<<Retour

 

Archives Municipales de Périgueux     E dep 5021 –

Registre des Comptes du consulat de Périgueux – Série CC

 

CC 66, année 1371 – 1372  Registre in 4°, 30 feuillets papier (des déchirures)

Dépenses de l’année  folios 1r -30v – occitan (le comptable, d’après le compte-rendu des élections de cette année dans le Petit Livre Noir, est P. de Viga, sans doute le scribe de ce document

 

folio 1r, suite à des feuillets manquants)         

                                             (note postérieure en haut de page : Premier feuillet M. H.)

                                             (au-dessous, en marge à droite : 1371-1372 )

 

Item baylem lo XXI jorn d’aoust, que lo sénher de Mon Reyal Moss. Gautier de Longà, Moss. St. de La Pòrta e Moss. Ay. de Las Chabanas venguen corre davan esta vila am d’autra gens que menavan am lor, e d’esta[1] vila salhiren Bertrant de Baretge, Ugonòt de Monlhauví[2], G. de Montaut am lor companhós, e segueren los e los preyren e los ameneren los tres en esta vila ; e fo plagat G. de Montaut e d’autres, e quan venian ilh manderen nos que lor tramezessam dal vi per coffortar, e Flaunhels baylet lor IX pintas de vi a XX d. la pinta, franc coma dessús, monta : XV s. 

Item baylem a Jaufre de Tornafòrt per I^a tòrcha qui pezava III liuras III onsas, a III s. VI d. la liura, e baylem la al mayor per anar visitar lo plagat am II cossols, e costet, franc coma dessús : XI s. II d.

 

Item baylem a Jaufre de Tornafòrt, per X tòrchas qui foren bayladas, a chascú dels cossols una, quar avi(an de)[3]guastadas las lor per las chauzas de la vila e per las cochas de la vila, a anar ubrir las pòrtas quan venian gens d’armas de nuech e quant volian salhir de nuech, e en alcunas cochas que avian agudas autras, coma de trametre a Bordelha e en d’autres luòcs, e las dichas tòrchas pezeren XXXIII liuras ½, a III s. VI d. la liura, monta, franc a XXV s. coma dessús :  VI ll. (... déchiré)

 

Item baylem a XXVI jorn d’aost, que nos ajustem per taxar las esmendas e per regardar los comtes, e dinem nos essemps e aguem M^e P. Flamenc e M^e B. de Cesseró e M^e P. de L’Auzelia e l’escrivà e lo procurayre, e despendem entre totas chauzas, franc coma desús, monta :  XIII ll. X s.

 

Soma tota la plana   XX liuras   XVI s. XI d.

 

folio 1v

Item baylem per III tròtz de tòrchas qui foren portadas a Bordelha, e pezavan IIII liuras a II s. VI d. la liura, monta, franc coma dessús :  X s.

 

Item baylem a V jorns de setembre a Maria de La Mòta per II ciris, chascú de 1 quart, qui foren mes davan lo Còr de Dyo que fezem processió, costeren :  II s.

 

Item baylem lo IX jorn de setembre a Johan Malaura per I^a ma de papier, que baylem per far los guachs de las pòrtas la una partida, e l’autra aremàs en la chambra de cossolat, monta :  V s.

 

Item baylem lo XI jorn de setembre que amenet hòm I pilhart qui avia pres II hòmes e IIII anes e los fichava dedins lo bòc[4], e quan l’aguen amenat mesen lo en questiou e cofesset gran re, e donem als sirvens qui lo ajuderen a enquestionar III pintas de vi a XX d. la pinta, monta, lo franc coma dessús :  V s.

 

Item baylem lo dilús a XIII del dich mes, que lo dich pilhart fo mes en questio e fo pendut, al servicial per son dever, monta :  V s.

Item baylem als sirvens qui l’eyvieren a la forcha :  V s.

Item baylem a P. Chabòt per II còrdas e per I^a sinquena :  II s. XI d.

Item baylem per los despens que avia fach aquel pilhart estan en cossolat :  I s. VIII d.

Item baylem a Lobeyat qui portet la eschala entrò a la forcha e pueys la·n tornet en cossolat : I s. VIII d.

 

Soma tota la plana  I liura   XVIII s.  III d.

 

folio 2r

Item baylem lo XVI de setembre per I^a tòrcha estamnada que baylem al mayor per visitar chada ser lo guach en la Clautra e sobre lo pon per veyre si lo guach era be establit, e pesava la tòrcha III liuras, a II s. VI d. la liura, monta, lo franc a XXV s. :  VII s. VI d.

 

Item baylem lo XVII jorn del dich mes a W. del Meynil per I quart de sera vert a seylar las letras XV d., e per I quart de solpre lo quals fo portat a Bordelha X d., monta : II s. I d.

 

Item baylem lo diumenc a XIX del dich ‘mes’ a I mesatgier de Moss. lo Duc d’Anjó qui lo trametia ves Engolema am letras clausas que portava aus capitanis qui eran de la part de lay, e lo mesatgier era estat raubat e no avia ponh d’argen de qué pogués far lo viatge per redre las letras que portava a Brian Lo Ros, e baylem li XXV s. e baylem lhi una guida  qui lo menet d’ayschí a Leyla e colet V s., monta, lo franc a XXV s. coma desús :  I ll. X s.

       

Item baylem lo darrier jorn del dich mes de setembre que venc I messatgier de Moss. d’Anjó, e preget nos que li volguessam baylar una guida, e baylem lhi R. de Clarmon, qui n’ac per son trabalh, e menet lo entrò en Bona Val, monta, lo franc coma desús :  VII s. VI d.

 

Item baylem al mayor, lo VIII jorn de ochòyre, una tòrcha estamnada per visitar los guachs, e pesava II liuras e III quartz, a II s. VI d. la liura, monta : VI s. X d.  e m^a

 

Item baylem lo XX jorn del dich mes, que alcús amixs nòstres nos tramesen letras que nos mandavan que lo sénher de Muschidà fazia amàs per prendre qualque luòc entorn nos o per chavaugar sobre nos, e donem al massip qui aportet la letra :  V s.

 

Soma tota la plana  II liuras   XVIII s.  XI d.  meaha

 

folio 2v

Item baylem lo XXIII jorn d’octòbre, que la dòmna de Limuelh nos tramés I mesatgier am letra que nos mandava com voliam, del ces qui era en nòstra vila, que ela ne escriousés a Avinhó[5], que ela ne escrioria com o volriam, e donem al valet :  X s.

 

Item baylem la vespra de Sen Front a Jaufre de Tornafòrt per XV tòrchas de cera qui foren bayladas IIII al mayor e a chascú dels cossols una, mas M^e Johan de Bru quar era jutges n’ac  II, e pesavan[6] LXI liuras, a III s. VI d. la liura, monten, lo franc a XXV s. :  X ll. XIII s. VI d.

Item baylem lo dich ‘ser’, als sirvens qui feyren tota la nuech lo guach al mostier X s., e per II liuras de chandelas qui foren arsas lo dich ser la I^a en cossolat e l’autra alhors, monta : XII s. VIII d.

 

Item baylem a Johan Malaura per I^a ma e ½ de papier rassut que mesen[7] en la chambra de cossolat, franc coma dessús, monta : VII s. VI d.

 

Item baylem l’endemà de S. Fron, que Helias Rampnolf que li nos tramés una letra d’Avinhó per lo frayre de Johan Lo Fromatgier, que lo màyer li avia dich quant partit d’esta vila que  parlès am lo dich Helias Rampnolf e nos aportès totas noelas, e donem lo vi :  II s. VI d.

 

Item baylem lo XXX jorn d’octòbre, que Helias Rampnolf nos tramés I^a letra per R. de Clarmon,  e donem lhi qué begués :  II s. VI d.

 

Item lo dissabde avan la S. Martí eram en la chambra de cossolat per vendre e per assessar la gròssa vinada e las bostias per pagar los deptes en qué eran[8] obligat per las cochas de la vila,    e estem y que fo nuech, e despendem en vi II s., e en I^a fogassa V d., e en chandelas V d., franc coma desús, monta :  II s. X d.

 

Soma tota la plana  XII liuras   XI s.  VI d.

 

folio 3r

Item lo jorn de S. Martí nos ajustem en cossolat per taxar alcunas esmendas, e estem y que era nuech, e beguem e despendem en vi e en pimen VI s. e IIII d., e per I^a fogassa V d., e  en chandelas IIII d., lo franc a XXV s., monta :  VII s. I d.

Item baylem a I valet qui nos aportet I^a letra de Sòrbges :  II s. VI d.

 

Item baylem lo dissabde aprep S. Martí, que Helias Arnaut nos tramés I^a  letra de Caors en qué nos mandava alcunas chausas ni com las gens de Moss. lo Duc avian pres d’alcús luòcs, e donem al portador de la letra, lo franc coma desús :  V s.

 

Item baylem lo diumenc après S. Martí, per IIII fays de gluey que espandem per la chambra   e per la sala e per lo cossolat ayssí com es acostumat, lo franc coma dessús :  V s. VI d.  

Item baylem lo dich jorn per la despessa que fesem al procurayre e al notari e aus sirvens qui se estavan en cossolat tot lo diumenc que hòm fet la elecció de l’autre cossolat, e despenderen en pa e en vi XXIIII s. VII d., e en charn X s. X d., en chauls III d., en serbe   V d., monta tot, franc a XXV s. coma dessús :  I ll. XVI s. I d.

Item baylem lo dich jorn per II liuras de chandelas que despenderen lo ser, la I^a liura li prodòme en la chambra de cossolat per ordenar lo mayor e los cossols, e l’autra liura arseren lo procurayre e lo notari e li sirven en cossolat en esperan cora lo cossolat noel fos fach, e costeren, lo franc a XXV s. coma dessús, monta :  II s. VIII d.

 

Soma tota la plana  II liuras   XVIII s.  X d. 

 

folio 3v

Item baylem lo segon jorn de dezembre que nos ajustem per taxar los salaris e per regardar los comtes, e dinem nos essemps, e despendem, lo franc a XXV s., monta tot :  XI ll. IX s. X d.

 

Item baylem a III hòmes qui eran de Bordelha, li qual volian metre los Francés dedins Bordelha, e non eytet per lor mas per nòstra gens quar no y volian yntrar, e quar no y vòlguen intrar lo fach fo sentit[9], e covenc que li hòme se·n salhissen quar en perilh de mòrt foran si aremesassan[10] aquí, e quant foren vengut en esta vila li hòme no aguen de qué viore, e ordenem entre nos que lor donessam, e donem a chascú II franx, qui son entre tot VI franxs, qui monten, lo franc coma dessús a XXV s. :  VII ll. X s.

 

Soma tota la plana  XVIII liuras   XIX s.  X d.

 

folio 4r

Ayssò qui s’ensec avem baylat per los plach de la vila

 

Item baylem lo XIIII jorn de julhet a M^e P. Flamenc per que fos am nos en la causa de la plageyaria que nos avian[11] encontra Johan Thomàs :  V s.

 

Item baylem lo IIII jorn de setembre per far la excecució contra B. Gandassal :  I s. VIII d.

 

Item baylem a M^e P. Flamenc, per sò quar era estat am nos en la causa de Johan Thomàs e en la causa de B. Gandassal, II franx, monta :  II ll. X s.

 

Item baylem a M^e Johan de Bru, quar era estat am nos encontra los dichs Johan Thomàs e B. Gandassal, II franx, monta :  II ll. X s.

 

Item baylem a M^e St. de Bru, per las dietas e la escriptura dels II procès que fazia de las II causas desús dichas, franc coma desús, monta :  XVIII ll.

 

Item baylem a M^e B de Cesseró per far la letra del guatgamen de la eymenda de Johan Thomàs, monta, franc coma dessús :  V s.

 

Item baylem a Taborí lo sirven per far los ajornamens :  I s. VIII d.

 

Item baylem a M^e B. de Gorsòlas, loquals era estat am nos en las dichas causas a totas las jornadas, II franx, monta :  II ll. X s.

 

Item baylem a Helias de Rampnolf per la cauza que seguia en cort de Roma XL franxs, e foren lhi baylat per la ma de M^e B. de Gorsòlas, montan, lo franc a XXV s. :   L ll.

 

Item baylem a Johan Malaura IIII franxs, los quals Moss. G. Chassarel avia prestat a Helias Rampnolf a Avinhó, monten :  V ll.

 

Item baylem a Helias Rampnolf a Avinhó, per segre la cauza que aviam am Moss. l’Evesque, XL franx, monten, lo franc coma dessús :  L ll.

 

Item baylem a M^e Johan de Bru, per segre las II causas de Cachamicha e de Gandassal, per sas dietas, e per las razós que fet de drech contra las lor, e per veyre, corregir e  rubricar los procès, e per autres trabalhs, VIII franx, lo franc coma desús, monten :  X ll.

 

Soma tota la plana  VII^XX I liuras  III s.  IIII d.

 

folio 4v

Ayssò qui s’ensec avem baylat per la renda qui es deguda a Mossenhor lo Comte

 

Item baylem a la molher qui fo de R. Raffí, qui nos mostrava que ela avia assignació de Mossenhor lo Comte que nos li baylessam la renda que deviam al dich Mossenhor lo Comte, e baylem la lhi per lo terme de Nadal, de qué receobit letra M^e B. de Cesseró,      lo franc a XXV s. coma dessús, monta :  XX ll.

 

Item baylem lhi mays a la dicha molher de R. Raffí per lo dich Mossenhor lo Comte la renda del terme de S. Johan Baptista, monten, lo franc coma dessús a XXV s. :  XX ll.

    

Soma tota la plana  XL liuras

 

folio 5r

Ayssò qui s’ensec avem baylat per los presens e per los servizis losquals avem fach per nom de la vila

 

Item baylem lo XIII jorn de dezembre, per VI tòrchas qui foren donadas a la sebelhizó de la molher de Corbaran Vigier, qui pezavan XX liuras ½ , a IIII s. la liura, monten, lo  franc a XXV s. :  IIII ll. II s.

Item baylem a la sobostura I drap que aguem dels Frayres Menors e colet II franxs, monten, lo franc coma desús :  II ll. X s.

 

Item donem la vespra de Nadal al procurayre M^e R. de Petit II tòrchas qui pesavan VII liuras, a III s. la liura monten XXVIII s., e VI fromatges del Daurat qui costeren LVI s.      e III d, monten, lo franc coma desús :  IIII ll. IIII s. III d.

Item donem a l’ufficial II tòrchas qui pesavan VII liuras, a IIII s. lall la liura, e VI fromatges dal Daurat qui costeren LVI s. III d., monta tot, lo franc coma desús : III ll. III s. III d.

Item donem lo dich ‘jorn’ a M^e P. Flamenc III franxs qui monten, lo franc coma desús : III ll. XV s.

Item donem lo dich jorn a M^e Johan de Bru III franx, monten :  III ll.  XV s.

Item donem a M^e H. de Barraut III franx, monten : III ll. XV s.

Item aguem lo dich jorn XIIII tòrchas, ayssí com es acostumat, per balhar al mayor IIII e a chascú dels cossols una, e pesevan[12] LVII liuras I quart, a IIII s. la liura, franc coma desús, monten :  XI ll. IX s.

 

Soma tota la plana  XXXVII liuras  XIIII s.  VI d.

 

folio 5v

Item baylem, que cum Johan de Guart fos capitanis del Chastel l’Evesque e lo tengués e lo gardès, que la gent del Rey de Fransa Nòstre S. lo lhi aguem[13] baylat que lo tengués e lo gardès coma bon francés, e lo dich Johan venc dire a nos autres en cossolat que el no avia ges de qué gardès ni mantengués lo dich luòc sinó que nos lhi volguessam ajudar, quar el no n’avia profiech dal senhor, per qué el se desencusava a nos autres, e nos aguem dobte que lo dich luòc se perdès e en salhís grans dampnatges, e mandem los borzés e la bona gent de la vila e mostrem lor lo fach e lo dampnatge qui d’aquel luòc pògra salhir al cas ont nòstre enamic l’aguessan, e que nos volguessan acosselhar, e vòlguen e ordeneren que hòm lhi donès XXX franxs per que volgués be gardar lo dich luòc entrò que agués gens dal senhor de part de say qui lo gardessan, e donem los li, lo franc coma desús, monten : XXXVII ll. X s.

 

Item baylem lo jorn de Sen Fron, que venc I escudier del conestable de Fransa e portava novelas a Mossenhor lo Duc d’Anjó, e donem lhi VI pintas de vi qui coleren X s., e pagem a Peyròt lo platier las lhiorazós de III chavaugaduras que menava l’escudier, de qué pagem XVIII s., e l’escudier no sabia ges be lo chamí, e preget nos que li volguessam baylar una guida, e baylem li Tròta-Menut qui anet am luy entrò a Montinhac e ac ne X s., lo franc a XXV s., monta tot :  XXXVIII s.

 

Soma tota la plana  XXXVIIII liuras  VIII s.

 

folio 6r

Item baylem lo jorn de la Tranlació de Sen Fron, que fo lo darrier jorn d’abriel, com M^e B. de Gorsòlas e Ay. de Comtia fossan vengut de Nimze de parlar am Moss. d’Anjó e fossan vengut en la companhia de Silvestre Brudes e de Duaut e de S. Rious e de Brian Lo Ros e de Partenay, e per la bona companhia que li avan dich capitani avian fach als dichs M^e B. e Ay. nos aguem cosselh que los servissam, e ordenem que donessam a Silvestre I barriel de vi li, qui costet LXXIIII s. I d., e IIII tòrchas de cera qui pesavan XIII liuras ½, a III s. VI d. la liura monten XLVII s. III d., e II sestiers de sivada a LV s. lo sestier valen V liuras X s., lo franc coma desús, monta tot :  XI ll. XI s. IIII d.

Item donem a Brian Lo Ros I barriel de vi qui costet LXXIIII s. e I d., e III tòrchas qui pezavan XIII liuras I quart, a III s. VI d. la liura monten XLVI s. e IIII d. mealha., e II sestiers de sivada a LV s. lo sestier, monta tot, lo franc coma desús :  XI ll. X s. V d.

Item donem a Duaut I barriel de vi qui costet LXXIIII s. I d., e IIII tòrchas qui pezavan      XII liuras ½ , a III s. VI d. la liura valen XLIII s. IX d., e II sestiers de sivada a LV s. lo sestier, lo franc coma dessús, monta tot :  XI ll. VII s. XI d.

Item donem a Partenay I barriel de vi qui costet LXXIIII s. I d., e IIII tòrchas qui pezavan  XII liuras I quart, a III s. VI d. la liura valen XLII s. X d. mealha, e II sestiers de sivada     a LV s. lo sestier, lo franc coma desús, monta tot :  XI ll. VI s. XI d. m^a

Item donem a S. Rious I barril de vi qui costet LXXIIII s. I d ., e IIII tòrchas qui pezavan   XII liuras ½, a III s. VI d. la liura valen XLIII s. IX d., e I sestier e III cartieras de sivada    e ½ a LV s. lo sestier, lo franc coma desús, monta tot :  XI ll. XI d. m^a

Item baylem, per los saxs qui se perderen a portar los dichs presens, XII aunas d’estopas a XIIII ‘d.’ l’auna, monten, lo franc coma desús :  XIIII s.

 

Soma tota la plana  LVII liuras  XI s.  VII d.

 

folio 6v

Item donem lo XVIII jorn de julh al payre dal cardenal de S. Angel qui venc en esta vila e anava a Avinhó, e anem li far la reverensa e aguem cosselh que lo servissam, e donem lhi VI pintas de vi a II s. I d. la pinta, e II liuras d’espessis qui coleren XL s., e I^a eymina de sivada qui costet XXVI s., monta lo tot, lo franc coma desús :  III ll. XVIII s. VI d.

Item baylem per I sac qui se perdet a portar lo present :  III s. VI d.

 

Item Moss. Olivier de [Mannhí] nos tramés lo seo ayraut am letras que nos trametia en qué nos mandava que, si nos avian mestier ni cocha de luy que el pogués far, que el era a nòstre comandamen de sò que poyria far, e donem a l’ayraut III franx, lo franc coma desús, monten : V liuras

 

Item donem lo XII jorn de setembre a Moss. W. Calhó IIII tòrchas qui pezavan XIII liuras  III quartz, a III s. VI d. la liura monten XLVIII s., e I barriel de vi de XXXVII pintas e ½,  a XX d. la pinta valen LXII s. VI d., e I sestier de sivada qui costet XLVI s., monta lo tot, lo franc coma desús :  VII ll. XVI s. VI d.

 

Item lo diumenc a XVII jorn d’octòbre l’oncle de Brian Lo Ros fo sobosturat als Frayres Menors, e aguem coselh que bo era que li fesessam alcun servizi quar Brians era hòme a cuy devi’òm far plazer, e donem lhi a la sobostura de son oncle VI tòrchas qui pezavan  XVIII liuras 1/2 , a III s. VI d. la liura monten LXIIII s. IX d., e mays I drap d’aur que aguem  dels Frayres Menors qui costet II franx, monta lo tot, lo franc coma desús : V ll. XIIII s. IX d.

 

Soma tota la plana  XXII liuras  XIII s.  III d.

 

folio 7r

Item lo XV jorn d’octòbre venc Silvestre Brudes am IIII capitanis qui menavan grans gens, e eran partit de Caors de Moss. d’Anjó, e eran anat davan Lo Flieys, loqual cugavan prendre, e falhiren s’i quar agren[14] socors, e venguen se ayssí refreschar – e li IIII capitanis era aquist : Moss. Alem de Lanzay e Ive Rullan e lo capitani de Cunhac e Auric Lombart – e devian retornar devers lo senhor a Caors ; e aguem cosselh entre nos que hòm lor fezés alcun servizi per que aguessan de qué lauvar a Moss. d’Anjó, e donem a Silvestre II barriels de vi qui tenian IIII sestiers V pintas, a XVI s. lo sestier monten LXVII s. IIII d., e I sestier de sivada qui costet LII s., e II tòrchas qui pesavan VII liuras e ½ a III s. VI d. la liura, monta tot, lo franc a XXV s. :  VII ll. V s. VII d.

Item donem a Moss. Alem de Lanzay II barrils de vi qui tenian IIII sestiers V pintas, a XVI s. lo sestier monten LXVII s. IIII d., e II tòrchas qui pesavan VII liuras I quart, a III s. VI d. la liura monten XXV s. IIII d. e mealha, e I sestier de sivada qui costet LII s., monta tot, lo franc coma desús :  VII ll. IIII s. VIII d. m^a

Item donem a Ive Rullan II barrils de vi qui tenian IIII sestiers V pintas al meys pretz, e II tòrchas qui pesavan VII liuras I quart a III s. VI d. la liura, e I sestier de sivada qui costet LII s., monta tot, lo franc coma desús :  VII ll. IIII s. VIII d. m^a

Item donem al capitani de Cunhac II barrils de vi al meys pret coma desús, e II tòrchas qui pezavan VII liuras I quart al meys pret, e I sestier de sivada a LII s. lo sestier, lo franc a XXV s. coma desús, monta tot :  VII ll. IIII s. VIIII d. m^a

 

Soma tota la plana  XXVIII liuras  XIX s.  VIII d. mealha

 

folio 7v

Item donem a Auric Lombart II barrils de vi qui tenian IIII sestiers IIII pintas, a XVI s. lo   sestier valen LVI s. VIII d.,  e II tòrchas qui pezavan VII liuras ½ a III s. VI d. la liura, e I sestier de sivada qui costet LII s., monta tot, lo franc coma desús a XXV s : VII ll. IIII s. XI d.

Item baylem als hòmes qui porteren los presens desús dichs :  II s. VI d.

Item baylem per VI saxs qui se perderen als dichs presens :  XIX s. VI d.

Itel baylem, que Silvestre e Duaut am lor companhós e am gran re de cossols aneren beoure a l’ostal dal luòctenen M^e Johan de Bru quan lor prestem de l’aur, e despenderen en II vet que y aneren beore II sestiers de vi a II s. I d. la pinta, monta :  II ll. X s.

Item baylem que Duaus tramés a II rozetas de vi e Silvestres autras II a l’ostal dal dich luòctenent, monten :  I ll. VI s.

Item baylem a I messatgier de Moss. d’Anjó qui portava letras, e donem lhi II franxs que      P. Guilhós prestet, lo quals lhi redem pueys, monten :  II ll. X s.

 

Item baylem aus Frayres Menors per amor de Dyo IIII franx, monten :  V ll.

Item als Frayres Preziquadors IIII franxs, monten :  V ll.

Item donem a las Menudas II franxs, monten :  II ll. X s.

 

Item baylem a Petit Monet, qui era estat naffrat a Roffinhac quan lo luòc fo combatut, II franxs, monten :  II ll. X s.

Item baylem a Grazissó per sonar lo senh de ser e de matí per tota l’annada, e taxeren l’en, monta :  VI ll.

Item baylem a M^e P. de Bonissó, quar plusors de vet era anat am la trompeta am la gen d’armas a Bordelha e a [Ronsacilh] e a Nozet e a Roffinhac, II franxs, monten :  II ll. X s.

 

Soma tota la plana  XXXVIII liuras  I s. XI d.

 

folio 8r

Item baylem a Ar. Gontier nòstre procurador VIII franx qui monten : X ll.

Item baylem mays al dich M^e Ar. Gontier per ordenar los senmaniers IIII franx, monten :  V ll.

 

Item baylem a G. de Marió per sa pensió acostumada, monta :  III ll.

 

Soma tota la plana  XVIII liuras

 

folio 8v

Ayssò qui s’ensec avam baylat per la charitat del bacó, franc coma desús a XXV s.

 

Item baylem per XXV bèstias porcinas e per XIX lat que compren[15] en parcelas en la Clautra     e per la vila d’alcunas gens  e de fòra la vila, franc a XXV s., monten : VI^XX XVI ll. VIII s. VI d.

Item baylem per X quartas ½ de sal per salar la charn desús dicha, lo franc a XXV s.,  monten :  XV ll. XV s. VI d.

 

Ayssò son li despens que avem fach per la charitat del bacó

 

Item baylem per I fays de gluey sobre qué meti’òm la charn :  I s. III d.

Item baylem per los despens que fezem lo dilús  a aquels qui pessiavan la charn, al procu-rador e als cossols qui gardavan la charn e a aquels qui quozian las pessas e aquels qui la portavan, e per los despens que fet hòm lo dimars a aquels desús dichs e aus II cossols qui doneren la charitat qui s’i dineren, e Greyschó e son valet qui avian claus lo coderc e lo charreyró detràs lo cossolat, e donem a dinar a tot los sirvens e al servicial  ayssí cum es acostumat, e nos autri qui y beguem quant aguem donada la charitat, en qué aviam trach grant mal, e pinta de vi costava XX d., monta per tot :  VI ll. XI s. I d.

Item baylem en ramps per claure lo coderc e per baconeyar :  I s.  VIII d.

Item baylem a Chayschac e a Chatuel, a chascú X s., monta :  I ll.

Item baylem a Petinhòt qui cozia las pessas, per los II jorns :  V s.

Item baylem al frayr de Petinhòt qui portava la charn :  I s. VIII d.

Item baylem a Greyschó e a son valet qui avian claus lo coderc e los charreyrós :  VII s. VI d.

Item baylem per III hòmes qui avian aportat la fusta a claure lo coderc e los charreyrós e torneren las pòrtas, a chascú II s. VI d., monten :  VII s. VI d.

 

Soma tota la plana  VIII^XX liuras  XIX s.  VIII d.

 

folio 9r

Ayssò qui s’ensec avem baylat per la charitat de la Panthacòsta, lo franc a XXV s.

 

Item baylem per XXIIII sestiers de fromen los quals baylem a las pestoressas per metre en  pa a complir la dicha charitat, e costeren li X sestiers chada sestier LX s., e li XIIII sestiers chada sestier LXIII s. VIII d., monten, lo franc a XXV s. :   LXXIIII ll. XI s. IIII d.

Item baylem per XL michas a Moyscheta qui sofrayschen a donar per Dyo qual quant la almòna fo donada, monten :  XVI s. VIII d.

Item baylem lo dich jorn per I fays de raus a metre en la chambra de cossolat :  II s. VIII d.

Item baylem en ramps a sarrar lo coderc e los charreyrós detràs lo cossolat, e per baconeyar :  I s. VIII d.

Item baylem lo dich jorn per la despessa que feyren li sirven e aquilh qui resebian lo pa, e per lo vi que y beguen lo màyer e li cossol quan fo donada la charitat, e beguen XXII  pintas de vi, a XX d. la pinta monta lo vi LIII s. IIII d., e per la charn e per totas las     autras chauzas monta tot, lo franc coma desús :  IIII ll. XI s. VI d.

 

Soma tota la plana  XXIIII liuras  III s. X d.

 

folio 9v

Ayssò qui s’ensec avem baylat per la festa de S. Johan Baptista, lo franc coma desús a XXV s.

 

Item baylem en raus que mezem sobre la fon de la Clautra e en la sala de M^e Johan de Bru, luòctenen del mayor, ont aneren beore li cossol e li borzés, li bretó[16] e gran re de gens, monta :  VII s. VI d.

Item baylem en garlandas per baylar aus borzés ayssí com es acostumat, XII  monta : XII s.

Item baylem en fogassas que mingeren a l’ostal del dich M^e Johan :  VII s. VI d.

Item baylem en guinas :  II s. VI d.

Item baylem per III liuras de fromatge a III s. IIII d. la liura, monta :  V ll. VIII s.

Item baylem per VI liuras d’espessis a XLIII s. la liura, monta :  V ll. VIII s.

Item baylem per VI sestiers de vi a XLV s. lo sestier, monta :  XI ll. V s.

Item baylem a M^e Johan de Bru per II rozetas de vi blanc e per II rozetas que·n donem          a I bretó qui es cozí de Sen Riou, e lo vis era nos falhit, e lo dich bretó era malaus a [paneyrier][17], monta :  I ll. V s.

 

Item baylem a l’Enparador[18] de Verdú per son dever :  X s.

Item baylem al Rey del Pon per son dever :  X s.

Item baylem al Duc de la Lemotgana per son dever :  X s.

Item baylem al Marqués de la Rua Niòva per son dever :  X s.

Item baylem al Comte de Talhafer :  V s.  

Item baylem a l’Abat de S. Silà per son dever :  V s.

 

Soma tota la plana  XXII liuras  VII s.  VI d.

 

folio 10r

Ayssò qui s’ensec avem baylat per los viatges que ho avem fach per la vila, lo franc coma desús a XXV s.

 

Item baylem lo XIX jorn de novembre a B. Pinet que tramezem a Tholoza, qui portet letras a Lambert Boniffaci e trobet lo a Mirabel, monta :  VI ll. IX s. II d.

 

Item baylem lo dissabde aprep Senta Katarina a B. deus Banchs per portar letras a Moss.  lo Maneschal[19] qui eran davan Ayscha[20] per saber novelas del luòc d’Ayscha si era pres per lo Francés, quar a nos o avia hòm reportat, e per mostrar a luy l’estamen de nòstra vila e del pays, e per dire que lhi plagués que volgués ajudar a metre govern al pays ; e resposit que el no era ges per a nos donar govern, que nos eram al govern de Moss. d’Anjó, monta :  IIII ll.

 

Item baylem lo dimmenc aprep baylem a Johan Lo Goch que tramezem ayschament a Moss. lo Maneschal per mandar las novelas que nos avi’òm dich que li Anglés se eran amassat per donar sobre lo seti que tenia lo dich Maneschal davan Ayscha, monta :  III ll. XV s.

 

Item baylem per I valet, lo dilús aprep Senta Katarina, que tramezem al Chastel L’Evesque que se gardessan be quar los Anglés eran entor lor e entendian a prendre lo luòc, quar nos    ne eram asabentat      :  V s.

 

Item baylem lo IX jorn de decembre que tramezem B. deus Banhs a Montinhac per portar letra a Moss. lo Comte qui nos avia mandat que lhi Francés eran davan S. Ribier, e que lhi volguessam ajudar a trametre albarestiers e charpentiers e gens d’armas, e nos trame-zem y lo dich B. que parlès am Moss. lo Comte e saubés la vertat del fach, e logem lhi I rossí de Lambert Boniffaci qui costava I quart de franc lo jorn, e estet XIIII jorns quar Moss. lo Comte no lo layschava venir, monta :  IIII ll. VII s. VI d.

Item baylem a B. lo faure per II fers qui falhian al dich rossí que menet :  IIII s. II d.

Item baylem al dich B. deus Banhs per far sos despens en la dicha anada, monta : I ll. X s.

 

Soma tota la plana  XX liuras  X s.  X d.

 

folio 10v  

Item baylem lo XV jorn de dezembre que nos venc hòm dire que lhi pilhart eran enbosquat   e gardavan los chamís per raubar las gens e per prendre, e nos tramezem I valet per veyre  si  era vertat e per que los descrubís, monta :  V s.

 

Item baylem lo dimmenc avan Nadal a P. Palenchart genre de G. de Mayrel qui nos portet letras a Tholoza al cosselh de Moss. d’Anjó :  I ll. V s.

 

Item baylem la vespra de Nadal, que nos venguem[21] noelas que lo luòc de Sòrbges devia èsser pres, e tramezem y de nuech I valet a cuy donem, monta : X s.

 

Item baylem l’endemà de l’an niò, per II rossís que l’abat de Chanselada ac am I chanonge qui anet am  luy, e aneren a Bordelha parlar a Moss. Laurens sobre alcús tractamens del fach de Mossenhor l’Evesque e de nos, e logem los per jornada I quart de franc de  Lambert Boniffaci, e esteren II jorns qui valen I franc, monta :  I ll. V s.

 

Item baylem lo jorn de Pifania a Ay. de Comtia qui anet a Bordelha per condure Moss. Laurens qui volia venir en esta vila a parlamen, per I rossí que logem de Lambert Bonif-faci I quart de franc lo jorn, e estet II jorns qui monten, lo franc a XXV s., XII s. VI d., e l’abat de Chanselada menet ne II qui costavan chascú I quart de franc lo jorn, e l’us era de Lambert Boniffaci e l’autre era de Mazeyròlas, e de Bardí de Gordó l’autre I autre que chavaugava lo valet de Ay. de Comtia qui costava IIII s. e II d., monten XLV s. X d., e baylem al dich Ay. de Comtia per lor despens e per lo salari dal dich Ay. e de son valet XXXIX s. e III d., monta tot :  IIII ll. V s. I d.

Item baylem lo jorn de S. Halari, que aguem de P. Blanc I rossí e de P. lo faure I autre que meneren Ay. de Comtia e sos valet per condure Moss. Laurens a Bordelha, esteren II jorns e prendian per jornada chascú IIII s. II d., monta :  XVI s. VIII d.

 

Soma tota la plana  VIII liuras  VI s.  IX d.

 

folio 11r

Item baylem lo XVIII jorn de feourier, que tramezem Taborí a Sarlat qui portet letras que   nos eram asabentat que li Anglés avian fach grant amàs, e disia hòm que ilh devian  prendre Sarlat, e donem li per son trabalh :  XII s. VI d.

 

Item lo XXVI jorn de feourier, que tramezem letra al senhor de Muschidà en qué lhi mandavan[22] respòta de letras que el nos avia tramessas que nos volguessam aremsonar vers luy, e donem al valet qui portet la respòsta V s., e II s. e VI d. que despendet, monta tot : VII s. VI d.

Item baylem a I massip qui portet letra aus cossols de Sarlat per alcunas chausas, monta :   X s.

 

Item lo premier jorn de mars, a IIII hòmes que tramesem per las vinhas dire a las gens que  se·n venguessan, que enboscada y avia d’Anglés, e donem lor, monta :  II s. VI d.

 

Item baylem lo V jorn de mars, que tramezem al Chastel L’Evesque Fortet e Granó e lo   faure de Dorla e Cabiròl per guardar lo dich luòc dal Chastel qui era en grant perilh, e esteren y per I mes e demiey, e donavam a chascú III franxs per mes, monta XVIII franx qui valen, lo franc a XXV s. :  XXII ll. X s.

 

Soma tota la plana  XXIIII liuras  VII s.  VI d.

 

folio 11v

Ayssò qui s’ensec es lo viatges que fet M^e B. de Gorsòlas e Ay. de Comptia que  tramezem a Avinhó per mostrar a Moss. d’Anjó l’estamen del pays e lo gran dampnatge que la vila de Pereguers e li habitan suffertavan per la fòrsa dals enamixs dal Rey Nòstre Senhor. E comenseren lo viatge lo X jorn de mars, e eyteren fazen lo dich viatge LII jorns. E fet se·n la despessa qui s’ensec que rederen en lor compte, que avian baylat a Godafré, qui los guidet del Mon de Dòma say que a Caors en I^a nuech, am grant dobte que avian sol chamí, e bayleren li II franx, lo franc a XXV s.  monten :  II ll. X s.

Item bayleren per I^a mala que compreren a Monpeylier IIII franx e I quart, valen :  V ll. VI s. III d.

Item bayleren a I mesatgier que nos tramesem[23] de Nimze am letra II franx qui monten :  II ll. X s.

Item bayleren, per la letra de la assignació facha per Moss. lo Duc aus al mayor e aus   cossols de M e V^C franx, I franc e demiey, monta :  I ll. XVII s. VI d.

Item, que despenderen per lor e per los rossís e per ferrar e per aborrar, e per I covit que feyren a gens d’armas qui los espereren II jorns, e per una brida e una cropiera que compreren : IIII^XX e IIII franx e III quars, e III franx que bayleren al metge e al barbier e      a l’especier per la malaudia de Ay. de Comptia qui fo greos malaus a Monpeylier, monta tot IIII^XX e VII franxs e III quars, qui valen, lo franc a XXV s., monta : CIX ll. XIII s. IX d.

Item baylem a Fortonet Lo Veyrier, per lo rossí seo que meneren al dich viatge e estet lII jorns, e lo rossí afolet se, que us autre rossís lhi donet sobre lo fecglar e que avia lo guayret tan gròs com la pels podia anar, e covenc que hòm lo truquès en tròp de luòcs, e baylem li  per lo logier e per l’afòl del rossí XIII franxs e V s., lo franc coma desús, monta :  XVI ll. X s.

Item baylem a B. deus Banhs per la despessa del rossí de Lambert Boniffaci que M^e B. de Gorsòlas e Ay. de Comptia avian menat, e avian lo baylat, que lo rossí no podia anar, a B. deus Banhs e tenc lo a Tholosa e sobre lo chamí, que lo menet XXIII jorns, e colet per los despens dels XXXIII jorns, monta :  VI ll.

Item baylem a Lambert Boniffaci, per lo logier de II rossís, qui prendian chascús V s. lo jorn, e esteren l’us XLII jorns e l’autres L e II fasen lo dich viatge, monta, lo franc a XXV s. coma desús :  XXIII ll. X s.

 

Soma tota la plana  VIII^XX VII liuras  XVII s.  VI d.

 

folio 12r 

Item baylem lo disapde a XX jorn de mars que tramezem I valet am I^a letra al capitani d’Albaròcha que ilh avian pres bestial dal poder d’Agonac qui eran en sufferta, e mandavam lor que lor plagués de redre, monta :  V s.

 

Item lo darrier jorn de mars tramezem W. del Torn[24] am XXV companhós a Sòrbges, que nos avian reportat que lo luòc devia èsser pres e traÿt, e baylem lor per lor trabalh, monta :  X ll.

Item lo dich jorn tramezem a Razac e a S. Chastier Mondí de Clarmon e Tròta-menut am   letras en qué lor mandavam que lo sènher de Muschidà avia fach gran amàs e entendian a prendre I luòc entorn nos, per que se volguessan gardar e avizar lor gens, e coleren de trametre, lo franc a XXV s., monta :  XV s.

Item lo dich jorn tramezem al Chastel L’Evesque e a Preyschac per mandar aquò desús   dich, e Helias Saumeyró portet lor las letras e ac ne, monta :  VI s. III d.

Item lo dich jorn tramezem per aquò meys I valet a L’Erm e a Miramon e aus autres luòcs d’entorn lor, e costet de trametre, monta :  XII s. VI d.

 

Item lo segon jorn d’abrial, de Branthòlme nos tramezen letras II valet qui venguen tota la nuech am letras que nos aporteren en qué nos mandavan que lo sénher de Muschidà era a Bordelha am gran re de gens d’armas e entendian a prendre qualque luòc d’entorn nos ; e  nos tramezem lor letra que ilh o mandessan e n’avizessan los autres luòcs de viró lor, e lor mandem alcunas chauzas que lor aviam a mandar ; e baylem aus valet per lor trabalh, monta :  XV s.

 

Soma tota la plana  XII liuras  XIII s.  IX d.

 

folio 12v

Item baylem lo segont jorn d’abriel, que tramezem B. Pinòt a Monthinhac, que portès letras   a Moss. lo Comte que lo sénher de Muschidà avia fach gran amàs e devian anar sobre la terra de Moss. lo Comte, e lo valet esperet respòta III jorn, e Moss. lo Comte tramés nos letra que tramezessam a Leyla e a Brantholme, baylem al valet :  I ll.

 

Item lo VI jorn d’abriel tramezem I^a letra a Leyla que Moss. lo Coms nos o avia mandat, e colet de portar, ‘am l^a autra letra que tramezem a Rossilha’, :  X s.

 

Item lo XVIII jorn d’abriel, gens d’armas dals Bretós volian anar a Monthinhac, e dissen       al mayor e als cossols que lor plagués de baylar I valet qui saubés lo chamí, quar ilh no     lo sabian ges, e balhem lor Tròta-menut e ac ne : XVII s. VI d.

 

Item baylem lo jorn de S. Frontays a I hòme, lo qual tramezem per las vinhas dire aus laboradors que s’en venguessan quar li Anglés nos devian corre, monta :  I s. VIII d.

 

Item lo IIII jorn de may, tramezem a S. Chastier letras que lo luòc se devia eschalar aquel    ser per los Anglés, e tramezem y Mondí de Clarmon e Tròta-menut, e aneren tota la nuech, e chascú ac ne XII s. VI d., monta :  I ll. VI s.

 

Item lo XXIX jorn de may, venc I escudier que trametia lo Conestable de Fransa qui portava letra a Moss. lo Duc d’Anjó, e dis nos que el no sabia ges lo chamí, e que lhi volguessam baylar I mesatge qui lo menès d’ayschí a Montinhac, e baylem lhi Tròta-menut, qui costet :  VI s.

 

Item lo VII jorn de julh Duaut anet a Muschidà, e baylem lhi III dotzenas de flichas e II dotzenas de fers qui costeren :  II ll. X s.

 

Item, quant lo màyer era defòra, a III mesatgers per portar letras defòra en certàs luòcs        de viró nos e bal, e Meytre Johan de Bru baylet los[25], qui nos o baylet per escrich en son comte, monta :  XV s.

Item lo dich jorn baylem a Johan Lo Boyer, que tramezem a Moss. lo Comte que Duaut e Silvestre e lo luòctenen del mayor eran estat asabentat que li Anglés avian fach gran amàs, e que estessan avizat, e costet lo mesatgier :  I ll. V s.

 

Soma tota la plana  VIII liuras  V s.  II d.

 

folio 13r 

Ayssò qui s’ensec avem baylat per lo viatge que fet lo màyer e lo cossols Helias Arnaut quant aneren a Tholoza parlar am Moss. lo Duc d’Anjó, e meneren am lor P. Blanc e son valet.

 

Premieramen baylem lo jorn de S. Memòri que tenguen via per far lo dich viatge, per adobar I^a cela[26] de mala en qué mes hòm corregas e bocglas e borra, e colet, lo franc a XXV s. :  X s.

Item baylem, que lo dich Helias Arnaut redet en son comte qué avian de despessat per tot lo viatge, ilh e lor rossís, tan per ferrar e per aborrar quan per lor despens per LI jorns que esteren fazen lo dich viatge, e per IX franx qui se perderen en I rossí qui fo comprat e vendut, e per peychó que doneren, e per I covit que feyren, e per la despessa de I rossí qui fo layschat en cansada, monta :  VII^XX X ll.

Item baylem a gens d’armas per lor condure en anan e en venen en fazen lo dich viatge      LX franxs, lo franc a XXV s., monta :  LXXV ll.1

Item baylem per lo servizi que dizian que avian fach a Moss. St. de Monmega, que lhi doneren vayschela d’argen, e costet L franx, monten :  LXII ll. X s.

Item baylem a P. Blanc per lo logier dels dichs II rossís que meneren al dich viatge, qui    eran seou, per LI jorn que esteren a IX s. per jornada, monten :  XXII ll. XIX s.

Item baylem per las jornadas de P. Blanc e de son valet, qui los servian e pensavan dels  rossís e de lor e prendian V s. lo jorn, monten :  XII ll. XV s.

Item per la despessa que avia fach I rossí que layscheren a Montinhac l’endemà de S. Memòri, que lo rossí se avia fichat I clavel per la sòla del pè e covenc que lo fezessam      de dessolar, e lo rossí estet a Montinhac e sobre lo chamí entrò que lo XIII jorn d’aost, e costet, de despens e del maneschalc qui ne pensava, XV franxs, qui monten : XVIII ll. XV s.

 

Soma tota la plana  III^C XLII liuras  IX s.

 

folio 13v

Item baylem per l’afòl del dich rossí, que quan lo redem lo rossí no valia guayre, ni   despueys profiech no tenc, e fo acordat en XII franxs e ½ que·n pagessam, monta, lo    franc coma dessús a XXV s. :   XV ll. XII s. VI d.

Item baylem a Helias Arnaut per lo logier del seo rossí que menet, e afolet se sol chamí     que se eyfondet, e taxem lhi per l’afòl e per lo logier I quart de franc lo jorn, e estet LI  jorn, monten :  XV ll. XVIII s. IX d.

Item baylem al dich Helias Arnaut per sa pensió de LI jorn, per chasque jorn que estet    fazen lo dich viatge dimiey franc, monten :  XXX ll. XVII s.

Item baylem per I^a bota qui se perdet fazen lo dich viatge ½ franc, monta :  XII s. VI d.

Item baylem per I glavi que Helias de P. Arnaut[27] portava, e l’us dels efans de Comarca demandet lo glavi que hòm lo·lh donès, e Hel lo dich H. Arnaut layschet li apetar[28], e lo dich efant tenc sò a mal, e quant lo màyer vit que a mal sò tenia, e fo lhi reportat que alcús mals ne poyria salhir, e per sò lo màyer vòlc que lhi fos baylat, e pagem per lo glavi I franc, monta : I ll. V s. 

 

Soma tota la plana  LXV liuras  VI s.  III d.

 

folio 14r 

Item baylem lo XI jorn de julh, que Moss. R. de Maruelh nos tramés la soa trompeta qui portava letras a Moss. Olivier de [Mannhí] e li mandava que li Anglés avian mes seti  davan [Matat] en I luòc ont era Moss. Perrels deus Mons, e la trompeta dobtava al chamí,   e nos baylem lhi I mesatgier qui anet am luy entrò a Monthinhac, qui costet :  XVI s.

 

Item lo dilhús a XIII de julh la dòmna de Limuelh nos mandet que nos lhi volguessam socorre a aver lo luòc de Roffinhac, e nos tramezem lhi de nòstra gens, e aneren y III   cossol, e despenderen en pa que porteren, monta :  II ll. VIII s. IIII d.

Item baylem per III emynas] e V pintas de vi que beguen e porteren en las botas quan        ne aneren a Rofinhac, a XX d. la pinta, monten :  III ll. VIII s. IIII d.

Item baylem a far còrdas e trenchafilas a las albarestas que porteren a Roffinhac, monta :  V s.

Item baylem aus cossols que despenderen fazen lo dich viatge am tota l’autra gens III   franxs, monten :  III ll. XV s.

Item baylem a M^e P. Flamenc per II dotzenas de flichas e XIII fers, e comtiey ne am      Johan Malaura, monta :  I ll. X s.

Item baylem que despenderen quant salhiren d’esta vila per far lo dich viatge a Roffinhac,  per ferrar e per autras chausas que lor baylet P. de Janit, monta :  I ll. XI s. VIII d.

Item lo ser quan venguen era nuech, e aluchem a la pòrta del Pon II tòrchas qui arseren      tant com trigeren a intrar e ne esviet hòm Salvestre a l’ostal, e mespezeren II liuras I   quart, a III s. VI d. la liura monta :  VII s. VI d.

 

Item lo XXII jorn de julh tramesem R. de Clarmon vers Tholoza am letras que portet al mayor, e baylem li per son trabalh IIII franx, monten :  V ll.

Item baylem a G. de Marió, per II dotzenas de flichas que avian pres de luy al dich viatge     de Roffinhac, monta :  I ll. XVII s. VI d.

Item baylem a Helias de Garlandier, per II dotzenas de flichas que nos comtet M^e Johan de Bru, que avia baylat al dich viatge lo dich Helias, monta :  I ll. V s.

Item baylem per fers de flichas qui falhian en las astas, monta :  VII s. VI d.

 

Soma tota la plana  XXII liuras  XI s.  X d.

 

folio 14v

Item l’endemà de S. Johan Baptista tramezem a Branthòlme II valet qui aneren tota la nuech, e autres II a Leyla, e porteren lor[29] letras que Silvestres e Duaut lor mandavan que venguessan a lor tener companhia davant Roffinhac, e costeren li IIII valet :  I ll. III s. IIII d.

 

Item lo dissabde enseguen nos tramezem a [Ronsacilh][30] dels albarestiers dels charpentiers e dels peyriers, e porteren C IIII^XX X michas, e II^C michas que baylem mays a Duaut e a Silvestre e a lor companhós, soma III^C IIIIXX e X michas, a V d. la micha, monten :  VIII ll. II s. VI d.

Item baylem a Helias Jaubert, lo quals anet al dich luòc am nòstra gens, per la despessa que fet mestier en vi e en autras chausas IIII franxs, monta :  V ll.

Item baylem per II fers que fezem al rossí metre a ferrar lo rossí de M^e W. Lo Metge, que lhi pres hòm e era desferrat, monta :  III s. IIII d.

Item baylem per II saxs en qué porteren lo dich pa, qui se perderen, monta :  VII s. VI d.

 

Item lo dilhús a V de julhet tramezem I valet a Branthòlme, e portet letra al capitani que avian pres Maròt de Mespliers, e mandavam lor que no lo mezessan ponch en finansa ; e lo valet qui portava la letra fo pres, que Dolhó lo pres e lo menet a Condat, e estet V jorns ; e quan fo vengut baylem lhi per son trabalh e per sos dampnatges, monta :  VIII s. IIII d.

 

Soma tota la plana  XV liuras  V s.

 

folio 15r

Item baylem lo dimars a VI de julhet, que tramezem a Bordelha gran re de gens de balestiers,    de peyriers e de charpentiers, e que avian gran re de gens d’armas am lor, que eran[31] estat asabentat que al luòc no avia guayre de gens per gardar ni per defendre lo dich luòc, e nòstre entendement era que hòm lo pogués prendre d’assaut ; e fet se·n la despessa qui s’ensec, per    lo pan e per lo vi que hòm portet e per las autras chauzas qui son ayschí contengudas :

Premieramen en pa, monta :  IX ll. XVIII s. IIII d .

Item baylem a Garigó de la Lemotgana, per XI sestiers XIX pintas e ½ de vi, los quals menet  hòm davan lo dich luòc de Bordelha, a XXXVIII s. lo sestier, monta : XXII ll. VIII s. X d. m^a

Item baylem a Flaunhel, per IIII relhas de fer qui se perderen lo jorn dessús dich davan  Bordelha, a VIII s. la relha monten XXIIII s., e per I parelh de barils qui s’i perdet XVI s., monta tot :  II ll.

 

Soma tota la plana  XXXIIII liuras  e II s.  II d. mealha

 

folio 15v

Item lo XI jorn de julhet tramezem R. de Clarmon vers Caors qui portava letras al mayor, e  trobet lo a Sarlat, e ac ne I ll. monta :  I ll. V s.

 

Item baylem a XXX jorns de julhet, que tramezem Arnaut Crestià a Leyla al capitani de Leyla,     e a S. Johan d’Escòla e a Sis a Silvestre, que lor portet letras que lor trametia Duaut que li Anglés devian corre sobre Graulet, e logem lhi I rossí, e estet III jorns, e costava V s. lo jorn, qui monten :  XV s.                                                                         

Item, quan lo màyer venia de Tholoza de parlar am Moss. lo Duc d’Anjó, el loget a Sarlat I mesatgier que tramés am letras a Moss. lo Duc vers Agens o aquí ont seria, e lo mesatgier fo pres, e estet gran re de temps e no venc entrò lo VII jorn d’aost ; e baylem lhi per son trabalh e per lo dampnatge que avia pres IIII franxs, monta :  V ll.

 

Item lo dilhús a XXII d’aost baylem a P. Palenchart, gendre de G. de Mayrel, que tramezem letras letras a Moss. d’Anjó de la preza deus IIII chavaliers qui eran estat pres davan esta vila, IIII franxs, monten :  V ll.

 

Item lo premier jorn de setembre Guilheome deu Fòu devia anar corre III ponchas de glavi davan Brageyrac am lo bòrt de Motas, e lo dich W. preget lo mayor e los cossols que lor plagués que lhi prestessan I rossí per portar son arneys d’aquí a Brageyrac ; e presteren lo lhi e mays I valet, e esteren IIII jorn, e colavan lo jorn VII s. VI d., monta tot :  I ll. X s.

 

Soma tota la plana  XIII liuras  X s.

 

folio 16r

Item baylem lo XV jorn d’octòbre a P. Palenchart que tramezem a Tholoza am letras, e costet IIII franx, qui monten :  V ll.

 

Item lo XXI jorn d’octòbre volguem trametre letras devers Moss. lo Duc d’Anjó, e no trobavam per cuy, mas que trompeta de Silvestre y volia anar, e nos chargem lo que las  nos volgués portar e que dischés alcunas chauzas que nos lhi dissem, e baylem lhi per     que o fezés II franxs, monta :  II ll. X s.

 

Item baylem lo XXX jorn de octòbre a P. Palenchart que tramezem a Avinhó qui portet  letras a Helias Rampnolf e a M^e Seguí d’Ortic, e estet gran re de temps, e nos aportet la absolució, e baylem lhi per tot lo viatge VIII franxs, qui monten :  X ll.

 

Item lo digiòus aprep la festa de Tot Sayns Helias Arnaut nos tramés I^a letra de Caors enfòra, e nos fezem demorar lo valet entrò que a l’endemà per que lhi tornès respòsta, e baylem al mesatgier que li tornet la respòsta, monta :  X s.

 

Soma tota la plana  XVIII liuras        

 

folio 16v

Ayssò qui s’ensec avem baylat per lo viatge lo qual fet Helias Arnaut a Caors de comandamen del mayor e dels cossols, e partit d’esta vila lo jorn de S. Simó Juda, e estet fazen lo dich viatgeVI^XX e VI jorns, e fet se·n la despessa qui s’ensec, lo franc a XXV s. coma dessús :

 

Premieramen per X jorns que lo dich Helias Arnaut e Helias de Taurel e Germon esteren ensemps e despenderen am lor rossís per chasque jorn I franc ½ , monta :  XVIII ll. XV s.

Item baylem per XXXI jorns que Germon estet essemps am lo dich Helias Arnaut, per chasque jorn I franc, monta XXXI franc qui valen :  XXXVIII ll. XV s.

Item baylem per LV jorns que lo dich Helias estet per si ses los autres sobredichs, per chasque jorn ½ franc, monta XXVII franxs e ½ qui valen : XXXIIII ll. VII s. VI d.

Item baylem per XXX jorns que estet a Quarcassona e a venir a Pereguers, per chasque     jorn ½ franc, monten XV franxs qui valen :  XVIII ll. XV s.

Item baylem per lo logier del hostal e per lo liech on jaguen e per lo logier de l’estable       tan quan esteren a Caors V franxs e ½, monten :  VI ll. XVII s. VI d.

Item baylem per lo premier valet que lo dich Helias Arnaut nos tramés de Caors enfòra      am letras en esta vila I franc ½, monta :  I ll. XVII s. VI d.

Item baylem per la escriptura de las supplicaciós que lo dich Helias Arnaut avia baylat al senhor I franc, monta :  I ll. V s.

 

Soma tota la plana  VI^XX liuras  XII s.  VI d.                                                                                                               

folio 17r

Item baylem per I^a letra que donet Moss. lo Duc d’Anjó que hòm nos delhiorès V^C franxs,     e costet II franxs qui valen :  II ll. X s.

Item baylem per I^a letra que fet Moss. Johan Bezonh, que lo sénher mandava al thezaurier que lo deliorès, monta :  XII s. VI d.

Item baylem per I mandamen qui fo empetrat contra B. Gandassal e Cacha-micha, I franc      I quart, monta :  I ll. XI s. III d.

Item baylem per lo covit que fet Helias Arnaut a Caors, que covidet Aymar Boniffaci e lo vigier e gran re d’autres, III franxs qui valen :  III ll. XV s.

Item baylem per la polalha que lo dich Helias Arnaut donet a Moss. Gui de l’Asteyria          II franxs qui valen :  II ll. X s.

Item baylem per I valet que lo dich Helias tramés de Caors a Tholoza, am letras que tramés  a Moss. St. de Monmeya e al vigier e a Rulhós e al jutge, II franx qui valen :  II ll. X s.

Item baylem al valet de Rulhós qui tramés de Tholoza[32] en esta vila que nos aportet letra,         I franc, monta :  I ll V s.

Item Helias Arnaut donet e quitet a Johan Donat qui[33] devia de la assignació que Moss. lo   Duc nos avia fach de V^C franxs, e devia nos C e XXXVIII franxs, e quitet lhi XXX     franx, monten :  XXXVII ll. X s.

Item baylem a Helias Arnaut per son salari de VI^XX e VI jorns que estet fazen lo dich viatge, X s. per chasque jorn, monta :  LXIII ll.

Item baylem, per tassas que donet e per autras perdas que avia fach, taxem lhi IX franxs, monten :  XI ll. V s.

Item baylem al dich Helias Arnaut per lo logier dal seou rossí lo qual menet al dich viatge,   e eytet VI^XX VI jorns e prenia per chasque jorn IIII s., monten :  XXV ll. IIII s.

 

Soma tota la plana  VII^XX XI liuras  XII s.  IX d.

 

folio 17v

Ayssò qui s’ensec avem baylat per los guachs qui foren fach fòra de la vila, franc a XXV s. coma dessús.

 

Premieramen baylem, a IIII hòmes qui fazian lo guach fòra de la vila entorn los valat, e comenseren lo darrier jorn de novembre, e pagiey los lo XIII jorn de dezembre per XIII sers, a chascú per chasque ser III s. IIII d., lo franc a XXV s., monten : VIII ll. XIII s. IIII d.

 

Item baylem lo XX jorn de dezembre, a IIII hòmes qui fazian lo guach fòra de la la vila entorn los valatz, per VII sers, a chscú per chasque ser III s. IIII d., lo franc a XXV s., monten :  IIII ll. XIII s. IIII d.

 

Item lo XXVII jorn de dezembre, baylem aus IIII hòmes qui fazian lo guach fòra la vila entorn los valat, per VII sers, a chscú III s. IIII d., monten, lo franc a XXV s., :  IIII ll. XIII s. IIII d.

 

Item baylem lo dissabde après S. Silà que fo lo ters jorn de jervier, a IIII hòmes qui fazian   lo guach fòra de la vila, per VII sers, e afrayem los[34] quar eran festas, que los aguem chascú per chasque ser per II s. VI d., qui monten :  III ll. X s.

 

Item baylem lo X jorn de jervier, a IIII hòmes qui feyren lo reyreguach fòra de la vila entorn los valat, a chascú II s. VI d. per chada ser, monten per VII sers :  III ll. X s.

 

Item baylem lo XVII jorn de jervier, a IIII hòmes qui feyren lo guach de nuech fòra de la  vila, per VII sers coma davan, monta :  III ll. X s.

 

Item baylem lo XXIIII jorn de jervier, aus IIII hòmes qui feyren lo guach, per VII sers     coma dessús, monta : III ll. X s.

 

Item baylem lo XXXI jorn de jervier, qui fo lo darrier jorn, aus IIII hòmes qui feyren lo guach fòra la vila, per VII sers coma desús, monta : III ll. X s.

 

Item baylem lo VII jorn de feourier, aus IIII hòmes qui feyren lo guach fòra la vila, per VII sers que chascús prendia II s. VI d., monta coma desús :  III ll. X s.

 

Item baylem lo XIIII jorn de feourier aus IIII hòmes qui feyren lo guach fòra la vila, per    VII sers, a chascú per chasque ser II s. VI d., coma desús monta : III ll. X s.

 

Soma tota la plana  XLII liuras  X s.

 

folio 18r

Item baylem lo dissabde a XXI jorn de feourier a IIII hòmes qui feyren lo guach fòra la vila tota la nuech entorn los valat, per VII nuechs, a chascú per chasque ser II s. VI d., monten :   III ll. X s.

 

Item baylem lo XXVIII jorn de feourier aus IIII ‘hòmes’ qui avian fach lo guach coma   desús fòra la vila, per VII jorns, e prenian coma desús, monta :  III ll. X s.

 

Item baylem lo dissabde a VI jorns de mars aus IIII hòmes qui avian fach lo guach fòra la vila, per VI sers, e prendian chascús II s. VI d. per ser coma desús, monta :  III ll.

Item baylem lo dich ser, que lo portal de Talhafer no era ges be establit, que no y avia mas    II hòmes, e W. de Jaudó fazia lo reyreguach, e loget W. de Monrabey e y velhet tota la nuech, e ac ne :  I s. VIII d.

Item baylem lo dich ser, que nos foren vengudas noelas que los Anglés nos devian eschalar,  e creguem II hòmes al reyreguach fòra de la vila, e mezem los entre l’òrt de Bòrn e la tor  de l’Arsaut ont velheren tota la nuech, e chascús ac ne II s. VI d., monten :  V s.

 

Item baylem lo dissabde a XIII de mars aus IIII hòmes qui avian fach lo guach tota la nuech, per VII nuechs entorn los valat defòra, e chascús prendia per chasque ser II s.         VI d., monten :  III ll.  X s.

Item baylem la dicha nuech a Steve Auchó, que Johan Malaura lo fet guachar sobre Talhafer, quar Gra nos y defalhia lo quals era malaus, e era paubres hòms e no avia de qué pagès I hòme[35], e pagem al dich St., monta :  I s. VIII d.

 

Soma tota la plana  XIII liuras  XVIII s.  IIII d.

 

folio 18v

Item baylem lo XX jorn de mars, per IIII hòmes qui guacheren VII sers fòra de la vila    entorn los valet[36], a chascú XVII s. VI d., monten : III ll. X s.

 

Item baylem la vespra de Pasques XXVII de mars, per IIII hòmes qui avian fach lo guach   VII sers entorn la vila, monten :  III ll. X s.

 

Item baylem lo III jorn d’abriel, per IIII hòmes qui avian fach lo guach fòra de la vila per   VII sers, monta : III ll. X s. 

 

Item baylem lo dissabde a X d’abriel, per VIII hòmes qui avian fach lo guach entorn la vila     li VI, e li autre II eran se estat en l’òrt de Bòrn per esquotar, quar lo senhor de Muschidà era entorn nos am gran re de gens d’armas per nos dampnatgar, a chascú per VII nuechs aguen XVII s. VI d., qui monten :  VII ll.

Item baylem, per II hòmes qui avian fach lo guach entorn la vilatre los II murs de la vila,    per VII nuechs, a chascú per chasque ser II s. VI d., monten :  I ll. IX s. II d.

Item baylem lo dich jorn, per II hòmes qui avian fach III nuechs lo guachs sobre lo pon de     la Tornapicha, monta : XII s. VI d.

 

Item baylem lo XVII ‘jorn’ d’abriel, per IIII hòmes qui avian fach lo guach fòra la vila   entorn los valat, per VII nuechs, monten     : III ll. X s.

Item baylem lo dich jorn, per II hòmes que mezem sobre lo portal de Talhafer per guachar, que no y avia ponch de guach, que aquilh qui y devian gardar eran senmanier a Matha-guerra, monten : III s. IIII d.

 

Item baylem lo XXIIII jorn d’abriel, per IIII hòmes qui guacheren fòra de la vila entorn los valat, a chascú per VII sers que guacheren XVII s. VI d., monta : III ll. X s.

 

Item baylem lo premier jorn de may, per IIII hòmes qui avian fach lo guach fòra de la vila entorn los valat, per VII sers, monten : III ll. X s.

 

Soma tota la plana  XXX liuras  V s. 

 

folio 19r

Item baylem mays lo premier jorn de may, per VI hòmes, que ac hòm de c e mes hòm n’i     II de creyschensa quar nos era estat reportat que hòm nos devia eschalar I ser, e li IIII   feren lo guach una nuech fòra la vila, e li autre II entre los II murs, e chascús prenia II s.  VI d., monten : XIIII s. II d.

 

Item baylem lo dissabde a VIII jorns de may, per IIII hòmes qui avia[37] fach lo guach fòra la  vila entorn lo valat, per VII sers, a chascú XVII s VI d., monten : III ll. X s.

 

Item baylem loXV de may, per IIII hòmes qui avian fach lo guach fòra la  vila, per VII sers, monta coma dessús : III ll. X s.

 

Item baylem loXXII de may, per IIII hòmes qui avian fach lo guach defòra entorn los valat, per VII sers coma desús, monta : III ll. X s.

 

Item baylem lo XXIX de may, per IIII hòmes qui avian fach lo guach fòra la vila entorn        lo valat, per VII sers, a chascú XVII s. VI d., monten :  III ll. X s.

 

Item baylem lo V jorn de junh, per IIII hòmes qui avian fach lo guach IIII nuech fòra la vila entorn lo valat, a chascú per chasque ser II s VI d., monten :  II ll.

 

Item baylem lo XII jorn de junh, per IIII hòmes qui avian fach lo guach fòra la vila, per VII sers a chascú XVII s VI d., monten :  III ll. X s.

 

Item baylem lo XIX jorn de junh, per IIII hòmes qui avian fach lo guach fòra la vila, per VII sers coma desús, monten :  III ll. X s.

 

Item baylem lo dissabde a VII de novembre, per IIII hòmes qui avian fach lo guach fòra la vila entorn lo valat, per II nuechs, e prenian per chasqua nuech chascús II s VI d., monten :  I ll.

 

Soma tota la plana  XXIIII liuras  XIIII s.  II d.    

 

folio 19v

Ayssò qui s’ensec avem baylat per lo gach de sol cluchier, lo franc a XXV s. :    

 

Item baylem a Clergó e a Col. Las Festas per II senmanas, per chada jorn a chascú III s      IIII d., monten :  IIII ll. XIII s. IIII d.

Item baylem a Clergó e a Col. Las Festas per VII nuechs e VII jorns que gacheren : II ll. VI s. VIIII d.  

Item baylem als dichs Clergó e a Col. Las Festas qui fazian lo guach sobre lo dich       cluchier, a chascú IX cobdes de grela, qui son XVIII cobdes a VI s. VI d. lo cobde, monten :  V ll. XVII s.  

Item baylem lor mays II cobdes ½  de pers blanc per far II chapeyrós, a XIIII s. lo cobde, monten :  I ll. XV s.  

Item baylem a Clergó e a Col. Las Festas per VII jorns e nuechs que gacheren :  II ll. VI s. VIIII d.                                                                                                         

Item baylem a lor meys per I^a senmana coma dessús, monta :  II ll. VI s. VIIII d.

Item baylem a aqueus meys per I^a senmana coma desús, monta :  II ll. VI s. VIIII d.

Item lo dissabde aprep S. Talari[38] baylem a aqueus meys : II ll. VI s. VIIII d.

Item lo dissabde aprep la Conversió de S. Paul lor baylem :  II ll. VI s. VIIII d.

Item lo dissabde qui fo lo lo darrier jorn de jervier lor baylem :  II ll. VI s. VIIII d.

Item lo dissabde a VII de feourier lor baylem :  II ll. VI s. VIIII d.

Item lo dissabde a XIIII de feorier lor baylem :  II ll. VI s. VIIII d.

Item lo dissabde a XXI de feorier lor baylem :  II ll. VI s. VIIII d.

Item lo dissabde a XXVIII de feorier lor baylem :  II ll. VI s. VIIII d.

Item lo dissabde a VI de mars lor baylem :  II ll. VI s. VIIII d.

Item lo dissabde a XIII de mars lor baylem :  II ll. II s. I d.

Item lo dissabde a XX de mars lor baylem :  II ll. X d.

Item la vespra de Pasques lor baylem :  II ll. X d.

Item lo dissabde a III d’abriel lor baylem : II ll. X d.

Item lo dissabde a X d’abriel baylem als dichs Clergó e a Guilhó Col. Las Festas qui guachavan tota via sol dich cluchier : II ll. X d.

 

Soma tota la plana  L liuras  X s.  IX d.

 

folio 20r

Item baylem lo dissabde a XVII d’abriel a Clergó e a Guilhó : II ll. III s. IIII d.

Item baylem lo dissabde a XXIIII d’abriel a Clergó e a Guilhó : II ll. III s. IIII d.

Item baylem lo dissabde qui fo lo premier jorn de may a Clergó e a Guilhó : II ll. III s. IIII d.       

Item baylem lo dissabde a VIII de may a Clergó e a Guilhó : II ll. III s. IIII d.

Item baylem lo dissabde a XV de may a Clergó e a Guilhó : II ll. III s. IIII d.

Item baylem lo dissabde a XXII de may a Clergó e a Guilhó : II ll. III s. IIII d.

Item baylem lo dissabde a XXIX de may a Clergó e a Guilhó : II ll. III s. IIII d.

Item baylem lo V jorn de junh a Clergó e a Guilhó : II ll. III s. IIII d.

Item baylem lo dissabde a XII de junh a Clergó e a Guilhó : II ll. III s. IIII d.

Item baylem lo XIX jorn de junh a Clergó e a Guilhó : II ll. III s. IIII d.

Item baylem lo dissabde a XXVI de junh a Clergó e a Guilhó : II ll. III s. IIII d.

Item baylem lo dissabde a III de julhet a Clergó e a Guilhó : II ll. III s. IIII d.

Item baylem lo dissabde a X de julhet a Clergó e a Guilhó : II ll. III s. IIII d.

Item baylem lo dissabde a XVII de julhet a Clergó e a Guilhó : II ll. III s. IIII d.

Item baylem lo dissabde a XXIIII de julhet a Clergó e a Guilhó : II ll. III s. IIII d.

Item baylem lo dissabde a XXXI del dich mes a Clergó e a Guilhó : II ll. III s. IIII d.

Item baylem lo dissabde a VII jorns d’aost a Clergó e a Guilhó : II ll. III s. IIII d.

Item baylem lo dissabde a XIIII d’aost a Clergó e a Guilhó : II ll. III s. IIII d.

Item baylem lo dissabde a XXI d’aost a Clergó e a Guilhó : II ll. III s. IIII d.

Item baylem lo dissabde a XXVIII d’aost a Clergó e a Guilhó : II ll. III s. IIII d.

Item baylem lo dissabde a IIII de setembre a Clergó e a Guilhó : II ll. III s. IIII d.

Item baylem lo dissabde a XI de setembre a Clergó e a Guilhó : II ll. III s. IIII d.

Item baylem lo dissabde a XVIII de setembre a Clergó e a Guilhó : II ll. III s. IIII d.

Item baylem lo dissabde a XXV de setembre a Clergó e a Guilhó : II ll. III s. IIII d.

 

Soma tota la plana  LII liuras

 

folio 20v

Item baylem lo dissabde a III de octòbre a Clergó e a Guilhó : II ll. III s. IIII d.

Item baylem lo dissabde a IX d’octòbre a Clergó e a Guilhó : II ll. III s. IIII d.

Item baylem lo dissabde a XVI del dich mes a Clergó e a Guilhó : II ll. III s. IIII d.

Item baylem lo dissabde a XXIII d’octòbre a Clergó e a Guilhó : II ll. III s. IIII d.

Item baylem lo dissabde a XXX d’octòbre a Clergó e a Guilhó : II ll. III s. IIII d.

Item baylem lo dissabde a VI de novembre a Clergó e a Guilhó : II ll. III s. IIII d.

Item baylem lo dissabde a XIII de novembre a Clergó e a Guilhó : II ll. III s. IIII d..

Item baylem lo dissabde a XX del dich mes a Clergó e a Guilhó : II ll. III s. IIII d.

Item baylem lo XXVII de novembre a Clergó e a Guilhó : II ll. III s. IIII d.

 

Ayssò qui s’ensec avem baylat a Johan lo servicial, que ordenem que, quar l’òms no se podia afanar que no era ges sas, e dissem e ordenem que hòm lhi donès chasque jorn una micha de V d., e comensem lo VI jorn de dezembre l’an LXXI, e baylem lhi per LII senmanas III s. menhs I d. per senmana, lo franc a XXV s., monta tot :  VII ll. XI s. IIII d.

Item li baylem mays, lo XIII jorn de dezembre, VIII cobdes d’eschaquat de Petó per far    rauba ayssí com es acondumat, e colava VI s. e VI d. lo cobde, lo franc coma dessús,  monta :  II ll. XII s.

Item li baylem mays per I cobde e I quart de burel a far chapeyró, lo franc a XXV s., monta :  XIII s.

 

Soma tota la plana  XXX liuras  VI s. IIII d.

 

folio 21r

Ayssò qui s’ensec avem baylat per las òbras de la vila :

 

Premieyramen baylem lo dimars a VIII de dezembre per una tapa qui fo messa en l’uych     de l’aychala del mur de la Lemotgana, monta :  II s. I d.

Item baylem a Johan Salavert per III quarteyrós de chavilhas grandas de fer per metre a la pòrta de la barbacana del Pon, e per metre la tapa, monta :  VII s. VI d.

 

Item baylem lo XXII jorns de jervier a P. lo faure de l’Agulharia, per II frachissas de fer qui foren messas al pon de la Agulharia, monten :  IIII s. II d.

Item baylem a Johan La Vauria faure per adobar la clavadura de la pòrta dels Plantiers,        lo franc a XXV s., monta :  II s. VI d.

Item baylem a W. Rampnaut per metre las chadenas del pon levadit, qui eran rompudas,        de la pòrta del Pon, monta :  II s. VI d.

 

Item baylem lo premier dilús de Caresme per II taulas qui foren messas la una a la pòrta      de  la barbacana del Pon, e l’autra fo messa al pon levadit, monten :  XVII s.

 

Item baylem a XVI de feorier que fesem adobar a Greychó e a son valet la pòrta de la barbacana del pon, e costet :  XI s.

 

Soma de tota la plana  II liuras  VI s.  IX d.

 

folio 21v

Item baylem a Greychó a adobar la dicha barbacana del Pon, monta :  III s.

Item baylem al valet Itier del Solier per adobar las clavaduras de la falsa pòrta de Talhafer, monten :  I s. III d.

Item baylem, per dimiey cent de chavilhas de fer qui foren messas a adobar las pòrtas e los pons de la vila, monta :  V s.

Item baylem a al faure Champeló, qui avia doas vet adobat las chadenas del pon levadit de   la pòrta del Pon, e per far gran re de chavilhas de fer a metre en la pòrta de la barbacana   del Pon, monta :  V s.

Item baylem a Helias del Chayró per adobar la clavadura de la tor de Bocharia, monta :V d.

 

Item baylem lo XXIII jorn de feorier a Greychó per LX pès de planchós, los quals mezem a adobar los envanadit, monta :  II ll.

 

Item baylem lo premier jorn de mars a VI hòmes qui adoberen la pòrta de la barbacana de Talhafer qui era tròp mal afolada, e esteren y II jorns, monta :  I ll.

 

Item baylem lo III jorn del dich mes, que fezem claure dos pas qui son sot los Frayres Menors, e ac y dos massós qui n’aguen VI s. VIII d., e I^a femna XV d. , e I hòme qui los servia e lor fazia l’enduch II s. I d., monta :  X s.

 

Soma tota la plana  IIII liuras  V s.  VIII d.

 

folio 22r

Item baylem lo III jorn de mars, per far barrieyras en l’Arsaut pres de la fon, als hòmes qui las y meseren, monta :  V s.

 

Item baylem lo X jorn del dich mes, per una tapa e per los clavels qui foren mes en l’uych  del portal de Talhafer, monta :  II s. I d.

Item baylem lo dich jorn al valet de Itier del Solier per adobar la clavadura de la pòrta del Pòrt de Graula, monta :  IIII s.

Item baylem al dich valet per I^a clau del guichet de la pòrta Agulharia e per adobar las autras clavaduras de la dicha pòrta, monta :  V s.

Item baylem al dich valet per adobar las clavaduras e los trasverolhs de la pòrta Talhafer, monta :  V s.

 

Item la vespra de Pasques per VII pès de planchós que comprem per reparar los advanadit,    a VIIII d. lo pè, lo franc a XXV s., monten :  IIII s. VIII d.

 

Item baylem lo III jorn d’abriel per adobar la clavadura de la pòrta del Pon, monta :  I s. VIII d.

 

Item baylem lo XVI d’abriel a Helias lo bastier, per far la còrda dal senh de cossolat, que la vielha era rompuda, monta :  XII s. VI d.

Item baylem per II pès de planchós qui foren mes als advanadit, monta :  I s. VIII d.

Item baylem a M^e R. de Petit, qui avia fach adobar en la barbacana del Pon, qui fetz sarrar aquí on passen las vergas del pon levadit, per IIII taulas e per los clavels e per las tapas e per los verrolhet[39] e per los goff, e per lo salari de II charpentier qui esteren II jorns, monta :  III ll. X s.

 

Soma tota la plana  V liuras  XI s.  VII d.

 

folio 22v

Item baylem que comensem a reparar los advanadit, per II charpentiers qui los comenseren      a reparar, e prendia chascús IIII s. II d., monten :  VIII s. IIII d.

Item baylem a I hòme qui portava la fusta e los planchós, monta :  IIIs. IIII d.

Item per I milier de chavilhas de fer qui foren messas als dichs advanadit, monta :  III ll.

Item per I^a bèstia qui portava la fusta, monta :  VI s.

 

Item baylem lo dilhús a V jorns d’abriel per II charpentiers qui foren a reparar los dich advanadit, a chascú IIII s. II d., monta :  VIII s. IIII d.

Item baylem a I hòme qui lor portava la fusta e los planchós :  III s. IIII d.

Item baylem a W. Rampnaut per L pès de planchós :  I ll. V s.

Item baylem mays per XXX pès de planchós, monta :  I ll. V s.

Item baylem per IIII hòmes qui ajuderen a portar la fusta d’entre los dos murs, a chascú        V d., monta :  I s. VIII d.

 

Item baylem lo dimars a VI d’abriel per II charpentiers qui foren a reparar los dichs adbanadit, a chascú IIII s. II d., monta :  VIII s. IIII d.

Item baylem per I hòme qui lor portava la fusta, monta :  III s. IIII d.

Item baylem per XXV pès de planchós, a VIII d. lo pè, monta :  XVI s. VIII d.

Item baylem mays per V pès de planchós, a VIII d. lo pè, monta :  III s. IIII d.

 

Item lo dimercres a VII d’abriel baylem per II bèstias a portar la terra en la Albergaria per adobar lo mur de l’ostal de La Pòrta, monta :  XII s.

 

Soma tota la plana  IX liuras  IIII s.  VIII d.

 

folio 23r

Item baylem a I hòme qui traya la terra e chargava las bèstias, monta :  II s. VI d.

Item baylem a P. Johan per I^a maygó de S. Halari que comprem de luy en qué avia grant quantitat de fusta e de teule, e lo teules avia nos mestier a adobar las cuberturas de las tors e de las barbacanas, e la fusta a adobar los avanadit, exceptat de II traus qui sobreren en S. Halari, e costet tot X franxs, qui monten :  XII ll. X s.

 

Item baylem lo digiòus a VIII d’abriel, per II massós li qual obreren al mur de la Albergaria josta l’ostal de La Pòrta, monta :  X s.

Item baylem per II hòmes li qual lor baylavan la peyra e la terra, a chascú III s. IIII d., monten :  VI s. VIII d.

Item baylem per I^a bèstia qui portava peyra al Pòrt de Graula :  VI s.

Item baylem per III femnas qui portavan aygua e terra, a chascuna XX d., monta :  V s.

 

Item baylem lo divendres a IX d’abriel per II massós lhi qual obreren en l’Albergaria,   monta : X s.

Item baylem per II hòmes qui lor balhavan la peyra :  VI s. VIII d.

Item baylem per II femnas qui portavan aygua e terra :  III s. IIII d.

Item baylem per XX pès de planchós, a X d. lo pè, monten : XVI s. VIII d.

 

Soma tota la plana  XV liuras  XVI s.  X d.

 

folio 23v

Item baylem per 1/2 C de chavilhas de fer :  III s.

Item baylem per I jalet a portar lo mortier :  II s. I d.

Item baylem per I fust a metre al corredor de la tor de Champs, monta :  II s. VI d.

 

Item baylem lo dissabde a X jorn d’abriel per I^a bèstia qui portava peyra al pòrt de Graula, que fezem claure quar per aquí eram menassat, monta :  VI s.

 

Item baylem lo dilhús a XII del dich mes per I^a taula :  II s. XI d.

Item baylem per II bèstias qui portavan terra al Pòrt de Graula, monta :  XII s.

Item baylem per I hòme qui traya la terra :  II s. I d.

Item baylem per VI pès de planchós que comprem per metre als advanadit, monta :  V s.

Item baylem per III pès de planchós a metre aquí meys :  II s. VI d.

Item per II pès ½ de planchós a metre aquí meys :  I s. VIII d.

Item per II pès ½ de planchós per metre aquí meys :  II s.

 

Item baylem lo dilhús a XIX d’abriel per IIII hòmes a sarrar lo pas del valat de S. Martí, a chascú III s. IIII d., monten :  XIII s. IIII d.

Item baylem per III hòmes qui ajuderen a far la dicha òbra, a chascú II s. I d., monten :  VI s. III d.

 

Soma tota la plana  III liuras  I s.  IIII d.

 

folio 24r

Item baylem lo dimars a XX jorns d’abriel per II hòmes que ac hòm per sarrar lo dich pas del valat de S. Martí, a chscú III s. IIII d., monten :  VI s. VIII d.

Item baylem a II femnas qui lor ajuderen, monta :  II s. VI d.

Item baylem a I charpentier, per adobar e reparar los planchós per metre els advanaditz, e estet y II jorns, per chasque jorn V s., monten :  X s.

Item baylem per I hòme qui lhi ajudava :  III s. IIII d.

 

Item baylem lo dimercres a XXI d’abriel per II massós qui enmureren lo Pòrt de Graula, a chascú V s., monten :  X s.

Item per I^a femna qui los servia :  I s. VIII d.

Item baylem per II charpentiers a adobar los advanadit de Sen Silà, monta :  X s.

Item baylem per I hòme qui lor portava los planchós, monta :  III s. IIII d.

Item baylem a Besseró per XXX pès de planchós, a X d. lo pè, monta :  I ll. V s.

Item baylem per V^C de chavilhas de fer a chavilhar los planchós als dich advanadit,     monten :  I ll. X s.

Item baylem per una gran quantitat de planchós e de pòtz per metre als advanadit V franx, monta :  VI ll. V s.

Item baylem per I^a bèstia a portar del teule de S. Halari per metre sobre los portals, monta : VI s.

Item baylem a la molher de Peyronet, per LIIII saumadas de terra que mes hòm a enmurar     lo Pòrt de Graula e la tor de Grosset, monta :  XII s. VI d.

 

Soma tota la plana  XII liuras  VI s.

 

folio 24v

Item baylem lo digiòus a XXII d’abriel per II peyriers qui obreren a la tor de Grosset, a chascú V s., monten :  X s.

Item baylem per IIII hòmes qui lor ajuderen e porteren peyra e cayres, monta : XIII s. IIII d.

Item per I^a femna qui los servia :  I s.  VIII d.

Item baylem a II charpentiers qui eran a adobar los advanadit, a chascú V s., monten :  X s.

Item per I hòme qui lor ajudet :  III s. IIII d.

Item baylem per II futz qui foren mes en la tor de Blanquet :  V s.

Item baylem per ½ ^C de chavilhas de fer, monten :  III s.

Item baylem per II bèstias qui porteren lo teule de S. Halari per crubir los portals, a chascuna VI s., monta :  XII s.

 

Item lo jorn de S. Jorgi comprem de planchós en parcela en la Clautra per metre als advanadit, e costeren :  XVIII s. II d.

Item baylem lo dissabde a XXIIII d’abriel en pòtz e en planchós per adobar los advanadit, monten :  V s.

Item baylem per II peyriers qui obreren a la tor de Grosset, a chascú V s., monten :  X s.

Item per I hòme qui lor portava los cayres :  III s. IIII d.

Item baylem a II femnas qui los servian, a chscuna XX d., monten :  III s. IIII d.

Item a II charpentiers per adobar los advanadit, a chascú V s., monten :  X s.

Item a I hòme qui lor portava los planchós             :  III s. IIII d.

Item baylem per II pòtz e per I uchs que mes hòm en l’envanadit, monta :  VII s.

 

Soma tota la plana  V liuras  XVIII s.  VI d.

 

folio 25r

Item baylem per II bèstias qui porteren lo teule de S. Halari per cubrir las tors, monten : XII s.

Item baylem per III^C de chavilhas de fer a adobar los advanadit, monten :  XVIII s.

Item per III fays de planchós que comprem de III femnas a la òbra desús dicha :  V s.

 

Item baylem lo dilhús a XXVI d’abriel per II peyriers qui foren a hobrar a la tor de Grosset, a chascú V s., monten :  X s.

Item a I hòme qui lor portava los cayres, monta :  III s. IIII d.

Item per I^a femna qui los servia e lor portava l’enduch, monta :  I s. VIII d.

 

Item per II charpentiers qui adobavan devès Tornier los advanadit, a chascú V s., monta : X s.             

Item per I hòme qui lor portava los planchós, monta :  X d.

Item per V pès de planchós qui foren mes aquí e costeren :  III s. IIII d.

Item baylem per II^C de chavilhas de fer, a VI s. lo C, monten :  XII s.

Item per II bèstias qui porteren dal teole de S. Alari a cubrir las tors :  XII s.

 

Item baylem lo dimars a XXVI d’abriel per III hòmes qui abateren la fusta de la maygó que aviam comprat de P. Johan en S. Halari, a chascú III s. IIII d., monten :  X s.

Item per II bèstias qui portavan la fusta en cossolat, monten :  XII s.

 

Item baylem lo jorn de S. Frontays a IIII hòmes qui aporteren de la fusta de la dicha maygó    en cossolat, monta :  I s. VI d.

 

Item baylem lo jorn de S. Estròpi per IX pès de planchós :  V s. VI d.

 

Item baylem lo III jorn de may en planchós e en pòtz, monten :  XIIII s. VI d.

 

Item baylem lo jorn de Rozors en III fays de planchós e I fay de pòt :  VII s. II d.

 

Item baylem lo dimmenc aprep Rozors en planchós :  II s. I d.

 

Item baylem lo dimars aprep Rozors, per adobar las bertuelas de la pòrta de l’abeorador, monta :  I s. IIII d.

 

Item baylem  la vespra de Penthacòsta en planchós :  VI s. III d.

Item baylem mays aquel meys jorn en planchós e en pòtz :  XVII s. VI d.

 

Soma tota la plana  VIII liuras  V s.  XI d.

 

folio 25v

Item aguem II hòmes per anar ostar las ronzes e la edra qui era entorn los pilars d’Escòrna-buòu, a chascú IIII s. II d., monta :  VIII s. IIII d.

Item baylem per VIII hòmes qui avian estat talhar la espina qui era entorn las forchas, que no y podia hòm passar e voliam las far adobar, a chascú IIII s. II d., monten :  I ll. XIII s. IIII d.

Item p baylem per esmòlre I^a apcha per far talhar lo dich boyschó :  V d.

 

Item baylem a Mondí lo faure, lo XXV de may, per XII grapas de fer a metre en las clarieras  de cossolat, que li preygonier avian crebat e se n’eran anat, e fet hòm o adobar, e costet : IX s.

Item baylem per XVI liuras de plom a metre en las dichas grapas de fer, a VIII d. la liura, monten :  X s. VIII d.

Item baylem a M^e P. lo peyrier per II jorns que estet e mes las dichas grapas de fer en las clarieyras :  XII s.

Item baylem per III hòmes qui aporteren la eschala e ajuderen al peyrier e fezen lo mortier per adobar las clarieyras, a chascú III s. IIII d., monten :  X s.

Item fezem metre en l’uyhs del Rayat de la preygó una moralha nuòva am verolhs e am las bertuelas, e fezem far una clau en l’autra moralha, e costet la moralha e lo verolh, e de    metre e de far la clau am los clavels, monta tot :  XV s. I d.

 

Item baylem lo IX jorn de julh, per adobar lo brissó e lo valat de davan lo brissó de la barbacana de Talhafer, al valet de Greyschó qui o adobet, monta :  V s.

 

Soma tota la plana  V liuras  III s.  X d.

 

folio 26r

Item baylem per III hòmes qui esteren a adobar lo valat de Talhafer :  X s.

Item baylem mays per II hòmes qui esteren a adobar lo valat avan dich, e l’us prendia II s.     VI d. e l’autre II s. I d., monten :  IIIIs. VII d.

Item per II femnas, a chascuna XX d., monten :  III s. IIII d.

 

Item baylem lo X jorn de julh per III hòmes, a chascú III s. IIII d., qui foren en la dicha  òbra, monten :  X s.

Item baylem al valet de Greschó :  V s.

Item baylem per II femnas qui los servian e fazian lo mortier :  II s. VI d.

Item baylem per I^C de chavilhas que mesen a adobar lo brissó :  VI s.

 

Item baylem lo XI de julh per III hòmes, a chascú III s. IIII d., monten :  X s.

 

Item baylem lo XII de julh per III hòmes qui obreren al valat desús dich :  X s.

Item per IIII femnas, a chascuna XV d., monten :  V s.

Item per I hòme qui fo en la dicha òbra, monta :  I s. VIII d.

 

Item baylem lo XIIII de julh per I recrubidor qui recrubit la tor de l’Arsaut e del Malhòl,  monta :  IIII s. II d.

Item per I hòme qui lhi baylava lo teule, monta :  II s. VI d.

 

Item lo XV de julh a I recrubidor qui recrubit lo portal deus Plantiers e de la barbacana,    monta :  IIII s. II d.

Item per I hòme qui li baylava lo teule :  II s. VI d.

Item baylem lo dich jorn al valadier qui obrava al valat de la barbacana de Talhafer,          monta :  III s. IIII d.

Item per I hòme XX d., e per III femnas a chascuna XV d., monten :  V s. V d.

 

Soma tota la plana  IIII liuras  X s.  II d.

 

folio 26v

Item baylem per I charpentier qui avia estat II jorns a adobar la lòbga de la tor del Malhòl, monta :  VIII s. IIII d.

Item baylem per I hòme qui lhi ajudava :  II s. VI d.

Item baylem a W. Rampnaut per metre chavilhas a chavilhar los traus de la preygó,       monta :  I s. VIII d.

 

Item baylem lo divendres a XVIII de julh al valadier :  III s. IIII d.

 

Item baylem lo dissabde a XIX de julh al valadier e a II hòmes qui obravan al valat de la barbacana de l’Agulharia, a chascú III s. IIII d., monten :  X s.

 

Item baylem lo XXII jorn de julh al valadier :  III s. IIII d.

Item per II peyriers, a chascú III s. IIII d., monten           :  VI s. VIII d.

 

Item baylem a XXIII de julh al valadier e a II peyriers, monta :  X s.

Item baylem per I hòme qui massonava :  II s. VI d.

 

Item baylem lo divendres l’endemà de S. Johan Baptista a IIII peyriers, a chascú III s.        IIII d., monten :  XIII s. IIII d.

Item baylem al valadier qui obret al valat de la barbacana del Pon :  IIIs. IIII d.

 

Item baylem lo jorn de S. Leo a far la coutz de davan la barbacana de l’Agulharia per III peyriers :  X s.

Item per I hòme qui lor ajudava a massonar :  II s. VI d.

 

Item baylem lo jorn de S. Marsal per II peyriers qui obreren en la barbacana de l’Agulharia, monten :  VI s. VIII d.

 

Soma tota la plana  IIII liuras  IIII s.  II d.

 

folio 27r

Item baylem per far I rayat de fer a metre en la clariera de la preygó que hòm apela al Rayat dedins la tor de cossolat, per que li preygonier no la poguessan crebar com avian fach d’autras vet, e foren y messas C III liuras ½ de fer part aquel qui era en cossolat, e colet lo quintals e las III liuras ½ a LXX s. lo quintal, monten :  III ll. XII s. VI d.

Item baylem que fezem metre VI grapas de fer aus cayres de sobre l’uychs del fon de la tor, que li preygonier los avian desmarzelat, que se·n cugeren salhir, e fezem y metre IIII chavilhas grandas de fer aus traus de la preygó del Rayat ; e Mondí lo faure fet lo rayat desús dich, e las chavilhas, e ac ne per son trabalh :  IIII ll.

Item baylem per XL VIII liuras e I quart de plom que mes hòm a metre los dich rayatz e las grapas, e costava la liura IX d., monta :  I ll. XVI s. II d.

Item baylem a M^e P. lo peyrier e a M^e Johan son companhó per V jornals que mezen a   metre lo dich rayat e las grapas desús dichas, monten :  I ll. V s.

Item baylem a Maròt qui lor ajudet I jorn :  III s. IIII d.

Item baylem a I hòme qui portet lo rayat d’a maygó lo faure entrò que al cossolat IX d., e   per I goff qui fo mes en l’uych del fons de cossolat XV d., monta tot :  II s. I d.

 

Item baylem lo XXIX jorn de julhet a W. lo faure, per adobar la clavadura del guichet de l’Agulharia, monta :  I s. VIII d.

 

Soma tota la plana  XI liuras  IX d.

 

folio 27v

Item baylem lo dilús aprep S. P. e S. Paul, que fezem adobar lo pon e la barbacana deus Plantiers a II charpentiers qui esteren III jorns, a III s. IIII d. lo jorn per chascú, monta : I ll.

Item baylem lo dich jorn per II^C de chavilhas de fer, monta :  XII s.

Item aguem II traus de la dòmna de Garlandier qui costeren :  I ll. V s.

Item baylem lo dich jorn per far unas mannòtas de fer, e fezem adobar I fers, per metre (a) I preygonier qui totjorn se apurava de crebar la tor, monta :  V s.

 

Ayssò qui s’ensec son las òbras que me baylet en escrich Guilhem de Jaudó lo cossol, lasquals el avia fachas far.

 

Premieyramen lo dimercres aprep Senta Katarina, comensem a hobrar en la tor de l’Arsaut, e aguem II charpentiers per far II uchs en la dicha tor, a chascú dels charpentiers V s., monten :  X s.

Item comprem III tapas e I goff a metre al dich uchs, monta :  V s. III d.

 

Item lo digiòus enseguen baylem per II charpentiers qui foren en la dicha tor per reparar      lo solier e per metre I^a sotzbarba sotz un trau saumier de la dicha tor, lo quals era en gran perilh de rompre, monta :  X s.

Item baylem per la sotzbarba que comprem :  III s. IIII d.

Item baylem per VI planchós qui foren mes al solier de la dicha tor :  III s. VI d.

Item baylem a Johan Nebot per I^C de chavilhas de fer :  VII s.

Item baylem per IIII taulas que comprem de Helias Ayme per far los dichs huych de la   dicha tor, monta :  I ll. X s.

 

Soma tota la plana  VI liuras  XII s.  I d.

 

folio 28r

Item baylem lo dimercres ‘divendres’ enseguen per I charpentier qui fet la trapela de la tor deus Plantiers, monta :  V s.

Item baylem per II tappas e per II goff a metre en la dicha trapela, monta :  VI s. II d.

 

Item baylem lo dissabde enseguen per I charpentier per far l’uys de la eschala per ont hòm montava al mur :  V s.

Item baylem per I^a tapa qui fazia mestier al dich uys :  I s. VIII d.

Item baylem per IIII planchós a metre en la chambra de la dicha tor, monta :  II s. VI d.

Item baylem per I^C de chavilhas de fer qui foren de Johan Nebot :  VII s.

 

Item baylem lo dilhús enseguen per I charpentier per far la trapela en la tor de la Lemotgana, monta :  V s.

Item baylem per II tapas e per I verolh a metre en la dicha trapela, monta :  VI s. VIII d.

 

Item baylem lo dimars aprep per I charpentier qui fet l’uys per ont hòm intra al mur de la Lemotgana, monta :  V s.

Item baylem per I^a tapa e per I fust a metre sot l’uys desús dich :  II s. I d.

 

Item baylem lo dimercres aprep per I charpentier per redressar l’aychala de la tor del Malhòl e de la Tor Vielha e de Guaudí, monta :  V s.

 

Item baylem lo digiòus aprep per I charpentier per redressar la trapela de la tor de l’Agulharia, monta :  V s.

 

Soma tota la plana  II liuras  XVI s.  I d.

 

folio 28v

Item baylem per II tapas e per II goff e per I verolh a metre en la dicha trapela de la tor de l’Agulharia, monta :  VIII s. IIII d.

 

Item lo divendres enseguen aguem I charpentier per far la trapela de l’aychala del mur de l’Agulharia, e costet :  V s.

Item baylem per II tapas e per I^a chadena qui fautava a la dicha trapela, monta :  V s. X d.

Item baylem a I hòme qui aportava la fusta al dich charpentier, monta :  III s. IIII d.

Item per I^C de chavilhas de fer qui foren de Johan Nebot :  VII s.

Item baylem per I hòme a deschargar la mach de la brida ;  III s. IIII d.

Item baylem per far ostar las fondas de las bridas e per aportar en cossolat, e lo pes de las    III eyminas, monta :  VIII s. IIII d.

Item baylem per far l’enartamen de sot la chambra de cossolat, ont era Greyschó e II charpentiers mays, monta       :  XI s. III d.

Item baylem per III ponchiers los quals y fezem metre :  IX s.

Item baylem per I trau que fezem metre en la dicha òbra :  VI s.

Item baylem per far una chabana en la barbacana del Pon qui fo cuberta de glòy, monta :  XXI s.

 

Item baylem per adobar lo chadafaus de sol[40] molí que fet adobar P. de Meymí, e costet            I franc qui val : XXV s.

Item baylem per far adobar II albarestas a Ay. de Comptia qui las fet adobar, e costeren,   monta :  XII s. VI d.

 

Soma tota la plana  VI liuras  V s.  XI d.

 

folio 29r

Item baylem lo dime’r’cres de davan S. Johan que comensem a obrar en la barbacana del brissó del Pon, e aguem II massós per far lo mur de la riba de l’aygua, monta :  VI s.

Item baylem lo dich jorn per II hòmes qui porteren los cayres e los giteren de l’aygua[41], a chscú II s. VI d., monten :  V s.

 

Item baylem lo dilhús après a VI peyriers per far lo mur de la barbacana say que a l’autre  mur avan dich, a chascú III s., monten :  XVIII s.

Item baylem per II hòmes qui portavan los cayres, monten :  V s.

Item baylem al valadier, monta :  III s. IIII d.

 

Item baylem lo dimars aprep per VI peyriers comtat  coma desús :  XVIII s.

Item baylem per II hòmes qui portavan los cayres, monta :  V s.

Item al valadier baylem :  III s. IIII d.

 

Item baylem lo dimercres aprep per VI peyriers comtat coma desús :  XVIII s.

Item baylem per II hòmes qui portavan los cayres :  V s.

Item baylem al valadier :  III s. IIII d.

 

Item baylem lo digiòus enseguen per III peyriers per far lo petit mur del chap del valat, a chascú III s., monten :  IX s.

Item baylem per II hòmes qui portavan los cayres, monta :  V s.

 

Item baylem lo dimercres divendres enseguen per III peyriers qui foren en la dicha òbra, comtat  coma desús, monten :  IX s.

 

Soma tota la plana  V liuras  XIII s.

 

folio 29v

Item baylem per II hòmes qui los servian e portavan los cayres, monta :  V s.

Item baylem al valadier qui fo en la dicha òbra, monta :  III s. IIII d.

Item baylem a B. Arnaut per cayres e per peyra que W. de Jaudó avia fach penre al dich B.   per metre en la dicha òbra, monten :  XII s. VI d.

 

Item baylem lo divendres a XIIII d’aust, a W. Rampnaut qui estet IIII jorns per adobar lo bressó del Pon, per chada jorn V s., monten :  I ll.

Item baylem lo dich jorn a III hòmes qui ajuderen a adobar lo brissó del Pon, e fazian los     botz per plantar las estepas, e trenchavan la fusta, e esteren y IIII jorns, monten :  I ll. X s.

 

Item baylem lo XVII jorn d’aoust al valadier qui obret al valat de davan lo brissó del Pon, per V jorns que y avia estat, a III s. lo jorn, monten :  XV s.

Item baylem per I^a femna qui fo a aquela òbra :  I s. IIII d.

Item baylem per IIII liuras de fer per far la ferradura del brissó e la clavadura :  II s. VIII d.

Item baylem a W. lo faure, per adobar lo verrolh del portal de l’Agulharia qui era cort, monta : I s.

Item baylem que fezem adobar lo pon de l’Agulharia lo XXV jorn del dich mes per II charpentiers, a chascú VI s. III d., monta :  XII s. VI d.

Item baylem per I hòme qui lor ajudava :  II s. I d.

Item baylem per III hòmes qui porteren II traus :  I s. VI d.

 

Item baylem lo XXVI del dich mes a II charpentiers qui foren a far la òbra desús dicha, monta :  XII s. VI d.

 

Soma tota la plana  V liuras  XIX s.  IIII d.

 

folio 30r      (note postériere en haut de page : Trentieme et dernier feuillet   M. H.)

Item baylem per I hòme qui lor ajudava, monta :  II s. I d.

Item baylem per II taulas qui foren messas al pon desús dich : X s.

Item baylem per I fustet que comprem per far lo torn del dich pon :  X s.

Item baylem per X liuras de fer per adobar las chadenas del dich pon :  VIII s. IIII d.

 

Item baylem lo XXVII del dich mes per II charpentiers qui adoberen lo dich pon, monta :  XII s. VI d.

Item baylem a I hòme qui lor ajudet :  II s.I d.

Item baylem per I peyrier qui adobet aquò del pon :  IIII s. II d.

Item baylem per I trau qui fo mes a adobar lo dich pon :  X s.

Item baylem a Petitaut faure per adobar, per las chavilhas e per adobar las chadenas,       monta :  XII s. VI d.

Item baylem a Chautut per metre las espondas del pon de la Agulharia, monta :  III s. IIII d.

 

Item baylem lo XXV jorn del mes de setembre que comprem II pòrtas per far adobar lo     pon de Talhafer, e costeren III franx, monten :  III ll. XV s.

Item baylem per II taulas qui foren messas al dich pon :  I ll. V s.

Item baylem a Helias Ayme per V taulas :  I ll. V s.

Item baylem mays per I^a taula :  VI s.

Item baylem a Chautut per son jornal V s., e a Greyschó baylem per son jornal la lenha qui salhit de las taulas e de l’autra fusta qui fo messa a adobar lo dich pon, monta :  V s.

Item baylem al faure per far chavilhas de fer e per dressar las vielhas :  II s. VI d.

Item per I hòme qui portet las taulas, monta :  X d.

 

Soma per tota la plana  X liuras  XIIII s.  IIII d.

 

folio 30v

Item baylem lo XIIII jorn de octòbre per II pòtz e per X chavilhas de fer que mes hòm al   pon levadit del Pon, e per lo charpentier qui o adobet, monta tot :  IIII s. II d.

Item baylem per I^a clau que fezem far en l’uys del torelh del molí :  II s. VI d.

 

Item baylem lo XV del dich mes per III traus que aguem de Guilhó de Rambert per adobar   lo pon de la Agulharia, qui no es ponh levadit, qui se layschava fondre, monta :  I ll. V s.

Item baylem a P. de Janitz per I trau que ne comprem :  VIII s.

Item baylem a Chautut qui avia estat a adobar lo dich pon :  V s.

Item baylem a I hòme qui lor ajudava :  II s.VI d.

Item baylem per IIII hòmes qui porteren los traus, a chascú V d., monta :  I s. VIII d.

Item baylem per I^a filieyra qui fo messa a l’eyponda del dich pon :  II s. VI d.

Item baylem per recrubir lo portal de la Lemotgana e per los clavels qui i feren mestier, monta :  III s. IIII d.

Item baylem per I hòme qui lor ajudet :  I s. VIII d.

Item baylem a P. Maurí lo peyrier qui avia adobat cayres qui se eran mogut de la tor de cossolat :  VI s.

Item baylem a Itier de Combas, per far adobar las còrdas del pes e lo botó del timó del dich pes, e per I^a clau que fet far e metre en la pòrta de fòra Bladarias, monta :  IIII s.

Item baylem per adobar las mezuras e l’eyfonilh de l’òli, monta :  XV s.

Item baylem a P. Guilhó per las còrdas qui foren fachas niòvas a pezar lo blat, e per lo jafet de l’eymina que fet far, e per adobar lo verolh de la pòrta qui era peciat, monta tot : XII s.

 

Item baylem quan fum fòra de offici al mayor e als cossols qui venguen après nos e a R. de Jaudó lor comtador en cossolat I milier de cayrels qui costeren XI franx, a XXV s. lo franc, monten :  XIII ll. XV s.

 

Soma tota la plana  XVIII liuras  VIII s.  IIII d.

 

(le reste manque…)

 

<<Retour