Remarques préliminaires :

• liasse constituée de 3 manuscrits.
• transcription in Leydet, BnF, Fonds Périgord, tome 9, recueil n° 2, p. 31. voir ici cette transcription. La copie de cette transcription est reproduite ci-dessous.
• document décrit au chapitre 9 (donations, transports, promesses, assignations de rente, gages, états et pensions), cotté n° 8 (inventaire Jean Fabre de 1546, registre E 607, f° 144 r°)

Copie du manuscrit (Photos Cl. Ribeyrol):

1er mss. :

2ème mss. :

3ème mss. :

dos du manuscrit:

transcription (partielle) par l'abbé Leydet :

Charles par la grace de Dieu … à nos amés et feaux les generaux conseillers par nous ordonnés sur le fait et gouvernement de toutes nos finances et au seneschal de Lymosin ou à son lieutenant, salut et dilection. Comme nous avons entendu que Bertrand d’Abzac en son vivant chevalier, lequel ce jourd’huy en ceste nostre ville de Lymoges a esté corporellement executé en sa personne pour plusieurs cas et delits par luy commis et perpetrés à l’encontre de nous et de nostre royal majesté, avoit dans la ville de Sarlat une belle bible, laquelle à cause de forfaiture et de confiscation nous appartient et d’icelle pouvons faire et disposer à nostre plaisir et voulonté, scavoir vous faisons que en faveur de nostre très chier et amé cousin le comte de Penthievre et pour consideration de plusieurs services qu’il nous a fait, nous, à nostre très chiere et amée cousine Marguerite comtesse de Penthievre sa femme, avons donné et donnons de grace especiale par ces presentes la ditte bible pour d’icelle faire et disposer à son plaisir et volonté, si vous mandons et à chacun de vous si comme à luy appartient que, au dit cas vous la ditte bible quelque part que trouver la pourrez, faites la bailler et livrer reallement et de fait à nostre dite cousine ou à son commendement, en contraignant tous ceux qui pour ce seront à contraindre par toutes voyes etc. Donné à Lymoges le XI jour de mars en l’an de grace mil CCCC trente et huict, et de nostre regne le XVIIme. Par le roy en son conseil. Et pend à une bande de parchemin decoupée au bas un sceau en cire jaune, aux armes de France, 3 fleurs de lys. A ces lettres son attachées, 1° l’enterinement de ces lettres par les gener. des finances, datté du XXII jour de mars l’an mil CCCC trente et huict, 2° une commission du lieutenant du seneschal de Limosin, qui en consequence des lettres du roy donne ordre à la requisition de la contesse de Penthievre de faire la recherche, ubicumque infra regnum Franciae, la dite bible …. Datum Lemovicis sub sigillo dictae senescalliae lemovic., die vicesima octava mensis martii, anno Domini M° quadringentesimo tricesimo nono.

<< Retour