Archives Municipales de Périgueux E dep 5021 –
Registre des Comptes du consulat de Périgueux - Série CC
CC 53 : Année 1334 – 1335 Registre in 4o, 34 feuillets, papier (des trous de vers)
– occitan ; scribe : le comptable Helias de Giraudó
folio 1r (note postérieure : 1334-1335 premier feuillet M. H.)
Remembransa sia que ayssò es lo papiers en qué es lo comtes de la viela, de las prezas e de las baylas escrieutas del temps que foren fach màyer e cossols aquist qui s’ensegen.
E fo màyer Ne Helias Jelat, filh qui fo d’En W. Jelat.
Steve Brunet, cossol – W. del Puey – Maytre Johan del Pon – R. de Martí – Johan de Chaumon – W. de Bulhfarina – Johan de Margòt – P. de Verviela – P. Gerrel lo Joves – Helias La Pòrta.
De la Ciptat : Mossen Fortaniers de Pereguers – Helias Ebrart.
E foren fach lo dimmenc apròp la Sen Martí d’ivern, l’an de M CCC XXXIIII.
E fo comtadres Helias de Giraudó, contracomtadres P. Gerrel cossol.
folio 1v (note postérieure : Dépenses)
Ayssò son las baylas que avem baylat per la juridiccio de cossolat.
Aus glueys qui foren mes al cossolat lo jorn que li prohòmes feyren lo sagramen : XVII d.
Item a Marcafava torier, per pa aus preygoniers : XVI d.
Item la filha que[1] d’En Sicart de Chaumon fet amonestar los cossols vielhs, e li cossol feren la citar doas vetz, e agen la copia de la monicio, e colet : XVIII d.
Item baylem aus sirvens e al servicial, per far la exequcio de macip de[2] Robbert Nadal, lo quals fo pendutz : X s.
Item baylem aus sirvens, per velhar e per gardar Robbert Nadal, per meciou e per chandelas : V s. IIII d. e mealha.
Item baylem aus sirvens, per corre I hòme de La [Tor] Blancha qui fo pres en avolteri am una femna que no avia ges marit : V s.
Item baylem aus sirvens, per corre una femna que hòm apelava Peyrona Mosnarda : V s.
Item en III mas de papier, e la una fo messa en cossolat, e las doas agen lo comtadres e lo contracomtadres : IIII s. VI d.
Item baylem en I papier d’aur qui fo compratz a Lemòtges per far los penós de las trompas : XX s. V d.
Item en VI taulós de sendat, e l’us fo indis : VIII s.
Item baylem per V cobdes de fimbrias e per I ternal de seda e per VI cobdes de seda : XI s.
Item per la fayssó daus dichs penós de las trompas, a R. lo penhedor : XXX s. VI d.
Item baylem en I papier a uòps de metre las esmendas : XVIII d.
Item baylem a Marcafava, qui gardet lo premier ser Robbert Nadal e lo velhet, e lo màyer comandet que hòm li baylès : II s. X d.
Item baylem al servicial, qui fay las exequcieus, IIII aunas e dimieya de drap, e coleren : XIII s. VI d.
Soma : VI ll. XXII d. e mealha
folio 2r
Ayssò agen li sirvens a Nadal :
Aymeric de Sudor : X s. – Helias de Las Combas : X s. – Hugós de Chatuel : X s. – Aymeric de La Branda : V s. – W. de La Faya : V s. – Steve de Moyschet : V s. – Marcafava torier : X s. – G. lo trompadres : V s. – Vidals : V s. – Johan de Manha : V s. – lo servicials qui fay las exequcieus : V s.
Item IIII tòrchas de cera donadas a Nadal al mayor, e pezaven XVI ll. e costeren : XL IIII s.
Item donet hòm a l’official VIII ll. de cera, e costeren : XXII s.
Soma : VII ll. VI s.
folio 2v
Item li macip qui estaven am B. de Pinhac foren acuzat de las nafras que foren fachas a Robbert de Rambert, e fo ne facha enformacio ; item Maytre W. de Rey jutges del Celarier ostet un hòme aus sirvens, e fo ne facha enformacio ; e Maytre P. de Reytor fetz las ambedoas e ac ne : X s. tornés.
Item Peyrona Mosnarda fo preza en avolteri am un hòme, e l’hòme no avia ges de molher, e ela avia marit e correc, e li sirven agen ne : V s.
Item aus g[or]ra[utz] qui aporteren la fusta de la maygó que fo de B. Audoy, e fo messa en cossolat per rayratges que devia a la charitat, baylet hòm : VI s. VI d.
Item a [Mayt]re P. Mercier, per far las letras de las rendas que deven [trou de ver] La Ròcha e En P. Grimoart e Na Peyronela de Landric, e fet ne II letras seladas del seel del rey ; item fet P. Mercier la letra de la quitansa de R. de Martí d’ayssò que la viela devia a luy ni a son payr ; item fetz maych una letra que parla de XX s. de renda que deu Helias Colhós de La Tornapicha a la charitat ; e d’ayssò far, am los seyels, ac ne : XXV s.
Item baylem a R. Manen, per far la quarta de la apellacio que fo levada de B. de Pinhac[3] : III s. IX d.
Item baylem a Mossen Rogier Bernar comte, las quals lhi det hòm a Nadal : XX ll.
E fo ne levada quarta, la qual fet Maytre P. La Chapela lo jorn de Sen Vincen l’an de M CCC XXX IIII.
Soma : XXII ll. XII s. IX d.
folio 3r
Item, lo dimartz avan la Conversio de Sen Paul, foren pendut II layró qui avian panat, e l’us era de Sen Paul de Serra e l’autres de Preyschac, e li sirven e lo servicial agen ne : XX s.
Item levet hòm quarta de las XX ll. que paget hòm al comte, e costet : VIII d.
Item fet hòm talhar lo boyschó d’entorn las forchas, e costet : XII d.
Item, lo premier diguòus de Quareme, B. Archambaut de Senilhac fo pendutz, pel raubey[4] que fet a l’òme de la boaria de R. de Martí, e per autres fachs que coffesset que avia fachs, e agen ne li sirven e lo servicial : X s.
Item agen li dichs sirven per penre lo dich B. Archambaut : II s. VI d.
Item a P. Jalabert, pel logier de un barriel am qué hòm portet lo vi al seneschalc, e lo seneschalc tenc lo tant quant estet en esta viela : VII d. e mealha.
Item III dobblas de papier, e la una pres Johan de Chaumon e las autras Maytre P. La Chapela, costeren : III d.
Item lo menistres daus Frayres Menors venc en esta viela, e lo màyer e li cossol, per amor de Dieu e del dich menistre, doneren a mingar al covenc daus Frayres Menors, e lo màyer e li cossol e li avocat am autres bos hòmes de la viela mingeren hi, e lo ser lo màyer e li cossol e li avocat aneren beure am luy, e lo màyer e li cossol feren aportar dal vi am daus espessis, e costet entre totas chauzas : IX ll. III s. VI d.
Soma : X ll. XVIII s. VI d. e mealha
folio 3v
Item lo chantres de la Ciptat avia donat cosselh en alqús fach a la viela, e donet hòm li a Nadal especis, e coleren : XXV s. III d.
Item lo màyer, am alqús daus cossols e am los peyriers e am los sirvens, anet per regardar lo pas daus Pontelhs com se fazia adobar, e donet hòm aus sirvens : III s.
Item la dòmna de Brunet, molher d’En Steve Brunet, fet amonestar lo mayor e los cossols per alquna soma d’argen en la qual, segon que ela dizia, la viela li era tenguda, e paget hòm de mecieus, las quals pres Helias Bru : IIII s. VIII d.
Item Peyronela de Landric fetz amonestar lo mayor e los cossols, e lo màyer e li cossol feren la citar que aportès las letras, e colet la citacio : XII d.
Item Arnaut de Rodes portet a París procuracieus e autras letras seladas del sel de la viela, e la cera compret Helias de Combas sirvens de la viela, e colet : VI d.
Item Maytre P. de Verviela per copiar una letra, la quals avia l’àbbas de Sench Astier, que era necessària a la viela, ac ne IIII s.
Item I layr fo pres, qui avia panat a son maytre am quy estava, e fo eschaurelhat, e li sirven e lo servicial agen ne : V s.
Soma : XLIII s. V d.
folio 4r
Item Maytre P. La Pòrta e Maytre Itier del Chastanet tractaven sobre la patz dal comte e de la viela, e per lor trabalh donet hòm lor a chscú C s., soma : X ll.
Item per dimieya ma de papier que pres W. de Bulhfarina, e fo portada en cossolat : IX d.
Item Steve del Puey fet amonestar lo mayor e los cossols, e costet de mecio : III s. IX d.
Item I hòm qui avia nom P. d’Arragó de [Brauch][5], qui avia panat a so senhor am quy estava, e fo forgurat e perdet de l’aurelha, e li sirven agen ne : II s.
Item lo filh de Maytre R. de Bru fetz copia daus articgles que chapitres baylet contra la viela, e ac ne : V s.
Item las raubas daus sirvens que hòm lor fetz a Nadal, e aus II trompadors, e foren de Helias Segui drapier, e coleren : XXVII ll. III s. I d. tornés.
Item baylem a B. de Rambert, per còrdas a uòps de Bertran de Marcilhac, e per chandelas per velhar lo dich Bertran, e per adobar las mezuras de l’òli : III s. VIII d.
Soma : XXXVII ll. XVIII s. III d. tornés.
folio 4v
Ayssò agen li sirven a Pasques :
Item Hugòs de Chatuel : V s. – Item Aymeric de Sudor : V s. – Item Helias de Combas : V s. – Item Aymeric de La Branda : V s. – Item G. lo trompadres : V s. – Item [Arnaut] lo trompadres : V s. – Item Johan de Manha : V s. – Item Steve de Moyschet : V s. – Item Vidal : V s. – Item W. de La Faya : V s. – Item Marcafava : V s. – Item al servicial : II s. VI d.
Item la semmana après la Sen March, en pa aus pregoniers : IX d.
Item I hòme layschet vinhas a la viela, e coleren de podar XXIX hòme pel fòr de VII deniers : XVI s. XI d.
Soma : LXXV s. II d.
folio 5r
Item a Helias de Virat, per que redés lo comte de ayssò que la viela avia mes al plach dal comte e de Mossen Archambaut al temps que tenia los comtes de la viela, e donet hòm li : V s.
Item una femna que avia nom (un blanc) e fo preza en avolteri am Augier filh de Johan de Folcra, e li sirven agen ne : V s. ‘e fo correguda’ (rajouté)
Item a Marcafava lo torier, qui era malaptes, e lo màyer comandet que hòm li prestès : X s. ‘sobre son salari’ (rajouté)
Item al filh de Maytre R. de Bru, qui avia copiat lo prossès de la viela e de chapitre, e de las mecieus que avia fach la viela contra lo comte e Mossen Archambaut : X s. VI d.
Item al filh qui fo de G. de Combas, per una letra que parla de IIII s. VI d. de ces que deven li heretiers d’En P. d’Armanhac : II s.
Item en III mas de papier en qué hòm escrieut los comptes : IIII s. VI d.
Soma : XXXIX s.
folio 5v
Item lo màyer e Maytre R. de Bru lo jutges e alquy daus cossols aneren per II vetz o plus regardar lo pas e la òbra daus Pontelhs com se fazia, e despenderen, ostra aquò que li sirven n’agen, de qué fay mencio en un autre articgle desús dich, en vi e en especis : IIII s.
Item las planchas del pas daus Pontelhs eran en l’ayga, e fo comandat a’N Steve del Puey que las fezés metre fòra, e li hòme qui las giteren de l’ayga agen ne : V s.
Item II femnas prezen li sirven en avolteri, e cugava hòm que agessan marit e no n’avian ges, e donet (hòm) aus sirvens per lor trabalh : II s.
Item per I hòme que hòm apela W. Boyer, qui fo pres per nafras que avia fachas a un hòme, e despendet en pa per VIII jorns : VIII d.
Item a Helias de Chapelier, per V dobblas de papier que pres hòm per las cochas de la viela : V d.
Item li sirven velheren Bertran lo sirven, apelat de Marcilhac, e per luy gardar donet hòm lor pel comandamen dal mayor : IIII s.
Item donet hòm al dich Bertran de la charn, e colet : IIII d.
Item aus sirvens qui garderen Robbert Chatuel lo premier cer, e lo màyer (comandet) que hòm lor baylès : IIII s.
Item lo Official donet commissio sul fach del dich Robbert si hòm lo poyria gitar de la glieyga, e fo commissaris Mathiàs Pothier e Helias de Jaucelm, e colet : X d.
Soma : XXI s. III d.
folio 6r
Item Bertran de Marcilhac qui ( fin de la ligne barré illisible) fo pendutz pel raubamen que avia fach, e per autras chauzas que avia fachas en nòstre poder, e li sirvens e lo servicial agen : X s.
Item quant hòm velhet per far lo gach per gardar Robbert Chatuel, coleren chandelas :VIII d.
Item, lo jorn que Bertran de Marcilhac fo pres, colet lo raus que hòm gitet per la chambra ont era lo màyer e li cossols : IIII d.
Item li Prezicador volian far pes a pezar lo blat e la farina, e lo màyer e li cossol feren penre la peyra am qué lo volian far e portar al cossolat, e costet : III d.
Item una femna que hòm apela Ahelias Filhòla, de Sanct Agulhí, fo preza en avolteri, e li sirven agen ne : V s. ‘e fo correguda’ (rajouté)
Item li sirven qui garderen Robbert Chatuel lo darrier cer despenderen : II s.
Item a Helias Mayfre, per gardar lo rocí de Bertran de Marcilhac e per donar a mingar VIII jorns : V s.
Item baylem a la molher de Itier Faure, pel logier de la maygó ont estava Guilhòta en Sent Halari : X s.
Item baylem a Lamber de Gordó, per còrdas a far las exsequcieus : VII s.
Soma : XL s. III d.
folio 6v
Ayssò fo baylat a la Sen Johan .
Item a III faychs de raus : IIII d. – Item en rama : III d.
Item en garlandas : IIII s. VI d. – Item en guinas : VI d.
Item aus gorraus qui aporteren la fusta sunla fon e la·n torneren : III s.
Item lo màyer e li cossol aneren beure am alqús borzés quant la velha fo dicha, e colet vis[6] : IIII s.
Item al Rey de Pon donet hòm : X s. – Item a l’Empeyrador : X s. – Item al Duc : X s.
Item al Marqués : V s. – Item a l’Abat V s. – Item al Comte de Talhafer : V s.
Ayssò agen li sirven a la Sen Johan :
Item ac Arnaut lo trompadres : V s. – Item a G. lo trompador : V s. – Item a Guilhamòt Maschaut : V s. – Item a Johan de Manha : V s. – Item a Vidal : V s. – Item a Steve Moyschet : V s. – Item a Aymeric de Sudor : V s. – Item a Helias de Bertran : V s. – Item a Hugó de Chatuel : V s. – Item a Marcafava : V s.
Soma : C VII s. VII d.
folio 7r
Item, la vespra de la Sen Johan, minget lo màyer e Maytre P. La Pòrta e Maytre Itier del Chastanet aus Frayres Menors, e colet entre totas chauzas : XXII s. VI d.
Item a Marcafava, per pa aus pregoniers en aquela semmana : X d.
Item a l’espitalier de l’Arsaut, per gardar I rocí que hòm trobet : XVIII d.
Item a Guilhamòt lo torier, per son salari : V s.
Item a la molher Marcafava, quant Marcafava fo mòrt, que·lh devia hòm de son salari : X s.
Ayssò agen li sirven a la festa de Totz Sants :
Item ac Arnaut lo trompadres : V s. – Item G. lo trompador : V s. – Item W. Maschaut : V s. – Item Johan de Manha : V s. – Item Helias Vidal : V s. – Item Steve de Moyschet : V s. – Item Aymeric de Sudor : V s. – Item Helias de Las Combas : V s. – Item Hugós de Chatuel : V s. – Item Guilhamòt lo torier : V s. – Item al servicial : V s. – Item Johan Moschart : V s.
Soma : C IIII s. X d.
folio 7v
Item a Maytre P. Mercier, per escrieure una letra que lo màyer e li cossol trametian a Mossen B. Girvay : II s.
Item al dich Maytre P. Mercier, per anar parlar am lo seneschalc e am Mossen B. Girvay, e anet a Cors e no los hi trobet ges, e d’aquí anet a Montalbà ont trobet Mossen B. Girvay, pel fach de Ferrat e de Bertran de Marcilhac, e ac ne : L s.
‘Lo quals Bertran s’era apelat e pueysch fo remés’ (rajouté)
Item en raus a metre en la chambra : IIII d.
Item al servicial qui fay las exequcios : V s.
Item en la semmana après la Sen Esteve d’aut, en pa aus preioniers : XXII d.
Item, lo comte tenia pres un hòme que hòm apelava Charradó, e era banitz de esta viela per los mesfachs que avia fachs al poder de la viela ; e lo seneschalc dal rey lo fet redre al mayor e aus cossols ; e estan en l’arest del comte despendet, los quals la viela paget, : VIII s. II d. e mealha.
Item, lo dimercres avan la Sancta Maria d’aut, en pa aus presgoniers : XII d.
Item, lo dimercres après la Sancta Maria d’aut, en pa aus presgoniers : XXIII d.
Soma : LXX s. III d. e mealha.
folio 8r
Item a Maytre W. de Botas, per far la quarta de la remissio de Bertran de Marcilhac, la qual fet lo seneschalc : VI s. III d.
Item, Arnaut de Rodes emportet a París una letra cum li hòmes de fòra, qui no fan lo cumenal de la viela, e metrian vi dins la viela y aus borcs, que pagessan alqun dever a la viela ; e la dicha letra fo portada al Mon de Dòma per encorporar al papier dal seneschalc, e Maytre B. Ortic portet la ; e colet X s.
Item, lo dimercres avan la Sancta Crotz de setembre, fo pendut I hòme qui era de Parducz, qui avia panat en nòstre poder e en autres luòcs, e li sirven e lo servicial agen ne : X s.
Item, dal dimercres après la Sancta Maria de setembre en desay que a la Sen Mi[chel] en pa aus presgoniers : IIII s. V d.
Item, Johan Dumens, de París, procurayres de la viela en la cort de Nòstre Senhor lo Rey, venc en esta viela, e estet III jors, si e autre a chaval, e preget lo mayor e los cossols que li prestessan, a anar en desay que a Lemòtges, un rocí, quar li seu se dolian, lo qual rossí li prestet hòm am I macip ; item volgen maych lo màyer e li cossol que al dich Johan fossan pagat li despens, los quals siey rocí e siey macips avian fachs, e montava se, am lo logier del rocí e del macip que li baylet hòm, per mecio a tornar : XXIII s. I d.
Item aus sirvens, per gatgar aqueus qui devian las rendas de la charitat e las esmendas : XXIX s.
Item agen maychs : VI s. VI d.
Soma : IIII ll. IX s. III d.
folio 8v
Item, per sebelir una femna qui avia nom Guilhòta, que avia hòm trobada mòrta, e foren baylat a Johan de Manha e a Fayó sirvens : II s. III d.
Item, lo màyer e li cossols tramezen per espiar daus hòmes, li qual eran acuzat de la mòrt de la dicha Guilhòta, cum avian nom ; e aneren y II hòme arrossenat, e donet hòm lor per lor trabalh e per lor despens : VIII s.
Item a R. Ferrat, qui portet letras a Mossen B. Girvay a Cors, las quals y trameren lo màyer e li cossol per alcunas chauzas que la viela y avia afar pel fach del fray dal dich R. : XII s. VI d.
Item a Gui de Giraudó, pel logier de sa maygó ont tenia hòm los gatges de la viela : VII s. VI d.
Item, Steve dal Puey e la filha d’En Sicart de Chaumon tenian en sentensa lo mayor e los cossols, e feren los citar, lo mayor e los cossols, que vengessan auvir lor absolucieus, e colet la citacio de exsequir e de seylar XII d., e foren absolt, e baylet hòm a la almòna VI d., y aus sels de las absolucieus XII s. VIII d., soma : XIIII s. II d.
Item costeren de aportar li gatge dal talh de la Tornapicha : V d.
Item a W. de Bòrn lo torier, per son salari : X s.
Item a Helias de Las Combas sirven, per lo filh de Arnaut dal Lac qui fo pres am una femna en avolteri : V s.
Soma : LIX s. X d.
folio 9r
Item baylem en IIII faychs de gluòys qui foren mes en cossolat lo jorn que hòms fetz los cossols : XVI d.
Item aus sirvens donet hòm aquel meych jorn, que pres Helias Boní, : III s.
Item en II dobblas de papier : II d.
Item lo màyer e li cossol foren a maygó Helias Pòrta per regardar lo comte de la viela, e dineren se, e colet entre tot : XXIII s; III d.
Item colet ayssò que donem a la sobostura de Maytre R. de Bru, jutge de cossolat, entre drap d’aur e tòrchas de cera : LXVIII s. III d.
Item lo mespés de las tòrchas que hòm ac a la vespra de la Sen Fron per far lo gach colet, am los V s. los quals baylet hòm a Johan de Chaumon per lo degast de la soa tòrcha : XXXIII s.
Item a P. Boní, qui tenia l’enquant per vendre los gatges de la viela, donet hòm per son dever : XV s.
Item en chandelas que baylet hòm, lo cer de la Sen Fron, aus sirvens qui gardaven la pòrta de Talhafer : VIII d.
Soma : VII ll. V s. VIII d.
folio 9v
Item baylem per refar las còrdas dal pes de l’Arsaut, las quals eran rompudas : X s.
Item, per adobar l’ermari dal pes de la Albergaria : XV d.
Item a Maytre G. Faure, per far la appellacieu de Maytre Ay. Porchier, qui se volia exceptar de pagar lo pes de las farinas : V s.
Item lo màyer e li cossol doneren a mingar aus Prezicadors lo jorn de la Sen Peyr lo Martir, e colet : IIII ll.
Item baylem per la escriptura daus memorials aus quals se eran obligat aquilh qui avian acessat las acessas de la viela : VII s.
Item a P. Giraudó qui procuret que li heretier de la molher que fo de P. d’Arragó donessen a la charitat del bacó XL ll., e donet hòm li : C s.
Item baylet hòm a P. de Brunet y a R. de Cortés y a Johan de Sarlat, li qual avian acessat las bóstias, per algunas farmas[7] las quals lo màyer avia fach redre, sò es assaber a Maytre W. de Bodas y a Maytre P. de Raydor y a P. Salsayró y a alqús autres : X s.
Soma : X ll. XIII s. III d.
folio 13r (10, 11, 12 rv blancs) (note postérieure : voyages pour les affaires de la ville)
Ayssò qui s’ensec baylem aus viatges que hòms a fachs defòra peus negòcis de la viela.
Item baylem a Helias La Pòrta e a Arnaut de Rodes, qui aneren a París, que lo reys avia fach ajornar las communas sobre los fachs de las monedas, e ilh y aneren lo dilús avan Sancta Katerina : XXXVII ll. X s.
Item a Johan Cregut, macip de Arnaut de Rodes, per unas sabbatas : V s.
Item al macip de Helias Pòrta per unas sabbatas : III s. VI d.
Item Arnaut de Rodes e Helias de La Pòrta seyschoben[8] a París de un hòme : X s. X d., e la viela paget los.
Item ac hòm una bóstia a metre alcunas letras que porteren a París Helias Pòrta e Arnaut de Rodes, e colet : V d.
Item lo chamnhes de las XXXVII ll. X s. que porteren li dich Arnaut de Rodes e Helias Pòrta a Paris colet : XXX s.
Item P. Mercier e P. La Viela notaris, e P. Salseyró sirvens dal rey, aneren a la bastida Sen Loy per citar lo comte[9] a París, per auvir lo profiech de la defalha que fo donada a París contra son frayr lo comte Archambaut al parlamen de París, e despenderen per se e per lor macips e per lor rocís, per mecieus : XL s.
Item a Maytre P. La Viela, per far las quartas que levet hòm de la dicha citacio : VIII s.
Item a maychs lo dich Maytre P. La Viela, per logier de so rocí que menet, lo qual ac de Mestre P. de Verviela : V s.
Soma : XLI[I] ll. XII s. IX d.
folio 13v
Item Arnaut de Rodes tramés la viela a París per lo jorn que la viela avia am lo comte, e per autras cochas que la viela avia a París, e tenc via lo divendres après la Sen Gregòri, e menet II macips a pè am si, e baylet hòm li peus despens de si e de sos macip e de son rocí : XV ll. tornés.
Item a las sabbatas daus II macips : VIII s. tornés.
Item baylem a Arnaut de Rodes, que portet a Maytre Mayeu a Costetz y a Johan Dumens, procuradors de la viela, per lor salari : XXV ll. tornés.
Item costet lo chamnhes de las dichas XV ll. e de las dichas XXV ll. : XL s. tornés.
Item prestet hòm a Guilhamòt, qui anet am lo dich Arnaut de Rodes : VIII s. tornés.
Item ac hòm de R. de Bernardó una cayscha en qué portet hòm las letras del fach del comte a Arnaut de Rodes a París : II s.
Item tramés la viela al dich Arnaut un macip, que no se agés[10] ges merevilhas quar no li trametia hòm de l’argen, e baylet hòm al dich macip per sabbatas e per mecieu de bocha a anar y a venir de París : XLII s. II d. tornés.
Item per una bóstia a metre letras que portet lo dich macip : IIII d.
Item baylet hòm al dich macips, per XVIII jorns que estet al anar e al venir de París, per son salari : XII s.
Item costet lo chamnhes daus XLII s. : XVI d.
Item, lo dissabde après Pasques, tramés la viela al Arnaut de Rodes a París, las quals[11] portet R. de Brunet filh d’En Steve Brunet : LX ll. tornés.
Item costet lo chamnhes : XXIII s. VI d.
Soma : VIXX XII ll. XI s. IIII d.
folio 14r (note postérieure : presens et ce qu’ils ont couté)
Ayssò qui s’ensec costeren prezens e autres servizis que hòm a fach a las assizas.
Item baylem, a la assiza que fo lo dissabde après la Sent Andrieu, en un sestier de sivada qui fo donat a Maytre Helias La Brugieyra : XVI s. V d.
Item a Maytre P. La Pòrta : XX s. – Item a Maytre Itier del Chastanet : XX s.
Item a Maytre Ay. Comte : X s. – Item a Maytre Johan Maymí : X s.
Item a Maytre P. Bernart : X s. – Item a Maytre B. Ortic : X s.
Itel al procurador dal rey donet hòm X ll. de [cera], e coleren : XXVII s. VI d.
Ayssò donet hòm a la assiza que fo apròp la Chandalor :
Item a maytre P. La Pòrta : XX s. – Item a Maytre Itier del Chastanet : XX s.
Item a Maytre Johan Maymí : X s.
Item donet hòm al seneschalc especis, e coleren : XXV s. VI d.
Item donet hòm li maychs VI conilhs e un auzel d’ayga, e colet : XIIII s.
Item donet hòm li maychs un sestier de sivada, e fo de Itier de Chatuel, e colet : XVI s.
Item donet hòm li maychs III sestiers e VI pintas de vi, e colava lo sestier V s., e monta se : XVI s. III d.
Soma que se monta ayssò que hòm a donat al seneschalc : LXXI s. III d.
Soma : XII ll. V s. II d.
folio 14v
Item a Maytre Helias La Brugieyra donet hòm en aquela meyscha assiza un sestier de sivada, e fo de Helias de Belcier, e colet : XIX s.
Item donet hòm a Maytre B. Ortic, per trabalh e per escripturas que fetz en aquela assiza : XX s.
Item donet hòm a Maytre Adam IIII reyals, qui se monteren : IIII ll. XV d.
Item baylem a Helias Boní per seylar letras e mandamens : XIII s. IIII d.
Item baylet hòm a P. Gerrel per seylar letras : X s.
Item a Maytre W. de La Garriga fet hòm prezen de especis e de vi, e colet : XIII s. III d.
Item donet hòm a Maytre P. La Pòrta IIII bóstias de especis, e coleren XXVII s. ‘y a Maytre Itier del Chastanet’ (rajouté au-dessous)
Item donet hòm al procurador del rey VIII ll. de cera, e coleren : XXII s. VIII d.
Ayssò donet hòm a la assiza que fo avan lo Rampalm :
Item donet hòm al seneschalc V sestiers de vi, e costet VI s. lo sestier, soma : XXX s.
Item donet hòm li maychs un sestier de sivada, e colet : XVIII s.
Item donet hòm al jutge un sestier de sivada, e colet : XVIII s.
Soma : XIII ll. XII s. VI d.
folio 15r
Item en aquela meyscha assiza donet hòm a Maytre P. La Pòrta : XX s.
Item a Maytre Itier de Chastanet : XX s. – Item a Maytre Johan Maymí : X s.
Item a Maytre Ay. Comte : X s. – Item a maytre B. Ortic : X s.
Item per una letra que fo facha del fach de Presegier : II s. VI d.
Ayssò donet hòm a la assiza que fo avan la Panthacòsta :
Item donet hòm a Maytre Itier del Chastanet, per lo trabalh que fetz a la dicha assiza, e que avia fach davan per lo fach de chapitre, que·lh portet Helias Boní : L s.
Item a Maytre Helias de La Brugieyra donet hòm un sestier de sivada, e colet : XIIII s. X d.
Item donet hòm li maychs II chabritz, qui costeren : VII s. VI d.
Item donet hòm a Maytre P. La Pòrta : XL s. – Item a Maytre B. Ortic : XX s.
Item baylem per copiar las razós e los articgles de chapitre : II s. VI d.
Item per una acta que hòm ac dal seneschalc dal fach dal filh de Helias de París : XII d.
Item per una clavadura que fo messa an l’eytatga de Helias Martí, ont hòm met los gatges de la viela : XVIII d.
Item la apellacieu que fetz Ferratz, la quals fo portada a Mossen B. Girvay, colet : VI s. III d.
Soma : X ll. XVI s. I d.
folio 15v
Item per copiar las razós e los articgles, li qual eran estat copiat autra vetz : II s. III d.
‘que copiet lo filh de R. de Bru’ (rajouté au-dessous)
Item colet papiers a uòp de copiar las razós e los articgles : VIII d.
Item per far la apellacio de Ferrat, que fetz Maytre G. Faure, ac ne : II s.
Ayssò donet hòm a la assiza que fo a la Sen Esteve d’aut :
Item donet hòm al seneschalc y al jutge II sestiers de sivada, qui foren de P. de Rambert, e coleren am lo portar, entre tot : XX s. X d.
Item donet hòm maysch al seneschalc dal vi, e colet : XXII s. VI d.
Ayssò donet hòm a la assiza que fo après la Sen Michel :
Item donet hòm al jutge un sestier de sivada, e colet : XIII s. II d.
Soma : LXVI s. V d.
folio 16r (note postériere : la charité du mardi gras)
Ayssò colet la charitat del bacó.
Item compret hòm al merchat [.]LI pòrc, qui coleren de levada : XLVIII ll. VIII s. VI d.
Item ac hòm un latz per donar a paubra gen vergonhoza de per la viela, e compret hòm lo de P. Albà, e colet : XV s.
Item li denier Dieu qui foren baylat aus pòrcs comprar, e per regardar si eran sa, e per II tròyas salar, las quals la viela avia devès si, ostra los pòrcs avan dichs, costet : VI s. IIII d.
Item IX charpentiers e IIII hòme qui porteren la fusta, per far la claugó, al Dimart Lardier, al cossolat e entorn lo coderc, coleren : XI s. VIII d.
Item a P. Albà mazelier, per peciar la charn al Dimartz Lardier, y a III hòmes qui li aüdaven a peciar, e trigeren y II jorns, dec hòm : XIIII s. VI d.
Item per la galina e peus devers daus trompadors : XII d.
Item a l’hòme qui portet lo bacó al prat : II d.
Item a la Menudas, quar no y avia de la charn que hòm lor donès, donet hòm per amor de Dieu : V s.
Item a Helias Boní, per logier de las cubas ont hòm salet la charn de la charitat dal bacó, baylet hòm : XX s.
Item a Marcafava, per far la claugó, al Dimartz Gras, al prat quan las femnas corregen : V s.
Item lo màyer e li cossol, e li hòme qui peciavan la charn, e li charpentier, e li hòme qui la aüdavan a donar, despenderen en pa e en vi e en charn : LII s. VII d.
Soma : LV ll. IIII s. X d.
folio 16v (note postérieure : charité de la pentecote)
Ayssò colet la charitat de la Penthecòsta.
Item ac hòm L sestiers de fromen, XXX de Helias Seguí e XX de l’hostal de Chambarlhac, pel fòrs[12] de XVII s. lo sestier, e monten se : XLII ll. X s.
Item paget hòm en pa : XXXVII ll. VI s. XI d.
Item ac hòm dal pa de las pestoressas, quar sofranhia lo pa, a la montansa : XI ll. X s.
Item ac hòm de Maria de Setz Fons en pa, par[13] lo pa desús dich, : X ll. VIII s. VI d.
Item baylem, a la dicha charitat, a Helias Boní per comprar del pa e de la charn e de vi a aqueus qui donavan la almòna, e lo dich Helias Boní redet comte ont o avia mes : XL s.
Item en dimieya ma de papier que fo portada al prat per escrieure aqueus qui pagavan : IX d.
Item lo màyer e li cossol e aquilh qui gardavan lo pa en la maygó despenderen en vi : II s. II d.
Item en garlandas de ròzas : XXIII d.
Item a XII hòmes qui gardavan lo pa entorn las ribas per que la gens no y tornessan : VI s.
Item a IX sirvens, quar no y avia del pa que hòm lor donès, det hòm : IX s.
Item aus trompadors II s., e per sivada XII d., soma que agen : III s.
Item Steve Boní e P. Boní, qui gardavan la petita pòrta, agen : II s.
Soma : CV ll. III d.
folio 17r
Item a Helias Faure lo charpentier, per far la claugó de las III pòrtas : XXV s.
Item aus Frayres Menors, quar no y avia dal pa que hòm lor donès, det hòm : X s.
Item a las Menudas : V s. – Item aus Prezicadors : X s.
Item a IIII hòmes qui gardavan e aüdavan a donar, los quals y mes Johan de Margòt : II s.
Item a P. Comte y a son filh, quar avian maychs trabalhat que negús de totz los autres, donet hòm : V s.
Item a Helias de Javarzac, qui aüdet a donar la charitat, lo quals es clercs de Johan de Chaumon : II s. VI d.
Soma : LIX s. VI d.
folio 19r (17v, 18r, 18v blancs) (note postérieure : dettes qu’on a payé)
Ayssò avem pagat peus deptes que devia la viela de temps passat.
Item P. de Melòya avia una letra que contenia que la viela li devia C s., e lo màyer e li cossol doptavan que fos pagatz, e cobreren la letra, e donet hòm li : III s.
Item a Maytre P. Lo Picart devia hòm, per regardar los murs de la viela e de aqueus qui s’i aprondavan : X s.
Item a W. de Bòrn devia la viela, dal temps qu’En Augier de Campanha era màyer, e avia ne letra seylada dal sel de la viela, e cobret hòm la letra, e ac ne : XX s.
Item Helias Vaus avia una letra seylada dal sel de la viela, que contenia que la viela li devia C s., e paget hòm li, e cobret hòm la letra, : XXXV s.
Item N’Helias Gelat, filh qui fo d’En W., avia una letra seylada dal sel de la viela, que contenia que la viela li devia C (s.[14]) tornés, e cobret hòm la letra e paget hòm li : XLV s.
Item En P. de Balhó avia una letra seylada dal sel de la viela, que contenia que la viela li devia X ll., e paget hòm li las dichas : X ll.
Item paget hòm li maych, per mecieus las quals n’avia fachas, : V s.
Item pagen hòm a‘N W. Demier, los quals avia pagat el a’N W. del Puey a cui la viela los devia, e el era ne obligatz coma cossol, e li quals restavan a pagar al dich En W. del Puey de mayor soma : VII s. VI d.
Soma : XVI ll. V s. VI d.
folio 19v
Item li heretier de Maytre B. Requiran avian IIII letras que eran seyladas, las II dal gran sel de la viela, e las autras II dal petit sel, las quals contenian entre tot que la viela devia al dich Maytre B. quant vivia LI ll. [.] s., e cobret hòm las letras e paget hòm lor : LX s. tornés.
Item li heretier de Arnaut Chatuel avian letra, la qual contenia que la viela devia al dich Arnaut quant vivia LXIIII ll. VIII s. tornés, e de la dicha soma hòm lor (a) pagat : XXXIII. ll. XII s. tornés,
sò es assaber : XXIIII ll. de pergozís en las vinhas que foren de Arnaut Salvatge e de sa molher, qui las avian layschadas a la viela e en gatges li qual eran de la viela dal talh, VI ll. XVII s. de pergozís en rebatemen de moneda, e en rayratges los quals devian a la viela XI ll. III s. pergozís ; e finet hòm am lor que resta que hòm lor deu entre totas chauzas que la viela lor degés per nom de lor payr ni en autra manieyra : XXX ll. VI s. tornés, e de aquesta finansa estan ne letras, las quals receup Helias de Jaucelm.
Soma : XLV ll. XV s.
folio 20r
Item paget hòm a Maytre P. La Viela, los quals el avia pagat a’N W. dal Puey, al qual la viela los devia dal temps que lo dich Maytre P. era cossol, e el era ne obligatz coma cossol, e li qual restavan a pagar al dic En W. de mayor soma : VII s. VI d.
Item paget hòm a Helias Giraudó, los quals el avia pagat a’N W. del Puey, al qual la viela los devia dal temps que lo dich Helias era cossol, e el era ne obligatz coma cossol, e li qual restavan a pagar al dich En W. de mayor soma : VII s. VI d.
Item en mecieus que n’avia fach contra lo dich Helias : V d.
Item avem pagat a Maytre R. de Bru jutge, que li devia hòm de l’an de avan : C s.
Item pagem a Helias Seguí, que·lh devia hòm del cossolat de l’an d’avan : VII ll. XVI s.
Item paget hòm a’N P. Garrel, per un debte que la vila li devia : XVIII ll.
Item pagem a Johan de Chaumon, que·lh devia hòm per la anada de París quant lo comte fetz citar los singulars, y avia ne letra : C e XV s.
Soma : XXXVII ll. VI s. V d.
folio 20v
Item baylet hòm a’N Helias Gelat mayor, en depozit per comprar una eymina de fromen de renda, la qual eymina fo donada a la charitat de la Penthecòsta peus hordeniers de Helias de Vitrac, al qual era deguda per Helias de Vernhas, y avia y recors, lo qual recors fo cobrat per la ma de P. de Grosset per lo pretz de C s., e baylet hòm al dich Ne Helias Gelat, per la ma del comtador, per comprar la dicha eymina de fromen de renda, los dichs : C s.
Soma : C s.
folio 22r (folio 21r, v blancs) (note postérieure : réparations)
Ayssò avem pagat en òbras de la viela.
Item al pas daus Pontelhs adobar, costet chaus e traus, am las bèstias que la aportavan : XX s. X d.
Item a W. de Vieuleta y a B. de Boyschorn y a B. de Ventat y a Felipòt peyriers, per IIII jorns que obreren al dich pas : XL s.
Item a W. Mercier colier, per IIII jorns que servit los dichs peyriers de chaus e de grava : V s.
Item a G. Cotinat y a [..]yrel y a W. de Pon[to]yza, per IIII jorns que esteren a talhar la ròcha del chamí : XVII s.
Item costaren li ferramen de logier : lo malh e la barra e las saytas : II s. IIII d.
Item lo faure qui fazia las ponchas aus peyriers ac : VI d.
Item, per los despens de la manòbra de VI jorns, en pa e en vi, baylem : XLVIII s. IIII d.
Item costet manòbra de hòmes e de femnas que loget hòm : XXVIII s. VIII d.
Item a B. de Lac Roch, pel logier de la soa bèstia : III s.
Item a Bòs de Merlí, pel logier de sa bèstia : XII d.
Item a Johan La Grava per lo logier de sa bèstia : II s.
Item a P. Chabròl pel logier de sa bèstia : III s. VI d.
Item a Vidal y a Moyschet, sobre lor salari prestet hòm II s. X d.
Item aus dichs Vidal y a Steve Moyschet paget hòm maych per lor salari : X s.
Soma : [IX] ll. X s.
folio 22v
Item adobet hòm las forchas que se layschavan chayre, y ausset hòm las pielas, e baylet hòm per XXII jornals de peyriers : LVII s. – Item per IIII saumadas de chaus : X s.
Item XXXVII jornals de charpentiers costeren : XVII s.
Item a Helias Pinsó baylem, per sos jornals de si e de so filh, e pel logier dal martinet e pel trau : XLVII s. – Item al charretier qui amenet lo trau : X s.
Item costeren VII jornals de bèstias per portar la grava e la chaus : XIIII s.
Item a la manòbra y aus fayschilhiers qui porteren la fusta, y aus hòmes qui feren y adoberen lo chamí per unt passet la charreta que aportet lo trau, e per talhar lo boyschó d’entorn las forchas, e per tornar los hòmes[15] en las forchas, los quals n’avia hòms mogut, e per servir los dichs peyriers e charpentiers qui fazian la òbra : LXX s. V d.
Item costet pas e vis e charn a uòps daus dichs obriers, per la lor mecieu : LIII s. IX d.
Item ac hòm maysch V saumadas de chaus, par[16] las IIII desús dichas, e coleren : XII s. VI d.
Item en III jaletz a portar lo bart : II s.
Item a Ayla de Claret, per logier de la fusta am qué hòm fetz las ars, e per la fusta que hòm li peciet : X s.
Soma : XVII ll. III s. VIII d.
folio 23r (note postérieure : salaires payés)
Ayssò qui s’ensec a eytat[17] pagat per salaris.
Item a Maytre R. de Bru jutge : XXIX ll. – Item al mayor : L ll.
Item a P. Gerrel contracomtador, per tener lo contracomte : C s.
Item a Helias Giraudó comtador, per IIC ll. las quals avia prestadas tot l’an a las necessitatz de la viela, lo màyer e li cossol, pel destric de sos deniers, los quals agra esmersat e n’agra fach son profiech, doneren : XXV ll.
Item al dich Helias Giraudó, per tener lo comte de la viela de tot l’an : X ll.
Item a B. de Margòt, per pezar lo pa : LV s.
Item a maytre P. de Mercier, per tener lo comte dal mespés del pa : XXX s.
Item a maytre P. La Viela, qui tenia lo sel de la viela am qué hòm seyla los contreamens[18] : X s.
Item a Helias Boní, pel trabalh que fay a levar las rendas de la viela de la charitat de la Penthecòsta y a las autras cochas : XIIII ll. VI d.
Item al bayle dal rey, peus trabalhs e per las exsequcious que avia fach per la viela : XIII ll. III s.
Soma : VIIXX X ll. XVIII s. VI d.
folio 23v
Item Arnaut de Rodes e Helias La Pòrta aneren a París per la viela per alcunas cochas las quals la viela y avia, e partiren de esta vila lo dilús avan la Sancta Katerina, e esteren XXXIII jorns que a anar que a venir que a eytar lay, e baylet hòm a chascú de lor per lor salari XVI ll. X s. ; soma que agen entre tot : XXXIII ll.
Item Arnaut de Rodes fetz autre viatge a París pel jorn que la viela avia am lo comte, e per autres negòcis que la viela y avia a delhieuras[19] ; e tenc via lo divendres après la Sen Gregòri, e menet am si II macips, e estet que a anar que a venir que a eytar lay CX VII jorns ; e paget hòm li per son salari : LVIII ll. X s.
Item a Maytre P. Mercier, procurador de la viela : VII ll. X s. per son salari.
Item, per escrieure los comtes, e fetz hòm ne IIII, daus quals ac I lo màyer, e l’autre fo mes en cossolat, e l’autre ac lo comtadres, e l’autre ac lo contracomtadres, aus quals comtes a hòm mes ayssò que hòm a pres e baylat per nom de la viela, : L s.
Item a Maytre Johan dal Pon, qui fo jutges de cossolat après la mòrt de Maytre R. de Bru : VI ll.
Soma : C VII ll. X s.
folio 24r
Item a W. Bulhfarina, qui avia trabalhat per regardar los comtes daus despens que hòm avia fach pel plach que hòm avia am Mossen Archambaut, e per far lo eventari daus bes qui foren de la molher de P. d’Arragó : XXX s.
Soma : XXX s.
Soma que se monten las baylas : [ trou ] IIII ll. XV s. VI d.
(Cahier tête-bèche, numérotation inversée - folios 24v, 25r blancs, 25v-27r manquent)
folio 34v
Ayssò avem receubut de las acessas de la viela
Item de B. Raymon per la guarda dal blat e per las panatarias : XXXII lb.
Item de Na Ayba de Las Fargas per las bladarias : XXIIII lb.
Item de Hel. Seguí per las mezuras dal vi : XIX lb.
Item del dich Hel. per lo talh [... ... ...][20] de fòra : XLII lb.
Item de B. de Rambert per las mezuras de l’òli, ‘e per la pòrta del guischet la qual fo mesa a III s., monta se entre tot’ : XVII lb. IIII d.
Item de W. Demier per las mezuras de las notz : VI lb.
Item Amanieu de Gregòri pel gròs pes : XVI lb.
Item de P. Brunet per lo mespés dal pa : LXVI lb. XIII s. IIII d.
Item dal dich P. Brunet per las mealhas daus III pes de l’Arsaut e de Sen Fron e de la Agulharia : XXI lb. X s. IIII d.
Soma : XIXX XIII [lb.] IIII s. IIII d.
folio 34r (note post. Trente quatrième et dernier feuillet M. H.)
Item per las mealhas dal pes de la Albergaria, de G. Teyschendier : XXV s.
Item per l’enquant, de P. Boní : C e X s.
Item per la pòrta daus Plantiers, de Hel. Chaumart : XLIII s. IIII d.
Item per la pòrta Agulharia, de P. Mercier : XXXIIII s. IIII d.
Item per la pòrta Albergaria, de P. de Monge : LXIII s. IIII d.
Item per l’emolumen daus mazeus de las [plassas] de fòra los murs, de [..] Barbarí : LXVII s.
Item per las deffalhas de cossolat, de P. Boní : VIII lb. VI s. VIII d.
Item de P. Giraudó pel cot : X lb.
Item ac hòm per la escrivania de cossolat, de Hel. de Jaucelm : IX lb.
Soma : XLIIII lb. IX s. VIII d.
folio 33v
Ayssò que s’ensec avem receubut dal faymidrech e de las debtas de la viela.
P. Faure de Sen Silà paget per una esmenda la quals es escrieuta al papier de cossolat : V s
Item P. dal Verdier de Sent Hylari per una eymina de fromen la qual I hòms avia layschada sobre una maygó soa : X s.
Item daus deniers Dieu qui foren gitat a las acessas de la viela ac hòm : XI s.
Item Hel. de La Boria filh qui fo de [Ar.] paget per II esmendas las quals son escrieutas al papier de cossolat : IIII lb.
Item Hel. de Vaus laboradres paget per una esmenda en la quals sos filh fo mes, la quals es escrieuta al papier de cossolat : XX lb.
Item Hel. de La Fon paget per una esmenda la quals es escrieuta al papier de cossolat : XL s.
Item Hel. lo boyer de G. Polí de Chamsavinel paget per una esmenda la qual aportet Vidal lo sirvens, la quals es escrieuta al papier de cossolat, III s., e Vidal ac ne XII d., resta a la viela : II s.
Item Hel. La Baylia, per una esmenda la quals es escrieuta al papier de cossolat : X s.
Item Ar. Chavalier sudor dal Pon paget per una esmenda la quals es escrieuta al papier de cossolat : X s.
Item una espaza que fo de B. Archambaut fo venduda, e ac hòm ne : VI s. VI d.
Soma : XXVIII lb. XIIII s. VI d.
folio 33r
Item G. La Vayschieyra filh de Maria de Set Fons paget per una esmenda la quals es escrieuta al papier de cossolat : XXV lb.
Item P. Comte paget per una esmenda la quals es escrieuta al papier de cossolat : X s.
Item Katerina la regratieyra paget per una esmenda la quals es escrieuta al papier de cossolat : V s.
Item daus cossols de la Ciptat per alqús despens que la viela avia fach a París per la communa ac hòm per la[21] de Aymar [Gualbert] : VII lb. X s.
Item Ayba de Barraut paget per una esmenda la quals es escrieuta al papier de cossolat : V s.
Item Ar. Chabròl peyschonier paget per una esmenda la quals es escrieuta al papier de cossolat : X s.
Item P. dal Verdier de Sent Hylari paget per una esmenda la quals es escrieuta al papier de cossolat : XX s.
Item la molher de P. de Clautras paget per una esmenda la qual aportet Ar. lo trompador, la quals es escrieuta al papier de cossolat : X s., e lo dich Ar. ac ne III s. IIII d., resta a la viela : VI s. VIII d.
Item lo macip que hòm tramés a Ar. de Rodes a París tornet : V s.
Item P. Boní vendet gatges qui foren de un hòme que hòm apelave P. d’Arragó de Brauch, e ac hòm ne : XIII s.
Item baylet hòm al dich P. Boní gatges qui eran dal talh de la viela, li qual eran en la maygó de [Com.] de Giraudó, e ac hòm ne : IIII lb. X s.
Soma : XLI lb. IIII s. VIII d.
folio 32v
Item baylet hòm a P. Boní gatges qui erande viela, e ac hòm ne : XXVI s.
Item lo màyer e li cossol feren vendre lo rocí qui fo de Bertran de Marcilhac, e ac hòm ne de R. filh d’En Hel. Gelat : LII s.
Item trobet hòm un rocí a l’hespital de l’Arsaut, e lo màyer e li cossol feren lo vendre, e ac hòm ne : XIIII s.
Item ac hòm de Girauda Pinela qui fo preza en avolteri am Maytre P. Lo Petit, e el era clerc, e ac hòm de la femna LX s. I d., e li sirven agen ne XX s., resta a la viela : XL s. I d.
Item de W. de La Rossia per una quartieyra de notz qui era de Charradó, lo quals era arrestat en cossolat, ac hòm : IIII s. VI d.
Item de la Seleyròla pestoressa ac hòm per una esmenda la quals es escrieuta al papier de cossolat : LX s.
Item St. dal Potz mazelier paget per una esmenda la quals es escrieuta al papier de cossolat V s., e Ay. de Sudor aportet la e ac ne XX d., resta a la viela : III s. IIII d.
Item ac hòm de la maygó que fo de St. de Salvatge qui la avia layschada a la viela, e fo baylada a Maytre R. de Bru per lo pretz de : C s.
Soma : XIIII lb. XIX s. XI d.
folio 32r
Item Ahelias Abelhieyra pestoressa pager per una esmenda la quals es escrieuta al papier de cossolat : LX s.
Item Hel. [Raubelí] paget per una esmenda la quals es escrieuta al papier de cossolat : LX s.
Item Jacmes de [Verthamó] paget per una esmenda la quals es escrieuta al papier de cossolat : V s.
Item Ahelias del Chastanet pestoressa paget per una esmenda la quals es escrieuta al papier de cossolat : LX s.
Item Baffetz paget per una esmenda la quals es escrieuta al papier de cossolat : XX s.
Item W. de Bòrn paget per una esmenda la quals es escrieuta al papier de cossolat : XX s.
Item Guis Maurel fo pres am una femna en avolteri, la qual avia nom Ayba molher de Johan Lo Bretó, e la femna corret e lo dich Guis paget LX s. I d., e li sirven aguen ne XX s., rets a la viela : XL s. I d.
Item Itier de Mòrtamar paget dal talh d’antan de la quartiera dal Pon : XXX s.
Item Joh. La Mota apelat Punh en [. trou .] paget per una esmenda la quals es escrieuta al papier de cossolat : VII s. VI d.
Soma : XV lb. II s. VII d.
folio 31v
Item lo màyer e li cossol feren vendre gatges qui foren de una femna qui avia nom Guilhòta, la qual trobet hòm mòrta, y ac hòm ne : XX s.
Item ac hòm de una femna que avia nom Ahota, que fo preza en avolteri am los sirvens daus tezauriers, e ilh eran clerc, e la femna paget LX s. I d., e li sirven aguen ne XX s., resta a la viela : XL s. I d.
Item ac hòm de gatges qui foren baylat a P. Boní qui eran de Bertran de Marcilhac, de una espaza e de unas chambieyras e d’autres gatges : XXXIX s. VIII d.
Item R. de Chambari de Sent Hylari paget per una esmenda la quals es escrieuta al papier de cossolat : V s.
Item de Hel. dal Solier ac hòm a adobar lo pas daus Pontelhs, per una esmenda : LX s.
Item Ar. dal Silhet per una esmenda la quals es escrieuta al papier de cossolat : XXX s.
Item ac hòm de Hel. de Vernhat, per una eymina de fromen de renda, la qual li exsequdor de Hel. de Vitrac doneren a la charitat de la Penthecòsta, y avia y recors, per razó del quel recors paget per la ma de P. de Grosset : C s.
Item Girauda Taluffa per una esmenda la quals es escrieuta al papier de cossolat : LX s.
Soma : XVII lb. IIII s. IX d.
folio 31r
Item Ar del Herm paget per una esmenda la quals es escrieuta al papier de cossolat : IIII s.
Item Bernarda de La Grelieyra paget per una esmenda la quals es escrieuta al papier de cossolat : II s. VI d.
Item de una pòrta vielha que era dal portal daus Plantiers de la barbacana ac hòm : V s. II d.
Item del emolumen del seel de la viela am qué seyla hòm las letras daus contreamens, lo qual tenia Maytre P. La Viela, ac hòm : XLVII s. VII d. tornés.
Item Johan de Samatiàs paget per una esmenda la quals es escrieuta al papier de cossolat : V s.
Item Maria de Bichiró paget, los quals devia dal talh d’antan : III s. VI d.
Item B. de Margòt, de ayssò que avia [ trous] sayque a la Sen Martí daus hòmes de fòra qui vendian vi al borc de Sen Hylari, baylet : XI s. VI d.
Item P. [Bochola] per una esmenda la quals es escrieuta al papier de cossolat, paget : XX s.
Item ac hòm de urdilha que avia en cossolat, la qual compret Hel. Boní : XXII s. VI d.
Item de Hel. Colhó per lo talh de la Tornapicha ac hòm : XVI s.
Item lo filh de B. de Lac Roch paget per una esmenda la quals es escrieuta al papier de cossolat : LX s.
Soma : IX lb. XVII s. IX d.
folio 30r
Item Ar. de Rodes tramés la viela a París per lo jorn que la viela avia a París am lo Comte e per autras cochas que la viela avia a París, e tenc via lo dimercres après la Sen Gregòri e menet II macips am si, e baylet hòm li peus despens de si e de sos macips e de son rocí XV lb. tornés, e a Maytre Mayeu y a Joh. [Diugens] procurador de la viela porte[22] maych per lor salari XXV lb. tornés. Item tramez òm maych al dich Ar. LX lb. de tornés, las quals li aportet R. de Brunet, e de aquestas somas desús dichas lo dich Ar. redet comte que avia pagat e mes en CXVII jorns que avia estat que a anar que a venir que a·ytar[23] lay, fòrs mecieus de bocha de si e de son rocí e de sos macips, so es assaber am las dichas XXV lb. daus II procuradors y’am[24] lo logier de hostal L lb. XII s. IX d. tornés, e XXVI lb. III d. tornés en mecieus de bocha de si e de sos II macips e de son rocí, e redet comte que el avia sobre, per las quals li rebatet hòm en sos gatges, : XXIII lb. VII s. tornés.
Item ac hòm de las vinhas que foren de Ar. de Salvatge e de sa molher, las quals avian layschat a la viela : XXIIII lb.
Item ac hòm daus heretiers de Ar. Chatuel e de Na Peyronela de Landric lor mayr, tant en rebatemen de moneda dau debte al qual la viela lor era tenguda quant en rayratges los quals ilh devian a la viela : XI lb. III s.
Item ac h`om de Maria de Combas per una eymenda la quals es escrieuta al papier de cossolat : LX s.
Item ac hòm de gatges de la viela, li qual foren baylat a·N P. Garrel e li qual eran dal talh : V[trou] lb.
Soma : LXXIII lb. VI s. IX d.
folio 29v
Ayssò avem receubut de las II charitatz
Item avem receubut de la charitat dal bacó, per la ma de Robert de Rambert XI lb. VIII s. Item daus heretiers qui foren de la molher P. d’Arragó XL lb. las quals doneren a la dicha charitat. Item daus heretiers qui foren de R. de Queyrel que doneren li dich heretier a la dicha charitat VI lb. Soma que avem receubut de la dicha charitat, tant en paga quant en las donas daus dich heretiers e en las dichas XI lb. VIII s. desús dichas, son LVII lb. VIII s., enclauzas III lb. II s. las quals ac hòm de las ischizós daus pòrcs.
Item avem receubut de la charitat de la Penthecòsta , dal jorn de la Penthecòsta say que al jorn d’uey, que en pa que en deniers : IIIXX XII lb. II s. VII d.
Item cobret hòm de penhoraduras las quals eran fachas per las charitats : VII s. II d.
Soma : VIIXX IX lb. XVII s. Ix d.
folio 28r (29r, 28v blanc)
Item avem receubut de P. de Brunet e de R. de Cortés e de Johan de Sarlat pel fach de las bostias las quals ilh avian acessat daus cossols qui eran l’an d’avan : XIXX VIII lb. II s. VI d.
Ayssò avem receubut daus beuratges d’aqueus qui acesseren las acessas de la viela :
G. de Maytre Peyr : XV d. – Hel. de Chaumart : II s. VI d. – P. de Monge : II s. VI d. – Hel. de Jaucelm : V s. – Amanieu de Gregòri : XX s. – Ayba de Las Fargas : XV s. – W. Barbarí mazelier : II s. VI d. – W. de [.trou.] : VII s. VI d. – B. Raymon : XV s. – P. de Brunet e R. de Cortés : XL s. – B. de Rambert : V s. – Hel. Seguí : XXV s.
Soma : XIXX XV lb. III s. IX d.
folio 27v
Soma que se monten las prezas : IXC IIII lb. XIII s. V d.
fin du registre
[1]- incohérent, p. : la filha d’En Sicart.. que fet amonestar los cossols…
[2]- tournure peu claire : s’agit-il du macip de Robert Nadal , ou de R. Nadal lui-même qualifié de macip (en tant que sirven du consulat,) ? Deux ans plus tôt (CC 50), il avait été enquestionat, et dans les articles suivants, c’est bien lui-même qui est emprisonné…
[3]- faut-il comprendre : la apellacion de B. qui fo levada , ou : qui fo levada de B., et sens ici de levar ?
[4]- le sens de vol ne fait pas de doute, mais cette forme s’explique mal : -ey note-t-il la réalisation locale [ej] de –er final, d’un infinitif substantivé *rauber, influencé par un bas-latin *rape#re ? (Lévy donne une var. raubir, d’un bas-latin *rapire)
[5]- ou Branch ?
[6]- vis : cas sujet ; colet vis = le vin a coûté
[7]- certains des revenus affermés compris dans les bòstias
[8]- seyscho- cacogr. p. soysche-, -sch- note la palat. de /s/, pour °soiceben, parfait 3p de °soicebre = emprunter
[9]- Roger- Bernard, qui vient de succéder à son frère Archambaut IV
[10] - sujet Arnaut, non le macip
[11]- représentent les LX ll. tornés.
[12]- -s m. orth. p. fòr = prix, cours (confusion avec fòrs adv = dehors)
[13]- m. orth. pour part pris comme prép = à part, excepté, outre
[14]- oublié…
[15]- les pendus qui y étaient, qu’on a enlevés pour réparer le gibet.
[16]- mauv. orth. pour part prépos. = outre, en sus de
[17]- msc : aytat contract. de a eytat, ey- notant la réal. loc. de es devant consonne ; l’auxiliare avec estat est régulièrement es estat.
[18]- ss doute p. contraiamen , réal. loc. de °contrariament = opposition
[19]- incorrect p. a delhieurar
[21]- sans doute mot oublié : per la ma de...
[22]- sans doute pour portet (oubli ou transcript. phonet. de l’amuissement de -t final...)
[23]- contract. de a eytar , ey- note la réalis. locale de es- devant consonne.
[24]- contract de e am