Chronicon Aquitanicum,

Quod ad aliis dicitur Fragmentum Chronica Lemovicensis;

Ex Codice Memiano. Ab Anno DCCCXXXIV ad MXXV.

 

 

Anno Dominicae Incarnationis DCCXXXIV. Herio insula a generali Monachorum habitatione destituitur mense Junio. Eo quoque anno Odo Aurelianorum Comes cum Lamberto Nannetensi Comite congreditur & occiditur.

DCCCXXXV.           Rainaldus Arbatilicensis Comes XIII. kalendas Septembris cum Normannis dimicavit in Herio insula.

DCCCXXXVI.          Corpus sancti Philiberti septimo Idus Junii, ex Herio insula effoditur, & in Burgundiam perfertur.

DCCCXXXVIII.       Pipinus Aquitaniae Rex obiit Pictavis apud sanctam Radegundem sepultus.

DCCCXL.                 Tertio Nonas Maii, quarta feria hora octava Eclipsis Solis fuit, & XII kalendas Julii Hludovicus Imperator obiit; & recentiori scriptura; Iste aedificavit Monasterium S. Salvatoris Lemovicensis, & dedit castrum Lemovicense cum tota Capellania dicti Monasteris.

DCCCXLI.                Hlotharius Imperator cum Karolo & Hludovico fratribus certamen apud Fontanetum iniit, & per Warinum Provinciae Ducem supetatus fugam capessit, Francorum strage innumera peracta.

DCCCXLIII.             Judith Imperatrix Karoli Calvi mater obiit, apud beatum sepulta Martinum Turonis. Eo anno Rainaldus nono kalendas Julii a Lamberto perimitur. Eo quoque anno Nannetis a Wesfaldingis capitur, & Karolus primo Britanniam petit.

DCCCXLV.               Bernardus & Herveus a Lamberto occiduntur, quorum Herveus Rainaldi filius fuit.

DCCCXLV.               Sigoinus Comes a Nortmannis capitur & occiditur, & Sanctonae urbs concrematur, thesauris ejus optimis exportatis. Karolis iterato Britannias pergens cum Nomenolo dimicat.

DCCCXLVI.             Nortmanni mense Julio Herio insulam succendunt.

DCCCXLVII.            Nortmanni quarto kalendas Aprilis Deas Monasterium suocendunt, le Prieuré d'Aix, près de la Rochelle.

DCCCXLVIII.           Burdigala a Nortmannis capitur & concrematur.

DCCCL.                    Karolus Calvus Britannias, tertia vice cum magno exercitu petit. Nomenoius Rhedonas & Nannetas capiens partem murorum portasque earum destruxit.

DCCLI.                      Nomenoius jubente Deo ab Angelo percussus interiit. Karolus quarta vice Britannias repetens cum Erispoio filio Nomenoii certamen iniit undecimo kal. Septembris, partemque exercitus cum Viviano Duce amisit.

DCCCLII.                  Lambertus Comes a Gauzberto Cenomanensium Comite kalendis Maii occiditur. Eodem anno mense Septembri Karolus nepotem suum Pipinum adquirit. Ranulfus quoque Pictavensis, ac Raino sive Ramo, propinquus ejus pridie Nonas Novembris in Briliaco villa cum Nortmannis dimicant. Gauzbertus Comes mense Martio occiditur.

DCCCMIII.               Lucionum mense Maio a Nortmannis exuritur, & mense Junio Sancti Florentii Monasterium, & Nannetis civitas, Turonis quoque exuruntur.

DCCCLIII.                Lotharius Imperator Monachus effectus in Prumia Monasterio moritur.

DCCCLXIII              Turpio Engolismensium Comes cum Normannis congreditur, & occidens eorum Regem nomine Maurum, ab eo ipse occiditur.

DCCCLXVI.             Emeno Turpionis frater Engolismae Comes, cum Landrico Sanctonico Comite confligit, & occiso Landrico saucius in castro Ranconia reducitur, & die octavo moritur.

DCCCLXXXVI.       Wulgrinus Petragoricus Comes obiit. [V. Nonas Martii ex Ademaro].

DCCCXXX.              Ademarus Comes Emenonis filius quarto Nonas Aprilis obiit, apud sanctum Hilarium Pictavis sepultus.

MXXV.                     Obiit Odo Vicecomes sexto kal. Novembris apud S. Martialem Lemovicas sepultus. Eodem anno Henricus Imperator obiit, & Cono imperium suscepit. Eodem anno Basilius Imperator Graecus obiit, & Constantinus frater ejus Imperium suscepit.