E 752

Guillaume de Magnac, avant de partir pour la Terre-Sainte, fait donation de tous ses biens à Adémar de Magnac, chanoine de Saint-Front de Périgueux, son frère, et à Itier, Guillaume et Guy de Magnac (1270)

Notes préliminaires (Cl. R.) :

• si le lecteur veut bien nous communiquer ses corrections de nos fautes de paléographe amateur, nous l’en remercions d’avance.
• document cotté n° 166 du chapitre 30 (Nontron) de l'inventaire des archives du château de Montignac par Jean Fabre évêque d'Aure en 1546 (registre E 607)

Photos : G. F., M. P., Ph. R. / transcription Cl. R. / 1-8-2009

 

1 . Universis presentes litteras inspecturis, Officialis curie Lemovicensis, eternam in domino

salutem. Noverit universitas nostra quod, in nostra presentia, constitutis Guillelmo de

Manhac, milite antesignato existente in precinctu itineris ut dicabat

transfretandi ad partes transmarinas pro subsidio terre sancte personaliter

pro se ex parte una, et dilecto in Chrispo Ademaro de Manhac canonico

Sancti Frontonis Petragoricensis fratre suo, pro Iterio de Manhac, fratre ipsorum

primogenito, et pro Guillermo et Guidone domissellis filiis dicti Iterii

ex altera. Dictus miles antesignatus gratis spontanee ac scienter non

coactus, non seductus nec circumventus ab aliquo, dedit et concessit in perpe-

10. -tuum pro se et omnibus heredibus suis dictis patri et filiis et eorum

heredibus ab ipsis per rectam lineam descendentibus donatione pura

simplici et irrevocabiliter inter vivos totam hereditatem suam et omnia

bona dicte hereditatis, mobilia, immobilia et se manentia quecumque et

ubicumque sint et quocumque nomine censeantur salvo et completo in omni-

-bus et per omnia testamento ipsius militis antesignati quicquid

iuris possessionis et proprietatis in dicta hereditate habebat transferens

ex nunc irrevocabiliter in dictos patrem & filios et eorum heredes ab ipsis

per rectam lineam descendentes salvo & completo dicto testamento prout

superius est expressum. Et sic dictus miles antesignatus devestivit se

20. coram nobis in iure de dicta hereditate tota et bonis omnibus dicte hereditatis et

investivit de eosdem dictum canonicum fratrem suum nomine et ad opus dictorum

patris ac filiorum heredum predictorum eorumdem, promittens, prestito corporaliter

juramento, quod contra dictam donacionem et contenta in litteris istis in parte vel in

toto per se vel per alios de cetero non veniret tacite vel expresse. Vol-

-uit etiam et peciit dictus miles antesignatus quod ad hac observan-

-da si necesse esset ipsum per censuram ecclesiasticam compelleremus ad

que omnia observanda ipsum militem nolentem, parte altera petente, in scriptis

ex nunc sententialiter condempnamus. In cuius rei testimonium ad instantiam par-

-tium presentibus litteris sigillum lemovicensis curie duximus apponendum

30. sine iuris preiudicio alicui. Datum et actum septim. kal. Maii anno

Domini millesimo ducentesimo septuagesimo.

Ego vero Guillermus de Manhac miles antesignatus presentibus litter-

-is una cum sigillo Lemivicensis curie sigillum meum duxi apponendum

in testimonium veritatis. Datum ut supra.