Remarques préliminaires :

• cotté O
• voir ci-après la transcription

Copie du manuscrit (Photos Cl. Ribeyrol):

1er cliché :

Dos du manuscrit:

Transcription (source : Gallica / Archives Historiques de la Gironde, Tome 8, p. 196)

Coneguda causa sia que la dona na Roza, dona de Bertulh e de Vayras, filha e hereteira deu noble baron lo senhor Giraud de Borc, cavoer, qui fo senher de Bertulh e de la dona na Thomaza, sa maire, qui fo, e molher qui es ara de l'oudralle baron lo senhor de Lebret, per sa bona e agradabla voluntat a volgut e autreiat ....... poder a totz los homes, a totz los cavoers, donsetz, clercz, caperans, borzes e a totz los autres affeuatz e affeuadas ....... a Bertulh e per totz ........ a Vayras, e per totz la honor de Vayras, a Borc e en Borzes, e a Fronssac, e per tot Fronssades, e per totz autres locz, prengan e recepch(an) de l'avantdit n'Amaneu de Lebret, son marit, aissi que era a bolgut e autreiat, e bol e autreia, e comenca per la tenor d'aq(ueste) carta a totz los avanditz affeuatz e affeuadas, e a cascun de lor, que lo deuer e la conoissenssa que a lei son tengut, ni a lei faren, si present era, fassan e deliuren perfertament audit son marit aissi que era a e aura per feit e per ferm...... tot aissi cum si era de l'autra part presentz, e a mandat e promes quant aissi cum dit es o tendra, e acomplira, encontra ne vindra, ni fara venir en neguna cort. Actum fuit XVa, die introitus marcii, anno domini M° CC°. octogesimo septimo, regnant Eudoart, rei d'Anglaterra, Burdegalensi sede vacante, Ceslatin Sicart, maior de Liborna. Testes sunt en P. de Lamota de Ludedon, en Guiraut de Borc, cavoers, P. Gontaut, Gaucen Gontaut, Arnaud Gontaut, en W. Furt, cavoers, en P. de Pomperac, en Barrau de Cescars, cavoers, e P. Bonet, qui la carta escriuo.

<< Retour