<< Retour

E 618

Cession par Arnaud de Bonneville, chanoine de Périgueux à Archambaud III, comte de Périgord, d'une créance de 350 livres tournois sur Pierre de Galard, seigneur de Limeuil (1319)

Transcription: Gabriel Foglia & Claude Ribeyrol (2007)

Noverint universi et singuli presentes litteras seu presens publicum instrumentum inspecturi, quod nobilis

ac venerabilis vir dominus Arnaldus de Bonisvilla canonicus petragoricensis et dominus de Miromonte petragoricensis dyocesis,

in presentia mei infrascripti notarii et testium subscriptorum ad hoc vocatis specialiter rogatis personaliter

constitutis gratis et sponte et ex sua certa sciencia voluit et concessit quod nobilis vir Archam-

-baldus comes petragoricensis, per se vel per alium, exigat, habeat, levet et recuperet et habere, exigere et recuper-

-are possit vice et nomine eiusdem domini Arnaldi a nobili viro domino Petro de Gualart domino de Limolio

trecentas quinquaginta libras turonensium parvorum de illo debito in quo idem dominus Petrus de Gualart

tenet predicto domino Arnaldo de Bonisvilla pro facto et ratione facta de Limolio et ad petendum, exi-

-gendum et recuperandum ipsas trecentas et quinquaginta libras dictorum turonensium a predicto domino Petro

de Gualart et finem et quittationem de eisdem faciendum. Idem, dominus Arnaldus de Bonisvilla predictum

comitem procuratorem fecit et constituit tanquam in rem suam, dans nichilomninus idem dominus

Arnaldus de Bonisvilla tenore presentium in mandato predicto domino Petro de Gualart, ut dictas

trecentas quinquaginta libras turonensium nomine ipsuis solvat et reddat predicto domino comiti, seu mandato

suo, de predicto debito in quo se tenetur nomine dicti facti de Limolio, ut est dictum. Quittans idem dominus

Arnaldus prefatum dominum Petrum de ipsis trecentis et quinquaginta libris turonensium exinde satisffecerit predicto

domino comiti, seu mandato suo, presentium portitori. In cuius rei testimonium presentes litteras seu presens

publicum instrumentum dictus dominus Arnaldus fieri voluit et rogavit per me notarium infrascriptum, et

publicam formam redigi nostroque solito signo publico consignari ac sigilli curie communis domini Regis

Francorum et ecclesie Sancti Frontonis petragoricensis in villa de Petragoris [posit. et stat.] appensione muniri.

Actum et datum in dicta villa Petragoris, die veneris ante festum beate Marie Magdalene, anno Domini

millesimo ccc° decimo nono, regnante illustrissimo principe domino Philippo, Francie et Navarre Rege, presentibus

testibus ad hoc vocatis specialiter et rogatis venerabile viro domino Helie de Petragoricensis, archidiacono maiore in ecclesia

petragoricense et domino Arnaldo Fulcherii capellano ecclesie petragoricensis, et me Helie Bruni, clerico ville Petragoris,

auctoritate regia notario publico in seneschalia petragoricense et caturcense et eius ressorto, qui premissis [-----

-pi] (illisible) et ad requestam predicti domini Arnaldi de Bonisvilla presentes litteras seu presens publicum instrumentum

manu propria scripsi in publicam formam redegi, et dicto sigillo sigillari feci nostroque signo publico

consignavi, ad fidem et testimonium premissorum.

(monogramme: reproduction Gabriel Foglia)

Nos vero Arnaldus de Verzinis custos in dicta villa sigilli predicto ad fidelem relationem dicti notarii sigillum

predictum litteris presentibus duximus apponendum ad testimonium veritatis, jure domini Regis et ecclesie predicte semper salvo.

Copie du manuscrit :

Dos du manuscrit:

<< Retour