<<Retour

Source: Bulletin SHAP, tome X (1883), pp. 154-165.

 

TROIS CHARTES LIMOUSINES CONCERNANT LE NONTRONNAIS (XIIe ET XIIIe SIÈCLES).

 

Parmi les nombreux documents intéressant le Nontronnais qui sont conservés aux Archives des Basses-Pyrénées, l'inventaire sommaire de ces archives en désigne deux seulement — sauf erreur de ma part — comme rédigés en langue d'oc[1]. Ce sont ceux qui sont cotés E. 747 et E. 748, et qui sont publiés ci-après sous les n°s I et II. Des recherches faites dans les cartons qui forment la suite de la série E en ont fait découvrir un troisième au milieu d'actes en latin réunis sous la cote E. 800. C'est celui que je publie sous le n° III.

Je dois la copie de ces documents à mon ami A. Boucherie. M. L. Flourac, archiviste des Basses-Pyrénées, a bien voulu, à ma prière, revoir une épreuve sur les originaux. Ce sont là, pour mon texte, des garanties d'exactitude sur lesquelles il n'est pas besoin d'insister.

De ces trois pièces, les deux dernières seules sont inédites. La première, qui est de beaucoup la plus importante, surtout au point de vue linguistique, a déjà été publiée, il y a une quinzaine d'années, dans les Archives historiques de la Gironde, tome X, p. 594, mais de façon à ne pas en rendre inutile une nouvelle édition. Il était d'ailleurs nécessaire de la reproduire ici, afin que le lecteur eût à la fois sous les yeux tous les textes qui servent de base à l'étude philologique, qui est le principal objet de cette publication.

Camille Chabaneau.

I

CENSIER DE CLAREUIL (E 747) [2].

Sancti Spiritus adsit nobis gracia.

Hec carta est de la terra et de las rendas et deus bocs et deus fevatges

que il de Clarol an en Peiregorc.

La ochena part de la desma de la parrofia de Si Prieth, que Helias Ses-

5    chal de Beus Plas recep, es lor : de blat et de lana et de galinas, et no la

an d'ome si de lor linatge no ; et lo Seschalx reconoc lor o en Salinor,

auvent nun Guio deu Barri et G. Gau et He. Bernat et Be. deu Brol et so

fil meeis. E eus mas de las Bordas, dejosta Foeu en la parrofia de Firbes,

an IIII. s. de civada de ces ; et en las vinadas de Born, en la part He. de

10  Malmont, de Chaslut, au tres mois de vi quant que n'i aia, e deu los redre

lo linatges Ramnolf Marbos o cel qui recebria la part ne Helias de Malmont.

Et eu mas deu Poi a Pansols XII. d. de ces ; et XII. d. en la borja Co-

savi ; et es lor lo mas au Lonc de Bria, qui es en la parrofia de Champa-

gnac, et deven aver tot quant n'eis ; et deu esser lor la tenesos aut Cha-

15  vasols deu mas deu Merchat de Chaslut ; e il deven esser lor ome e lor

servisi far ; et deven aver III. sols en la part Elias de Malmont deu pas-

cher de Bainac, quant quen'i aia.

Aiso lor reconoc He. de Malmont, lor oncles, eu mal de que murit, quant

il lo rasoneren de la frairescha lor mair, que devien aver, et el coman-

20  det que aguesen aiso en pat, auvent P. de Malmont de Brusac et A. de

Noseiras d'Aissa et sos fils et sos omes. E es lor lo mas de las Chesas

de Milac, en alo et en domengadura, et se i una partida deu bore de Mi-

lac, et es chap de lor terra et lor estatga, et a lor bailes, et a lor sirvens,

et a lor omes ; et es lor gaanaria ; e no i deu om retener si ortals et mai-

25  namens, o feus non es, si il gaanar o volen ; et sil que en aquet mas esta-

ran deven lor talada et civada et servisi, a lor plaser ; et an las lor terras

a gaanar las unas a meitat, las autras a quart, las autras a quint, quant il

no las gaanaran. Et li Gaidenc sun lor ome litge, et lor baile, e lor forester,

et lor sirvent, e an a recebre los blat deus gaanadors, e fielment a portar

30  eu seler aut senors et non alors ; et an a levar los ces et las taladas deus

omes et an a comptar ab los senors et a redre, o ab lor mesatges ; et non

an re a retener, ni blat, ni deners, ni far contralia aut omes, ni querre per

forsa, si il o li senor de grat no lor o donaven, que la stiuv[o]tga e los feus n'an

alors, per que o deven far; et an los a recebre et a conrear ab lor compa-

35  nos onradamen lo premer jorn, quant il venran en la terra, de tot quant

obs lor aura, et lor mesatges, quant iran e quant ve[n]ran ; e an lor omes

a amar et a chaptener e a rasonar e tener ab eus, o que il los aen de totas

lor naugas. E tant cum li senor estaran en la terra, an lor a servir et a

manlevar et lor afar a far.

40    E aquet mas de las Chesas te de la una part de la uitsa de l'eggleiga

doscha que en la via qui vai ves lo Deves ; e de l'autra part doscha que

en la via qui vai ves la Salvania e vai doscha qua a la font deu Golomber ;

e sun en las terras de la Petinola doscha que eus box, e li prat e las vinas

deu claus deu Pescher. E an a Charreira II. sols de ces, a Nadal, et lor ta-

45  ladas e lor servisi de civada e dal, a lor plaser. La terra deu Chause, da-

van las Faurgas, es lor ; e P. deu Bordec deu lor en XII. d. de ces a la S.

Marti d'aquo qu'en te, e deu lor o tener vestit e redre las cosdumpnes deu

mas las Chesas de taladas e de civada e de servisis, e lo pluis deu Chause

bai[l]a om a gaan.

50    L'acessamens Godet deu XV. d. de ces a la S. Marti, e talada e civada e

servi[si].

Et G. Seguis deu IIII. d. de ces a la S. Marti de l'eschamne que ac per

la pleidura G. Davi.

55     E P. d'Aissa deu IIII. d. de l’ort G. Geissa a la S. Marti ;

Et en la teneso Albet XIIII. d. de ces, a la S. Marti, e talada, e civada,

e servisi ;

E en la teneso P. Tort XI. de ces, a la S. Marti, e talada e civada e ser-

visi ;

60    Et en la teneso Barriler IIII. de ces, a la S. Marti, e talada, e civada et

esplet ;

E P. d'Aissa es lor om et deu lor servisi cum a senors, et per las chau-

sas que a d'eus, et deu lor deu sol, e de la scura e de l'ort e d'u solar, qui

es dejosta, VIII. d. de ces, [li II. 1 a la S. Marti, li VI. a la Sant Johan ; e III.

65  d. de la maizo de la Peira ; et XII. deu chasal de la Rocha, a la S. Marti,

de ces ; e deu III. sols a la Sant Johan de loger deus prat Onrat e d'a-

queu de Columber e no i a tenguda ni …. eret, mas au plaser aut senors.

Li Gaidenc deven III. d. de ces de la maison Terrada qui fo P. Gimeu, e

an aqui la stiuvotga deu mas las Chezas, et deven XII. d. de la vina deu

70  claus deu Pescher e d'aquela de la Petinola.

La maizos P. de Guerra deu III. d. a la S. Michel e servisi.

La maizos a la fila Wilermus Salvan deu II. d. de ces a la S. Johan et servisi.

Lo solars Este de Laga deu IIII. d. de ces a la S. Marti, e servisi.

75  La …… chaprea deu VIIII. d. de ces, a capi de jun, e talada e civada

e esplet; e deu una emina de froment... portada de la cumba de Chantagreu.

E l'airal(a)s a las Seguinas deu VII. d. de ces a la S. Marti e talada e civada e esplet.

E l'airals Helias Davi autres VII. d. e talada e civada e esplet.

80    E l'airals Rotberto deu X. d. et talada e civada e esplet, e deu II. d. de la terra de la Rocha.

He. Deu Perer e Esteves de la Rocha deven XXII. d. la …. es et IIII.

gaus deus airals e deus autres acessamens que an, e talada e civada e esplet.

85  Li Doet an d'eus una pessa de terra la ostra josta lo semeteri, e deven en omenatge, et XII. d. d'achapte, e servisi.

P. Desmers lor deu II. sols d'achapte, e omenatge e servisi d'aquet feu.

Ba[i]les es de la Seguinea e de la Vernola ; es la stiuvotga sua, e a a levar

los quart e a portar eu seler de Clarol, e non alors ; e es bailes de

90  la lor part deus quart de Puigac e de Negrabola. E lo fils Wilermus

Rainau de Nontron a d'eus las doas part deu quart... mes dos mas.

E il an lo den Gaucelme de Milac e deven l'en V. sols d'achapte e re

pluis no. E lo fils Wilermus Ra.... vesat servir e audar a l'achapte redre.

De las autras terras que li senor de Glarol au per Manac... .ach deu

95  P. Desmers los gerbatges e lo vi levar d'aqui o vinas aura e redre fiel-

ment aut senors .... sols de ces an a la S. Marti, a Manac. Li fil He. de

Milac an a feu d'eus de Clarol las maizos e los orts qui sun eu borc de Mi-

lac, de la scura P. d'Aissa doscha qua a la maizo Tochaprea, e an en la

meitat deus quart ….. sis de l'alo e de las vinas et de las terras deu Poi;

100   e l'autra meitat es aut senors, e li Gaidenc sun en …… o tot a levar e

an o deus senors; e an d'eus II. sesters de civada eu chasal de Bonafont

e l'al que hi .... senor an hi II. sesters de civada e II. d. e lo quartd'una

pessa. Et an eu mas de Poi Rochau e eu Deves e eus ….. de Laja la meitat

d'aquo que li senor hi an ; e aquo es la lersa part deus ces e deus gerbat-

105   ges e de las taladas, si li ome hi eren, de tot lo mas de Poi Rochau, e an

n'ianchaps deus autres senors la bordaria de la Charreira e autras doas.

Et an d'eus autra meitat d'aquo que il an en la forest de Bainac ni eus

autres bocs dejosta, e aquo es la tersa parts de las doas parts de tota la

forest de Bainac, de civada, de paschers e de senorias, mas lo paschers es

110   tot a eus de Milac de lor feu.

E per aquet feu deven esser lor ome litgee mais amar que autres senors;

e, quant iran e venran, onrar et servir e donar, secun las chochas que il

auran.

E an en mais de feu la meitat de la tersa part de la bordaria de Marazols

115  que li bon ome de Bocchal tenen d'eus, e deven en li bon ome XVIII. d.

de ces portat a Milac, a la S. Thomas, aut.... ; e aquo que an eu mas

Chalob, e la meitat que li senor de Clarol an en las apsalas, qui sun

entre los deves de Milac et de Bainac et de la Jauna, fors los anchaps

que li senor hi an. La bordaria de la Mazo ….. oria es lor dominia, e la

120 Johania e autra bordaria dejosta. Et an anchaps de tot los senors una

talada l'an, en totas las bordarias de Marazols e de la Barrilaria e de

la Senegaudia, e de las autras dejosta ; et per aquet onrat feu deven

tota la terra e los omes a eus de Clarol chaptener e defendre a lor poder de

tot omes, e si li ome eren penorat, an las penoras a segre ; e si plat nimes-

125 sios se sorzien en aquestas terras, an a far lor messios per lo feu que n'an,

en[o] per autre achapte.

Lo mas deu Rore de Peretde la bordaria de S. Amant an a feu deus se-

nors de Clarol et sun en lor ome lilge G.Lapojae si nebot... de la Vernola

e li fil A. de Peret e lor parcener, e deven lor en XXX. sols d'achapte et

130 IIII. sols de ces ….. e li II. sol son S. Sicari de Brantolme de lor almona,

e li XII d. son a eus deu Poi de feu e li XII. aut senors ; e deven lor en

servisi de menjar e de beure e de civada e deven donar segon las cochas

que auran.

E la Poja es lor receps e lor chambra, e deu los hi om recebre quant

135 iran e quant venran ni o demandaran e lor companos recebre ; e deu lor

om donar a menjar e a sopar, e aut chavaus civada ; e il de S. Amant

tot aissament.

E la ecclesia de S. Amante lo reduzatges e lo borcs et li prat e li

moli e li ort et las vinas sun d'aquet feu a eus de Clarol ; e aquet feu an den

140 Wilermus de Sarnac, e deven l'en XXVIIII. sols d'achapte e re pluis no.

E aquit afevat de la Poja e il de S. Amant an mais de feu deus senors

los ces que an en las terras absas de la Jauna e una bordaria que

n'an, e deven en XII. d. d'achapte.

Il de la Poja deven IIII. d. de ces deu boc desos las vinas ; e en las

145 terras qui sun entre aquet bocs e las Vernolas an una emina de

froment de ces ; las doas part de la Seguinea e de la Vernola es lor de

quarts e de talada e d'esplet ; e an hi II. d. de ces e mart.

E eus IIIItro mas a Flamenc de Bona Font e de maint bocs an lor vi-

garia e lor destreit e lor espleit de chauls e de pala eu Brer ; en deven

150 lor servi[si] e per eus destrener deus clams que auran li ome qui en a(n)-

ques quatre mas estaran.

E li fil Helias de Bencha an d'eus a feu II. sols de ces, a las Bessas e a

las Faurgas, josta Peyrosa, e la bordaria de la Mosateira, que li fil Falveu

an d'eus, et un solar josta la ecclesia de Milac, aqui o l’uis Costeat es ;

155 e deven lor en omenatge e servisi de chavaler. Et He. de Bencha, lor

pair, fes en l'omenatge n'Aimeric de Clarol eu bor[c]. de Dornarac. E la

ecclesia de Milac... de Clarol solars josta aquet, e quars eu claus deu

Pescher, e deu lor en servir lo prestre de chand.... e d'al, quant venran

en la terra.

160 E es lor la meitat de la desma deu vi de tota la terra que il an en la

parrolia de Milac, quant vinas hi aura ; e deu en He. de Perot V. sols d'a-

chapte, non ges per feu, mas per plat qu.…. foit de corela que avia d'una

lor terra.

E li Gaidenc an d'eus, ab los autres feus, la bailla de Marazols, de la

165 Barrilaria e de totas las absalas de la Jauna et lor forestatge de Bainac e

de Chabrolenc, o il a[n] lor part deu pascher e de l'al e deus autres box.

E an a amassar las civadas e las issisos d'aques box, e a redre e a cun-

tar ab los senors.

La masoaria dejosta la Jauna es lor, e no hi a baile ni prebost, e deu

170 lor II. sesters de segle, e II. sesters de civada, a la mesura vela de Milac,

portat, e lor taladas e lor espleit.

Lo box de la Faia dejosta la Jauna es lor dominis e lor deves senes au-

tres parceuers.

E la bordaria de Grenavau es lor e quela de la Genesta ; mas III. d. hi

175 a S. Sicaris de lor almona.

E lo mas lo forester de Vauchantat es lor e no l'an d'ome, e deu lor III.

sesters de segle, e III. sesters de civada, a la mesura vela, e VI. chapos,

portat a Milac; e III. d. de ces, a la S. Johan degolaci, et VI. d. a Nadal,

e tres taladas istrals a Pasches, e en estiu e a Nadal, e esplet a lor talan

180 de civada e d'al.

E G. de Mairavent et li fil P. Arnau an la bailia d'aquet mas d'eus e

VI. d. de ces, e una pessa de terra a Milac, quen P. d'Aissa te d'eus, e

deven en omenatge e servisi e XII. d. d'achapte.

E Steves de Melaguet es lor om per la terra de Vaucelor e per autres

185 feus e deu lor en II. sols d'achapte ; e fes l'omenage A. de Clarol en la

schala de la maizo P. de Lajao a Rochaart, vehent P. Bru d'Aissa e maint

d'autres.

E il de Chavehac an d'eus de Clarol IIII. sesters de blat e IIII. d. eu

mas deu Brol de la parrofia de Biac e deven en omenatge e servisi de

190 chavaler.

E P. Rainaus de Nontron a d'eus, en aquet meeis mas, VIII. sesters

de blat e VIII. d. de ces ab los quarts que.... en la parrofia de Milac e en

aquela de Vilars, e en la desma de la parrofia de S. Marti de Freicenjas

e eu servisi de la ecclesia e en l'omenatge e en l'achapte e eu servisi deus

195 desmers an atretant cum an il de P[er]ot ab eus de Milac, qui o an d'eus, de

blat, de vi, de lana, de galinas.

E il de Laja sun lor ome litge e lor forester e lor baile e deven lor l'an

III. sesters de blat a la mesura vela e XII. d. de ces e atretant d'achapte

e de servisi cum He. de P[er]ot ab eus de Milac, qui o an d'eus.

200   E an una bordaria en la parrofia de Vilars e a num la Chavalaria ; e an

en la parrofia d'Abjac a.... Grac …… e a Peirac, ces de blat de

segle e de civada, e deu l'om portar a Milac, a la S. Marti....

Item notum sit que tuit li ome qui estaran eu mas de las Chezas an lor

204 chalfar …… e lor bastir e lor esplet eu box de Bainac.

II

CENSIER DE MAGNAC (E 748) [3].

Noverunt omnes quod Petrus de Montfraiboi dedit W° de Mainac, ab sa

filla in matrimonio, lo mas de Toera entegre, ab ces et ab esplet, e lo mas

de Masabra, e la bordaria de Lavau ab ces et ab espleit, e la meitat del

mas de Beuloc entegrament, ab ces e ab espleit ; eu mas Benavunt.III.

5  sols; lo mas Bardo entegre ab ces e ab espleit; en la bailia Per Robert a

Poiengal e en l'altra bailia .II. sols, e la quarta part de la dema de Pansols,

e la quarta part de la dema d'Estoarts ; e lo desmers achaptet de W° de

Montfa .II. sols e .VI. deners, e aiso que avia en la bordaria de Pairac e

duas bordarias, una supra la Faulila, autra tras la maiso Malmont, e una

10  pessa de terra que Ge. Girars ten(e)ia. En aiso que lo vescoms a en Bosc

Dau, a Girau de Mainac a feu de lui la tersa part ab sos cosis, estiers La-

vena. Lo fius aus Foresters e sos feus aus Faures a en domeni. El a ostor

tersol e li Foresters deven .X. sols d'achapte a lui per lo fiu deu Bosc Deu.

Per d'Esporn fo om Ge. de Mainac per lo mas de Valeta e deu .XX. sols

15  d'achapte, e el mas a .X. diners de ces. Fougier de Vaudu fo sos om per

la bordaria dejosta Fortespina. David d'Aisa fo sos om per lo mas deus

Chams, e per lo mas de Tuzac, eper lo mas de Montaseu, e per la vigaria

deu Barri. Audois Rogers fo sos om per lo ces deu mas de la Cort. Gui

d'Esporn donet Ge. de Mainac .X. sols d'achaptament per la bordaria

20  Guiart, e per duas maisos deu Barri, e per lo prat dejosta Corbeleras. Ge.

de Verlena fo sos om per lo moli aus Jutzes e per lo prat desobre. G.

Peitovis deu omenesc e servizi per la desma deus chasals de Blangeteiras.

Seguis Prebost deu omenesc e servizi per la bordaria de la Faia. Jordas de

Montoles donet aisso que avia eu mas de Cosouszac eo solar dejosta la

25  maiso Saumart Iter de Manac, auvent P. Jauzelm e Guiu de Tornac, e per

aisso Iter de Manac donet Jorda a fiu .IIII. sols a San Marti lo Pengt e deu

omenesc. Postea W° de Manac, filius lterii crec .XII. diners Ugo de

Montoles, e foren .V. sols, e Ugo fo sos om, auvent e veent W° Arnalt,

Arnau Ros, Ge. de Lastrada, Guio d'Esporn, Guio de Monfraibo, Mala-

30  chauza, Aimeric lo Bestorn, e pluisors autres. P. Jauzems donet Iter de

Mainac lo solar dejosta la sua maiso, per un sest. de blat que avia en so

moli del Bosc. Ge. Grifo a fiu de Itr de Mainac lo ces deu mas de la

Peira, e .XII. deners a Sant Estefe, e la bordaria que es josta l'estanc

d'Estoardeu, e la tersa part deu quart deu mas Boareu, e deu omenesc. P.

35  Robert donet Itr de Mainac .XIIII. sesters de blat eu mas de Faurgas, e .II.

sesters d'avena en la parrofia de San Marti, e .XII. diners eu mas de Ri-

beiras per lo mas de la Loardia.

Certum sit que lo senner de Javarlac a a fiu de Itr de Mainac lo mas de

las Planas, lo mas de Montgauga, e lo ces del mas de Sancta Susauna, e

40  la bordaria de Chausteu Clop, e deu far omenesc. Ymbert de Marnac a

fiu de Itr de Mainac las maisos en que el esta, ab los molis de sots la maiso,

e a San Marti maisos e chausas, ab ces .IIII. diners l'endema de Nadal, e

una bordaria josta Sant Estefe, e deu omenesc. R. de Doa a fiu solars e

orts a Sant Marti e deu omenesc. W° Aiz a fiu a Pompeias et a Lors, e deu

45  .X. sols d'achapte e omenesc. Hugo Armanz a fiu lo mas de Poi Amaugier

entegre, e lo mas de Varena, e lo quart deu mas deu Defes, e la bordaria

d'Augignac, de Itr de Mainac, e deu d'achapte .C. sols e omenesc. E Ite-

rius tenc lonc temps lo fiu per los .C. sols de l'achapte e per l'omenesc e

per lo servizi qu'en podia aver. En apres Aimerics Emes ac sa filla e fez

50   l'omenesc e donet .XL. sols per respieit domentre que tenria la terra. Li

Jordanenc de Souzac deven Itr de Mainac omenesc e servizi, per lo quart

deu mas deu Bruel e per aisso que an en la dema de Sant Estefe. W° de

Montfaia fez omenesc Per de Magnac per la terra de Genzac. Eu mas de la

Volpilleira a .X. sols d'achapte e omenesc de chavalier, eu plus doneren a

55  lor seror. Bos de Monlfraibo e Gui deven .XXX. sols d'achapte Itr de Ma-

gnac e servizi, per lo mas de Relhac e per l'autre fiu. Li Jordanenc de Sant

Estefe deven .V. sols d'achapte Iter de Mainac. Iter deu Bruel fo om Ge. de

Mainac, per lo mas de Cumbas e per l'autre fiu. Gau. Comarx fo sos om

per lo fiu, el fiu a .I. sester d'avena de ces. P. Bernart de Bondedel a lo

60  mas de la Gorsa de Ge. de Mainac, e deu .XX. sols d'achapte e omenesc

e servizi. Iter de Mainac ac jorn ab Aimar de Gradignac per la quarta

part deu chastel que li devia eschaer per sa mulier, e per jujament lan por-

tet, auvent David d'Aissa, Gui de Tarnac, Ge. de Mainac so fraire, Aimar

de Marnac, W° de Rochas e sos fils e plusors autres. Bernart de Malmont

65  fo om W° de Mainac, per lo fiu que a de lui a Mainac. P. Demer de Milac

fo om Ge. de Mainac e deu .XX. sols d'achapte. Ge. deu Poi de Milac a fiu

de Itr de Mainac la maiso en que esta, et autras maisos e solars e orts e

demas a Milac, e deu omenesc e servizi. He. Chaboz de Vilars sos parso-

ners a fiu de Itr de Mainac la maiso W° Sudor e autras maisos e orts e so-

70 lars e diemas a Milac e deu omene[s]c e servizi e .XXX. sols d'achapte ;

sed negant. Lo Juizes de Magnac deu .III. sols d'achaptament e omenesc

per lo fiu que a de Ge. de Mainac, eu fiu son las maisos e baillas. Esteve

de la Bertaudia deu .II. sols d'achapte Itr de Mainac e omenesc per lo bosc

et per la terra de la Ferreira. Falveus de Milac deu omenesc [per] lo mas

75  de Cumbas. Gui de Milac fo om Per de Mainac per la Salvannia e deu .XL.

sols d'achapte ; sed negat. Lo prebost de Mainac a fiu de W° de Magnac

la quarta part deu mas deu Maset, e la meitat deus prats et deus chasals, e

per aisso fo sos om, e deu .I. sestr de segle [e] .I. de civada, ab un chauc.

Itr de Mainac aordenet ab eus de Doa la terra de josta Pelardiras per dreju-

80  rer hereditage a tener, per tal covenent que l'un agues .I. sestr de segle de

ces a San Marti, l'autre .I. sester de mestura eu moli de Doa, el terz receup

en gagiera per .VI. sols de Aimeric de Doa. Esteve Buzata a fiu de Itr de

Mainac la bailia e la demaria de Pompeias, e deu .XV. sols d'achapte e ome-

nesc. Itr de Mainac iessen .X. diners de ces de la bordaria de Malafaia a la

85 San Michael. En Boschau receup la part de la terra de Falvel en gagiera

per .IIII. sols. Eu mas de Cumbas a .I. sestr d'avena, eu mas de Lineirac

a de propri de saumei .I. jorn e demiei, que achaptet de Pero Artaut, e en

la part Ge. de Montfaia .XVI. sols de gagieira, e perdonet en .VI. sols.

III

CENSIER DE PETRONILLE DE LA TOUR (1285) (E 800) [4].

Actum die martis post festum beati Michaelis anno Domini M° CC°

octuagesimo quinto, census qui sequitur habel domina Petronilla de Turre,

in burgo et parrochia Sancti Martini lo Peynh et in parochiis de Javerlhac

et de Borc Deu et de Nontronio.

5  Guilhems e G. Jamme frayre deven .III. sext. de froment de las Costas

vendens e comprans, e .II. de la Ribiera, e .I. esmina comblada de Rey-

naudieras, e .I. sext. de secgle del Puoy vendent e comprant, e .III. d.

quant paien los ces, e deven los de las Costas. Jammes lo vielhs deu .III.

sext. de froment vendens e comprans de las Costas e .II. de la Ribiera,

10  e .I. sext. del Puoy al te...e... ssenacon ……… d. quant paia los ces,

e .III. esminas de civada e .III. esminas de secgle del Puoy. Guilhems Ay-

mars. I .sext. de froment de la Nadalia vendent e comprant, e .I. esmina

de froment combla …….. .III. esminas de froment comblas de la bordaria

de ….. e .I. esmina de froment vendent e comprant de Pumarieras, e .III.

15  esminas de sivada del mas de las Agas, e .I. sext. de sivada de d………

mayjo, e .IX. d. a la Totz Saynctz del prat de Jaumarieras. G. Aymars

.III. esminas de froment vendens e comprans de la bordaria al Rey, e .I.

sext. de froment de Jaumarieras, e .I. esmina de froment de la terra Plu-

mens, e .I. esmina de froment combla de Reynaudieras, e .XVIII. d. de la

20 Ribiera a la Saynct Johan, e .IX. d. a la Totz Saynctz del prat de Jauma-

rieras. P. de Faurdinas deu .I. sest. de froment comble e .I. sext. de

sivada de Vinha Redonda, e .I. sext. de froment vendent e comprant de

Jaumarieras, e .I. esmina de froment de la guasnharia P. Vacha, e .I.

quarta combla de Reynaudieras, e .XII. d. a la Chandelor de la mayjo e

25 de l’ort. P. e Johans Ferriers frayre deven .I. sext. de froment e .I. es-

mina de sivada vendent e comprant de la Rosaria, e .I. esmina de secgle

vendent e comprant e .I. sext. de sivada de las Agas, e .III. quartas de

secgle e .I. esmina de sivada vendent e comprant de Fanhac, e .I. esmina

de secgle del Sol, e .I. sext. de froment del prat del Peschier, e .I. sext.

30 de secgle de Lesparra, e .I. esmina de froment del chasal Jemenuoy, e

.I. esmina de froment de Flavinhac, e .I. esmina combla de froment de

Reynaudieras, e .I. esmina de panitz de la terra qui fo G. Desmier costal

Bujolh, e .IIII. s. de la bordaria al[s] Ferriers, .II. s. a la Totz Saynctz e .II.

s. a Nadal, e .XV. d. del chanabal a la Saincta Maria de myey aust. P.

35  Bonels .I. esmina de froment vendent e comprant de la bordaria al Rey,

e .I. sext. de froment de l'Arzilier, e .I. esmina de froment del Puoy al

Rey, e .I. sext. de froment del Bruolh, e .I. sext. de froment comblat

d'aqui meyh, de la partida Guachi, e mayh .I. esmina de sivada e .I. sext.

de sivada al dich Bruolh, e .X. s. al Bruolh  a la Totz Saynctz, dels quals

40 .X. s. deven paiar G. Aymars et Hel. Bonels los .V. s., de aquo que tenen

del dich Bruolh, chasqus per meytat. El dich P. Bonels deu mayhs .IIII.

s. e .VI. d. de la Ribiera a la Saynct Johan e. IX. d. a la Totz Saynctz del[s]

ors e de las mayjos. Hel. Bonels deu .I. esmina de froment del Puoy al Rey

vendent e comprant, e .I. sext. de froment e .I. sext. de sivada del Bruolh,

45 e .I. sext. de froment comblat e .I. esmina de sivada en la partida Gua-

chi, e .VI. d. de l'ort Jemenuoy a la Saynct Michel. P. Robbers deu .III.

esminas de froment vendens et comprans e .I. esmina de sivada del Puoy

al Rey, e .V. s. d'aqui meyh a Nadal, e .II. s. e .VI. d. dels ors e de las

mayjos a la Sainct Michel. Peronela Tranchapuoya .I. esmina de froment

50 combla del boc de Reynaudyeras. Johans Bernars .I. quarta de froment

combla del boc de Renaudieras. E P. Robbers dich desus deu mayhs .I.

esmina de froment combla del boc de Reynaudieras. El dihtz Hel. Bonels

deu mayh .IX. d. de l'ort e de la mayjo a la Totz Saynctz. P. Ferriers

deu e Hel. sos frayre .I. sext. de froment e .1  eymina de secgle de la

55 Rosaria, e .III. esminas de secgle e .III. esminas de sivada del mas de las

Agas, e .I. sext. de froment de Flavinhac, e .I. esmina de froment mayh

de Flavinhac, e .I. esmina de froment e .I. esmina de secgle de Chiga-

sanc, e I. esmina de froment de Lesparra, e .I. esmina de froment com-

bla de Reynaudyeras, e .I. sext. de froment de la bordaria al Rey, e .IIII.

60 s. de la bordaria al[s] Ferriers, li .II. s, a Nadal e li autre .II. s. a la Saynt

Estefe d'aust, e .III. s. de la terra qui fo a la Chapela a la Saynct Michel,

e .II. s. del prat de la Font aquels meyh jorns, e .XV. d. dels ors e de las

mayjos de Saynct Marti a la setembrecha. El dich P. Ferrier per se sol

.I. sext. de froment d'aqui ont a lo sol ; el dyht Hel. Ferriers per se sol

65 .I. esmina de secgle d'aqui ont a lo sol. Ay. e P. Minhars frayre deven

.III. esminas de froment comblas, et .XIX. d. e mealha a la Saynct Mi-

chel, de las terras qui foren P. de Doa, P. Aymeric e P. del Bot, lasquals

terras eran del fyo de la dicha domna. Johans Chavaros .I. sext. de fro-

ment e .I. sext. de secgle de las Brugieras, e .XX. e .II. s. del Chambo

70 e .IIII. chapos la vespra de Nadal, e per aquestas chausas deu .I. ome-

natje litge e us esperos blans d'achapte. P. de Nontron .I. esmina de

froment comblada de la Perencha. Li efant qui foren Hel. d'Arx deven .I.

esmina de froment combla de la vinha qui es pausada entre lo grant

chami qui muo de Saynct Marti e vay al Bandeat e lo sembdier qui vay

75 Arx. Guilhems d'Arx de la vinha quis te am aquela .I. esmina combla

de froment. La Malmossona e siey efant deven de la terra qui se le ara

la vinha Guilhem d'Arx e del prat del moli .I. sext. de froment comble.

Guilhems Guastinels deu de las Versanas de las Combas, lasquals se tenen

am la terra de la dicha Malmossona, .I. sext. de froment comble. Gui-

80 lhems Chavaros .I. sext. de froment comble del boc apelat als Ar-

naus. P. Jaubers del Pont deu .I. sext. de froment e .I. esmina

de balharc combla de la vinha de Fosa Fola e de la pertenensa. Ara.

de Lespinassa .I. esmina de froment vendent e compraut de Masagarn. P.

Chabassa .III. sext. de sivada am .I. chalc e .VI. d. a la Saynct Marti

85 d'ivern e .VI. d. en mars. P. Lombars deu .I. esmina de froment vendent

e comprant de la vinha e .I. sext. de sivada am .I. chalc e .III. d. a la

Saynct Marti d'ivern e .III. d. en mars. A la Sarpina deu om .I. esmina de

sivada. P. del Chauze deu .I. sext. de secgle comble de la bordaria de

Val Corbi. Johans del Chauze I. esmina combla de secgle d'aqui meyh.

90 Hel. del Prat .I. sext. de froment del mas del Prat, de la partida qui fo

G. Desmier, e .I.sext. de froment comblet de la terra qui fo al[s] Bigordas.

Ay. de Bochapanieras deu .I. quarta de froment vendent e comprant de la

terra que ac de P. Aymeric ; a Blanchatieras, IIII. d. a la Saynct Marti ; a May-

rinhac, .X. d. a la Saynct Marti ; a la Bordaria, .III. d. a la Pantacosta. Hel. de

95 Felis. VI. d. de la vinha costa la bordaria a Nadal Folco. Tizo .I. sext. de fro-

ment ras en testa del mas d'Ayac. Aymars de Grazinhac. I. esmina de froment

rasa en testa del mas d'Ayac. Chabbers deu mealha a la Saynct Michel. G. del

Boc e sye[y] frayre dev[en] .III. esminas de froment comblas a la setembrecha,

del prat e de la terra deu Bizalh. A Bayrieras deu om .I. esmina de panitz

100 e .I. esmina de sivada e .XII. s. a la Totz Saynctz e .XII. s. a la Panta-

costa. A Vernuolh .II. sext. de sivada e .I. sext. de secgle vendent e com-

prant e .I. sext. de panitz. Oyos en Bernars Ramnolf .IIII. s. a la Tofania

del moli de Set Fons. El chapelas Saynct Marti deu .X. d. de la soa mayjo

de Saynct Marti a la Saynct Marti, laquals mayjos muo del fio de la dicha

105 domna. Johans Bernars .XXII. d. de l'ort costa sa mayjo a la Saynct Marti.

Guilhems d'Arx e syey parsonier deven .IIII. d. a la Saynct Michel, per

raso del[s] Bigordas, liqual los venderen a Guilhem de La Tor, filh de la

dicha domna. G. Bonels deu .I. esmina de froment combla de Puoy Bonel.

P. Bonels, G. Bonels e P. del Boc deven .II. d. de Puoy Bonel a la Totz

110 Saynctz. P. de la Clota e syey frayre deven .II. d. de ces e .II. d. d'a-

capte a la Saynct Michel de la Guysnaria.

(A suivre.)



[1] voir les extraits qu'a donnés de cet inventaire, an grand profit de chacun de nous, le savant et zélé secrétaire général de la Société, Bulletin, t. III et suivants, et spécialement t. VII, pages 221-231 et 336-344.

[2] Archives des Basses-Pyrénées, série E. 747. Orig. sur parch. XIIe s.

[3] Archives des Basses-Pyrénées, E. 748. Original sur parchemin. Première moitié du XIIIe siècle.

[4] Archives des Basses-Pyrénées, E. 800. Original sur parchemin.

<<Retour