<< Retour

 

E 691 / AUBEROCHE Pièce 3

Ratification de la vente du château d'Auberoche par Charles de Bretagne, vicomte de Limoges (1346).

Note préliminaire :

Photos (G. F., M. P., Ph. R.) :

 

 

Transcription (Cl. R.):

Note préliminaire : Pour les passages endommagés, nous invitons le lecteur à se rapporter à la transcription de Leydet in BnF, Fonds Périgord, tome 9, recueil n° 4, p. 37.

Karolus, dux Britannie, vicecomes Lemovicensis et Johanna, ducissa Britannie, vicecomitissa Lemovicensis eius consors, notum facimus, universis tam presentibus quam futuris, nos

infrascriptas litteras excellentissimi principis domini et avunculi nostri carissimi Regis Francie vidisse, forma que sequitur, continentes :

“Philippus [1] , Dei gratia Francorum Rex notum facimus

universis tam presentibus quam futuris, quod, cum olim castrum de AlbaRupe carissimi nepotis nostri Caroli, ducis Britannie [2] , vicecomitis Lemovicensis, et Johanne [3] , eius consortis, in Petragorcinio

situatum, per inimicos nostros furtive et proditionaliter fuisset occupatum, et postmodum quibusdam fidelibus nostris procurantibus ad hobedientiam nostram redductum quod pro nobis et nostri nomine

tenetur. Pensantes quod nobis et patrie quam plurium expedit quod dictum castrum fideliter custodiatur quodque ipsum castrum circumcirca terram dilecti et fidelis nostri Comitis Petragoricensis extitit situ-

-atum cuius mediante diligencia et affectu fidelius et utilius poterit custodiri. Idcirco [4] et aliis que nos monent, in hac parte, de valore castri predicti, castellanie, jurium, reddituum, homa-

-giorum bastide Bonevalis [5] infra dictam castellaniam situate, nemorum, molendinorum et aliorum deveriorum quotienscumque ad dictum castrum, castellaniam et bastidam pertinentium plenius

informati, pro nobis et nostris successoribus et pro dicto duce et vicecomite et dicta eius consorte et suis heredibus et successoribus et quolibet ipsorum, quathenus quemlibet tangit predictum castrum cum

dicta bastida edificiis, fortaliciis, redditibus et proventibus, juridictione alta, media et bassa, nemoribus, molendinis, aquis, homagiis olim vicecomiti Lemovicensis fieri consuetis, ratione bo-

-norum et rerum, que in dicto castro infra dictam castellaniam tenetur et aliis juribus, deveriis et pertinenciis omnibus et singulis ad dictum castrum, castellaniam et bastidam

pertinentibus et infra ipsam castellaniam existentibus quecumque sint et quocumque nomine nuncupentur carissimo nostro Taleyrando sacro sancte romane ecclesie Petragoricensis Cardinali, fratri

germano dicti Comitis [6] , pro se et suis heredibus, et causam ab eodem habituris ex nostra certa sciencia, vendimus, cedimus perpetuo penitus et quittamus et in eundem, pro se et suis predictis, trans-

-feramus totaliter pleno jure ad habendum, tenendum, utendum, possidendum, explectandum et suas et suorum in perpetuum omnimodas voluntates faciendum pretio viginti milium florenorum auri de Floren-

-cia boni et legitimi ponderis quos ab eodem habuimus et recepimus et in utilitatibus et comodis nostris applicavimus et convertimus et applicatos et conversos recognoscimus, et de eodem ipsum Cardinalem

et suos solvimus et quittamus per presentes cuiusmodi castrum, castellaniam et bastidam, volumus et concedimus pro nobis et nostris et nomine quo supra, quod dictus Cardinalis per se vel per

alium seu alios eius nomine teneat, possideat, et explectat modo et forma quibus, dicti vicecomes et eius consors ac predecessores sui vicecomites Lemovicensis tenere et possidere consueverunt,

sine debato et contradictione quibuscumque. Promittentes, bona fide, pro nobis et nostris et pro dictis conjugibus et suis predictis dicto Cardinali, pro se et suis predictis, premissa omnia et singula ven-

-dita, cessa et quittata adversus et contra quoscumque deffendere perpetuo ac etiam garentire et si debatum seu controversia oriretur super hoc in futurum promittimus pro nobis et nostris predictis

dicto Cardinali pro se et suis predictis predictos debatum et controversiam amoneri facere penitus et cessari sine debato et contradictione cuibuscumque nostris propiis sumptibus et expensis. Preterea,

promittimus, pro nobis et nostris predictis, dicto Cardinali pro se et suis predictis, quod dictus Carolus, dux Britannie vicecomesque Lemovicensis, et predicta eius consors, premissis omnibus et

singulis expresse consentient et predictam venditionem, cessionem et quitationem approbabunt, ratifficabunt et confirmabunt, et ratas et gratas habebunt perpetuo pariter et acceptas et contra

non venient per se vel per alium aliqua ratione et litteras bonas et sufficientes eidem Cardinali super hoc dabunt et concedent. Quod ut firmum et stabile permaneat. Nostrum pre-

-sentibus litteris apponi fecimus sigillum, salvo in aliis jure nostro et quolibet alieno. Actum et datum apud Malum Dudum prope Pontisaram [7] , anno domini millesimo trecentesimo quadrage-

-simo sexto , mense novembris”.

Nos autem, visis et plenius intellectis litteris supra scriptis et contentis in eisdem certiorati de jure nostro ex nostris certis scienciis venditioni, cessioni et quit-

-tationi predictis, expresse consentimus, et eas ac omnia et singula in dictis litteris contenta approbamus, rattificamus et confirmamus et ratas et gratas habemus pariter et acceptas et habere et obtinere

volumus perpetuam et irrevertibilem firmitatem et quicquid juris nobis(?) [-----------] [8] coniuctim vel divisim competit aut competere potest et debet in premissis venditis superius declaratis

seu eorum altero pro nobis et nostris dicto Cardinali pro se et suis cedimus [---------------] [9] et quittamus, et in eundem pro se et suis transferimus totaliter pleno jure ad faciendum exinde suas et

facere perpetuo omnimodas voluntates. [P-------] [10] et facimus pro nobis et [----------------------] [11] Cardinali, pro se et suis predictis, expressum perpetuum validum et [soll-----] de non petendo(?) quicquid [-------] [12]

in premissis [-----------------] [13] et de non monendo seu faciendo sibi vel [------------------------em] [14] . Salvo et retento quod dictus cardinalis et eius heredes seu causam habentes ab ipso de castro,

bastida, pertinenciis eorum et aliis suprascriptis facient homagium ubi et ad [--------------ebit] [15] . Quod ut firmum et stabile perpetuo perseveret litteras presentes sigillis nostris fecimus appensione

muniri. Actum et datum sub sigillis nostris, anno Domini millesimo tricentesimo quadragesimo sexto, mense Januarii [16] .



[1] Philippe VI de Valois.

[2] Charles de Blois, aussi appelé Charles Ier de Bretagne, (né à Blois en 1319, tué à la bataille d’Auray le 29 septembre 1364).

[3] Jeanne de Penthièvre, dite la « boiteuse ».

[4] aucun des 2 documents comparés n’est lisible à cet endroit

[5] peu lisible, mais voir document E691_1350.

[6] le comte de Périgord, Roger Bernard.

[7] Pontoise

[8] manuscrit détérioré

[9] id.

[10] texte peu lisible, non décrypté.

[11] manuscrit détérioré. On peut imaginer aisément « nostris predictis et dicto »

[12] texte peu lisible, non décrypté.

[13] id.

[14] manuscrit détérioré.

[15] id.

[16] correspond donc à janvier 1347 dans notre calendrier actuel.

 

et au dos :

<< Retour