E 752

Vente d'une terre, située à Milhac, par Pierre de Bornazel[1] à Géraud de Magnac, chevalier (1274 v. st.)

Notes préliminaires (C.R.) :

• si le lecteur veut bien nous communiquer ses corrections de nos fautes de paléographe amateur, nous l’en remercions d’avance.
• document cotté n° 141 du chapitre 30 (Nontron) de l'inventaire des archives du château de Montignac par Jean Fabre évêque d'Aure en 1546 (registre E 607)

Photos : G. F., M. P., Ph. R. / transcription Cl. R. / 1-8-2009

 

 

1 . Universis presentes litteras inspecturis, Petrus de Bornazeu de Milhac gener Alaydis

Comayr[2] salutem et veritatem. Noveritis quod ego dictus Petrus non seductus non deceptus

vendo, concedo, et quitto pro me et omnibus heredibus et successoribus meis in perpetuum domino

Geraldo de Manhac militi ementi et recipienti ex causa et titulo vendicionis,

concessionis et quittationis predicte pro se et suis heredibus et successoribus universis

pro pretio quinquaginta solidorum monete lemovicensis de quibus omnibus habui et recepi

a dicto milite solucionem plenam et satisfactionem integram integram (sic) in pecunia nu-

-merata exceptioni non numerate et non solute pecunie, renunciando expresse quamdam

peciam terre meam ad dominium dicti militis proprie pertinentem, que sita est subtus

10. burgum de Milhac inter viam per quam itur de dicto burgo versus Tilhias ex una parte,

et viam per quam itur de infirmaria de Milhac versus dictas Tilhias ex altera, et juxta

ortum ipsi militis et medietatem meam solarii siti in dicto burgo de Milhac inter domum

Helie de Charentem[3] ex una parte, et domum Helye de Milhac ex altera, prope ecclesiam de

Milhac, quod solarium fuit dicti Salveu[4] deffuncti cum suis pertinentiis universis, et devestio

me, pro me et meis omnibus, in manu dicti militis de omnibus supradictis, et ipsum militem, pro se

et suis, exinde investio in perpetuum pleno jure. Et promitto me facturum sibi et suis

super predictis omnibus in judicio et extra usus omnes homines plenam et perpetuam guarentiam, et

renuncio in hiis omnibus expresse omnibus exceptionibus et deffensionibus juris et facti et omni

usui, consuetudini statuto et utriusque juris beneficio canonico et civili que premissa michi

20. possent in parte vel in toto competere et dicto militi nocere et juri dicenti generalem re-

-nunciationem non valere dictam vero vendicionem et omnia predicta et singula et contenta in litteris

istis, promitto me in perpetuum inviolabiliter observaturum et contra non venturum prestito

corporaliter juramento. In cuis rei testimonium dicto militi concedo presentes litteras sigillo venerabilis viri

domini Guillelmi abbatis de Petrosa cisterciensis ordinis ad meam instanciam sigillatas. Nos vero dictus

abbas ad instanciam dicti Petri sigillum nostrum presentibus apponimus litteris in testimonium predictorum 

[d---][5] idus Januarii, anno Domini millesimo ducentesimo septuagesimo quarto.