PAU / E 613
Note préliminaire (Cl. R.): Ce manuscrit a été transcrit par Leydet, in BnF, Fonds Périgord, tome IX, pp. 67 (bas) - 68 (haut). Nous en avons réalisé la transcription du passage ci-dessous, en nous appuyant sur le texte de Leydet, accompagné de ses commentaires. Voir ici la transcription de Leydet.
Photos G. F., M. P., Ph. R. / transcription C.R. / 10-01-2010
Copie du manuscrit :
Transcription (partielle) :
Universis presentes litteras inspecturis. Johannes de Villeta miles senescallus agennensis & caturcensis pro illustrissimo rege Francie salutem. Noveritis nos vidisse & recepisse mandatum dicti domini regis in quibusdam litteris clausis sigillo ipsius regis nobis ad eodem directum in hec verba :
Philippus, Dei gratia Francie rex senescallo agennensi, salutem. Significavit nobis comes Petrag. quod Johanna quondam uxor karissimi patrui nostri Alfonsi quondam comitus Pictavensis & Tholosae Philippam privignam ipsius comitis Petragoricensis, heredem universalem reliquit in suo testamento, & eidem legavit omnia acquisita tam per patrem suum quam post decessum patris sui constante matrimonio inter ipsam Johannam & predictum Alfonsum, sive illa essent acquisita ratione hempcionis aut alterius acquisitionis nec non etiam successionis in episcopatibus Agennensi, Caturcensi, Ruthenensi, Albiensi, & in tota alia terra sua in residuo totius terre sue dimisit eidem Philippe quinta parte sua. Acquisita vero in diocesi Agennensi sunt talia, prout asserit idem comes, videlicet Villa Sanctae Fidis supra flumen Dordoniae, villa de Castellione (*) sita tam in Petrag. quam in Agenesio, Villa Franca, Villa Nova iuxta Pujolium, castrum Monte Flanquini cum pertinentiis, castrum Montis Clari cum pertinentiis, bastida de Alta Gemma, bastida vocata Castrum Comitale, castrum Amauro, Mons Regal., bastida de Dunas (**), bastida de Donzenis, de Aygogo, castrum Tornum, Grande Castrum, Villa Regalis, in Caturcino vero, bastida de Bonnas, castrum de Lauzerta, bastida de Moleriis, bastida de Mirabello, bastida de Castro Sacrato, bastida de Monte Jovis, bastida de Septem Fontibus. Bene vobis mandamus quathinus diligenter addiscatis si res praedicte censeri debent hereditariae et adquisite, & si censeri debent adquisite, addiscatis que sunt ille que fuerunt acquisite post decessum ejus, constante matrimonio inter Johannam predictam & clare memorie Alfonsum karissimum paternum nostrum maritum suum. Rursus addiscatis si mulier habet medietatem in acquisitis constante matrimonio; & utrum predicte Johanne de rebus predictis testari licuit modo predicto. Et istam aprisiam faciatis de rebus predictis caute per bonos et per fide dignos. Et quidquid super premissis inveneritis, nobis quantocius comode poteritis significare curetis, vel saltem quam primum ad parlamentum contigerit vos venire. Datum Parisius die martis ante festum beatae Marie Magdalene. In quorum omnium visionis & receptionis fidem & testimonium nos dicti senescallus sigillum nostrum praesentibus duximus apponendum. [ sans autre date ni millesime, mais l'écriture est du règne de Philippe Le Hardi (***).]
(*) en marge gauche (Leydet): "c'est Castilhonnès".
(**) en marge gauche (Leydet): "il n'est pas parlé ici d'Aultvillars ni de Lomagne".
(***) commentaire de Leydet.