrand Aramon, dit de Bonneguise (cité de 1395 à 1428), toujours qualifié damoiseau, seigneur du Soulier (en Badefols) était fils de Guillaume Aramon, dit de Bonneguise, licencié en lois, décédé en 1395, et de Marguerite de Bruzac.
[5] Aujourd’hui commune du Lardin-Saint-Lazare, Dordogne.
[6] Beauregard-de-Terrasson, Dordogne.
[7] Famille peu documentée, originaire du Limousin. Il y aura au siècle suivant une alliance avec la famille de Badefols, laquelle n’apparaît pas à Badefols-d’Ans avant 1468.
[8] Olivier de Boysseulh, dit de Moneys (cité de 1395 à 1427), damoiseau d’Hautefort, était fils d’Hélie de Boysseulh (cité de 1349 à 1389), aussi damoiseau d’Hautefort, et peut-être de Bertrande de La Tour-Blanche. Olivier avait probablement épousé en 1ère noces après 1395 Marguerite de Bruzac, veuve de Guillaume Aramond.
[9] Aujourd’hui Chassaing, en Nailhac. Ancienne bastide, siège d’une paroisse et d’une capitainerie de la vicomté, tombée progressivement en déshérence dès le XIVe siècle pour ne plus être ensuite qu’un village (B. Fournioux, Encore une bastide désertée : Chassaing en Périgord, Annales du Midi 1981, p. 313-319, en ligne sur Persée.
[10] Jeanne de Penthièvre (1324-1384), veuve de Charles de Bois depuis 1364.
[11] Henri Le Bart, sénéchal du vicomte (en l’occurrence de la vicomtesse) de Limoges en 1375 et 1376 (A.D Pyrénées-Atlantique, B 1763, en ligne sur guyenne.fr.
[12] Guillaume de Beauroyre, damoiseau de Badefols (cité de 1350 à 1370), était fils de Bernard de Beauroyre, dit La Peyre, damoiseau d’Hautefort (cité dès 1322, mort en 1349) et de Hélis de la Roque (-Gageac).